ރ. މީދޫ އެކުވެރި ކްލަބުން އެ އަތޮޅުގައި ބާއްވާ އިންޓަ ރިސޯޓް ވޮލީބޯޅަ މުބާރާތް، އިތާ 2023ގެ ގުރުއަތުލުން ބޭއްވިއިރު، ޓީމުތައް ބެހިފައިވަނީ ދެ ގްރޫޕަކަށެވެ.

މުބާރާތުގެ ގުރުއަތުލުން ބާއްވާފައިވަނީ މިދިޔަ ބުރާސްފަތި ދުވަހުގެ ރޭ ރ. އަތޮޅު ތަޢުލީމީ މަރުކަޒުގެ ހޯލްގަ އެވެ. މި އިވެންޓް ޝަރަފްވެރިކޮށްދެއްވާފައިވަނީ ރ. އަތޮޅު ތައުލީމީ މަރުކަޒުގެ ޕްރިންސިޕަލް މުހައްމަދު ވަސީމް އެވެ.

ޖުމްލަ އެކު، ހަ ޓީމެއް މި ފަހަރުގެ އިތާ 2023، އިންޓަ ރިސޯޓް ވޮލީބޯޅަ މުބާރާތުގައި ވަނީ ބައިވެރިވެފަ އެވެ. އޭގެ ތެރޭގައި ހިމެނެނީ، ޖޯލި ބީން، ޖޯލި މޯލްޑިވްސް، ކޯރާ ކޯރާ މޯލްޑިވްސް، ދަ ސްޓެންޑާޑް، ކުޑަފުށި ރިސޯޓް އަދި ހެރިޓެންސް އާރަށް އެވެ.

މި ޓީމުތައް ދެ ގްރޫޕަކަށް ބަހާލިއިރު، ގްރޫޕް އޭގައި ހިމެނެނީ ހެރިޓެންސް އާރަށް، ކުޑަފުށި އަދި ޖޯލި ބީން އެެވެ. ގްރޫޕް ދޭއްގައި އޮތީ، ދި ސްޓޭންޑާޑް، ޖޯލި މޯލްޑިވްސް އަދި ކޯރާ ކޯރާ މޯލްޑިވްސް އެވެ.

މުބާރާތުގެ ފުރަތަމަ މެޗުގައި އަންނަ މަހު އެއް ވަނަ ދުވަހު ހެރިޓެންސް ބައްދަލުކުރާނީ ކުޑަފުށިއާ އެވެ.