މާލޭ ސިޓީ ކައުންސިލުގެ ބިދޭސީ މުވައްޒަފުންގެ އެކޮމަޑޭޝަނުގައި ރޯވެ، އެތަނުގެ 200 މުވައްޒަފުން ހާލުގައި ޖެހުނުތާ 19 ދުވަސް ފާއިތުވިއިރު ވެސް އެމީހުންނަށް ދާއިމީ ބޯހިޔާވަހިކަމެއް އަދިވެސް ހަމަނުޖެހޭ ކަމަށް ދައުލަތުގެ އިދާރާތަކުން ބުނެފި އެވެ.

ޖެނުއަރީ 19، ގައި ރޯވީ، ސިޔާސީ ހަމަނުޖެހުން ހިންގުމަށް މީގެ ކުރިން އެތަކެއް ފަހަރު ރޯކޮށްލާފައިވާ މާލޭ ނީލަން ފިހާރަތަކުގަ އެވެ. ނަމަވެސް އަލިފާންގަނޑު ކޮންޓްރޯލް ނުކުރެވި، ކައުންސިލުގެ އެކޮމަޑޭޝަން ބްލޮކާ ހަމައަށް އެ ހުޅުގަނޑު ފެތުރުނީ އެވެ. މުވައްޒަފުން މިވަގުތު ތިބީ ހުޅުމާލޭ ކޮވިޑް ފެސިލިޓީ އާއި ތައިސޭ ކޮށީގައި ހަދާފައި ހުރި ތަންކޮޅެއްގަ އެވެ.

"[މުވައްޒަފުންނަށް] ތަނެއް ހަމަޖެއްސުމަށް މި މަސައްކަތް ކުރަނީ. ވާގޮތަކީ ވަރަށް އުނދަގޫ ކަމެއް އެހާ ގިނަ މީހުން އެއްފަހަރާ ބެއިތިއްބުމަށް ތަންތަން ހޯދުމަކީ ވެސް،" މި ނޫހާ ވާހަކަ ދައްކަވަމުން މާލޭގެ މޭޔަރު ޑރ. މުހައްމަދު މުއިއްޒު ވިދާޅުވި އެވެ.

މުއިއްޒު ވިދާޅުވީ ސިޓީ ކައުންސިލުގެ މުވައްޒަފުން ކޮވިޑް ފެސިލިޓީގައި ބޭތިއްބުން ހަރަދު ބޮޑު ކަމަށެވެ. ހާލުގައި ޖެހުނު ބިދޭސީން ވަގުތީ ހިޔާތަކުގައި ތިބެގެން ވެސް މަސައްކަތަށް ނިކުންނަމުންދާއިރު، މިވަގުތު އެމީހުންގެ ޓްރާންސްޕޯޓަށް ވެސް ބޮޑު ހަރަދެއް ހިނގަމުންދާ ކަމަށް މޭޔަރު ވިދާޅުވި އެވެ.

"ސަރުކާރުގައި ވެސް ދަންނަވައިގެން މި އުޅެނީ. އެބޭފުޅުން އަަތަކުވެސް ނެތް މިވަގުތު ތަނެއް. އެބޭފުޅުން އެބަ އޮތް ޖަވާބު ދީފައި. އެހެންވީމަ އަޅުގަނޑުމެން މި ބަލަނީ ދެން ކޮންމެވެސް ހައްލެއް ގެނެވޭތޯ އަދިވެސް،" މުއިއްޒު ވިދާޅުވި އެވެ.

ހުޅުމާލޭ ކޮވިޑް ފެސިލިޓީއަކީ ތިބީ ހާލުގައި ޖެހުނު މީހުންގެ ތެރެއިން 140 މީހުންނެވެ. ބާކީ ތިބި . 60 މީހުން ބައިތިއްބަނީ ތައިސޭ ކޮށީގައި ތަައްޔާރު ކުރި ވަގުތީ ހިޔަލެއްގަ އެވެ. އެ އެންމެންގެ ކެއުންބުއިމާއި ދަތުރުފަަތުރު ހަމަޖައްސަނީ ކައުންސިލުންނެވެ. އެމީހުން ދަތުރު ކުރުމަށް އެމްޓީސީސީން އޮތީ ދެ ބަސް ހަމަޖައްސައިފަ އެވެ.