މިހާރު ކުރިއަށްދާ ސާފް ޗެމްޕިއަންޝިޕް މުބާރާތާ ދިމާކޮށް "އަދަދު" އިން ކުރިއަށް ގެންދާ ހާއްސަ ހަރަކާތްތަކުގެ ތެރެއިން ސޮލަރެލް އިންޝުއަރެންސްއާ ގުޅިގެން ގެންދާ ހަރަކާތުން ދެ ވަނަ ސައިކަލެއް ހޯދުމުގެ ފުރުސަތު ހުޅުވާލައިފި އެވެ.

ސޮލަރެލް އިން ވަނީ "އަދަދު" އާ ގުޅިގެން ޕޯސްޓެއް ޝެއާކޮށްގެން އަގުބޮޑު ޖީއެން ސައިކަލެއް ހޯދުމުގެ ފުރުސަތު ހުކުރު ދުވަހުން ފެށިގެން ހުޅުވާލާފަ އެވެ. ފުރަތަމަ ސައިކަލު ހޯދުމުގެ ފުރުސަތު "އަދަދު" ގެ ރަސްމީ ފޭސްބުކް ޕޭޖާއި ސޮލަރެލް އިންޝުއަރެންސްގެ ރަސްމީ ފޭސްބުކް ޕޭޖަށް ލައިކެއް ދިނުމަށް ފަހު، އެ ޕޯސްޓް ޝެއާކޮށްލުމުން ލިބޭނެ އެވެ.

އިތުރު ސައިކަލެއް ލިބުމުގެ ފުރުސަތު އޮތީ، ސޮލަރެލް އިންޝުއަރެންސް މި މަހުގެ ނިޔަލަށް ކުރިއަށް ގެންދާ 'މޮޓޯ ކޮމްޕްރިހެންސިވް އިންޝުއަރެންސް' ޕްރޮމޯޝަންގައި މި އިންޝުއަރެންސް ޕޮލިސީ ގަންނަ ކަސްޓަމަރުންގެ މެދުގައި ގުރުއަތު ނަގައިގެން ހޮވޭ ނަސީބުވެރިޔަކަށެވެ.

މި ޕްރޮމޯޝަންގައި ހާއްސަ އަގުތަކެއްގައި އިންޝުއަރެންސް ޕޮލިސީ ނެގޭނެ އެވެ. އެގޮތުން 50،000ރ. އާ ހަމައަން އަގުކުރެވޭ ސައިކަލް ތަކަށް އަހަރަކަށް 300ރ. އަދި 50،000ރ. އިން ފެށިގެން 100،0000ރ. އާ ހަމަައަށް އަގު ކުރެވޭ ސައިކަލު ތަކަށް އަހަރަކަށް 600ރ. އަށް ފުލް އިންޝުއަރެންސް ލިބިގެންދާނެ އެވެ.

ސޮލަރެލްގެ ސޭލްސް މެނޭޖަރު އާލިޔާ މުހައްމަދު ވިދާޅުވީ އަމިއްލަ ބޭނުމަށް ގެންގުޅޭ ސައިކަލު ނުވަތަ ކާރަށް ކޮމްޕްރިހެންސިވް އިންޝުއަރެންސް ގިނަ މީހުން ނުނަގަނީ ޕެކޭޖުގެ މައުލޫމާތު ނޭގޭތީ ކަމަށެވެ. އަދި ޕެކޭޖް ނެގުމަށް ކުރަންޖެހޭ ހަރަދު ބޮޑުވުމުގެ ސަބަބުން ވެސް ކަސްޓަމަރުން މި އިންޝުއަރެންސް ޕެކޭޖް ނަގަން ފަސްޖެހޭކަން ވެސް އާލިޔާ ވިދާޅުވި އެވެ.

ސޮލަރެލް އިން މިހާރު ކުރިއަށް ގެންދާ ހާއްސަ ޕްރޮމޯޝަނަކީ އަމިއްލަ ސައިކަލެއް ގެންގުޅޭ ކޮންމެ މީހަކަށްވެސް ފަސޭހައިން މި އިންޝުއަރެންސް ޕޮލިސީ ނެގޭނެ އިންތިޒާމުތަކާ އެކު އަގު ވަރަށް ބޮޑަށް ކުޑަކޮށްގެން ކުރިއަށް ގެންދާ ޕްރޮމޯޝަނެއް ކަމަށް އާލިޔާ ވިދާޅުވި އެވެ.

ސޮލަރެލް އިން "އަދަދު" އާ ގުޅިގެން ކުރިއަށްގެންދާ ހާއްސަ ހަރަކާތްތަކުގެ ތެރޭގައި ސާފް ޗެމްޕިއަންޝިޕްގެ މެޗްތަކުގެ ސްކޯ ދިމާކޮށްގެން ކޮމްޕްރިހެންސިވް މޮޓޯ އިންޝުއަރެންސް ހޯދުމުގެ ފުރުސަތުވެސް ހިމެނެ އެވެ.