އުފަން ތާރީހު: 28 ޖުލައި 1993 (27 އަހަރު)

މަގާމު: ފޯވާޑް

ގައުމު: އިންގްލެންޑް

ކްލަބް: ޓޮޓެންހަމް

ޔޫރޯއާ ކުރިމަތިލާއިރު އެންމެ ފޯމުގައި ހުރި އެއް ފޯވާޑަކީ އިންގްލެންޑްގެ ހެރީ ކޭން އެެވެ. މި ސީޒަނަކީ ލަނޑު ޖެހުމުގެ އިތުރުން ލަނޑު ޖަހަން ފުރުސަތު ތަނަވަސްކޮށްދިނުމުގައި ވެސް އޭނާގެ ރެކޯޑް ރަނގަޅު ސީޒަނެކެވެ. މި ސީޒަނުގައި ކޭން ކުޅުނު 49 މެޗުން އޭނާ ވަނީ 33 ގޯލު ޖަހައި 17 ގޯލު ޖަހަން ފުރުސަތު ތަނަވަސްކޮށްދީފަ އެވެ. ހޯސޭ މޮރީނިއޯގެ ކޯޗުކަމުގައި ޓޮޓެންހަމް ކުޅުނުއިރު، ކޭންބޮޑަށް ފާހަގަވެފައިވަނީ ޓީމު ކުޅުންތެރިއެއްެގެ ގޮތުގަ އެވެ.

އުމުރުން 27 އަހަރުގެ ކޭން ވަނީ އިނގިރޭސި ގައުމީ ޓީމަށް ވެސް ލިބުނު ފުރުސަތުތަކުގައި ތަފާތު ދައްކައިފަ އެވެ. ކޭން ވަނީ ގައުމީ ޓީމުގެ ކެޕްޓަން ބޭންޑް އަޅައިގެން ވެސް ގިނަ މެޗުތަކެއްގައި ކުޅެފަ އެވެ. އެންެމެ ފަހުން 2018 ވަނަ އަހަރު ބޭއްވި ފީފާ ވޯލްޑް ކަޕްގެ ރަން ބޫޓު ހޯދީ ކޭން އެވެ. އަދި މި ފަހަރުގެ ޔޫރޯގައި އިންގްލެންޑް އިން ކާމިޔާބު ހާސިލްކުރާނަމަ ކޭން މުހިއްމު ދައުރެއް އަދާކުރާނެ ކަމަށް އިންގްލެންޑްގެ ކޯޗު ގަރެތު ސައުތުގޭޓް ގަބޫލުކުރެ އެވެ. އުމުރުފުރާ ގައުމީ ޓީމުތަކުން ފެނުނު ކޭން ސީނިއާ ގައުމީ ޓީމަށް 2015 ވަނަ އަހަރު ކުޅެން ފެށި ފަހުން އޭނާ ވަނީ ގައުމީ ޓީމަށް ކުޅެދިން 54 މެޗުން 34 ގޯލު ޖަހައިފަ އެވެ.