އުފަން ތާރީހު: 20 ޑިސެމްބަރު 1992 (22 އަހަރު)

މަގާމު: ފޯވާޑް

ގައުމު: ފްރާންސް

ކްލަބް: ޕީއެސްޖީ

މި ވަގުތު މުޅި ދުނިޔޭގެ ފުޓްބޯޅައިގައި ވެސް އެންމެ ނަން ހިނގާ ކުޅުންތެރިންގެ ލިސްޓެއް ހަދާނަމަ އެންމެ ކުރިން ފުރުސަތު ލިބޭނެ އެއް ކުޅުންތެރިއަކީ ފްރާންސްގެ ފޯވާޑް ކީލިއަން އެމްބާޕޭ އެވެ. އުމުރުން 22 އަހަރުގެ އެމްބާޕޭގެ ވިދުން އާދަޔާހިލާފަށް ގަދަވާން ފެށީ 2018 ވަނަ އަހަރުގެ ފީފާ ވޯލްޑް ކަޕްގެ ޗެމްޕިއަންކަން ފްރާންސަށް ހޯދައިދޭން ކުރި މަސައްކަތުންނެވެ. ފައިނަލުގައި އެމްބާޕޭ ޖެހި ގޯލުތަކާ އެކު އޭނާ ވަނީ ބްރެޒިލްގެ ލެޖެންޑްރީ ފޯވާޑް ޕެލޭގެ ރެކޯޑްތަކަކާ ވެސް ހަމަކޮށްފަ އެވެ.

ފްރާންސް އިން މި ފަހަރު ޔޫރޯ ކާމިޔާބު ކުރަން އެންމެ ބޮޑަށް ބޭނުންކުރާނެ ހަތިޔާރަކީ ޕީއެސްޖީގެ ފޯވާޑް އެމްބާޕޭ އެވެ. އެމްބާޕޭގެ ހަލުވިކަމާއި ލަނޑު ޖެހުމުގެ ހުނަރުގެ ސަބަބުން އޭނާ ހިފެހެއްޓުން ވަނީ އިދިކޮޅު ޓީމުތަކަށް ކުރިމަތިވާ ވަރަށް ބޮޑު ޗެލެންޖަކަށެެވެ. ލިއޮނަލް މެސީ އާއި ކްރިސްޓިއާނޯ ރޮނާލްޑޯގެ ކެރިއަރުގެ ތަރި އޮއްސުމަށް ފަހު ދެން ދުނިޔޭގެ ފުޓްބޯޅައިގައި ކުރިއަށް އޮތް އަހަރުތަކުގައި އެންމެ ވިދާލާނެ ކުޅުންތެރިއަކީ އެމްބާޕޭ ކަމަށް ފުޓްބޯޅައިގެ ގިނަ ތަޖުރިބާކާރުންތަކެއް އަންނަނީ ބުނަމުންނެވެ. ވޯލްޑް ކަޕްގައި އެމްބާޕޭ އާއި ފްރާންސްގައި މިހާރު އޮތް ޓީމުން ދެއްކި ކުޅުމަށް ބަލާއިރު އެ ޓީމަކީ މި ފަހަރުގެ މުބާރާތުގެ ފޭވަރިޓެކެވެ.