އުފަން ތާރީހު: 21 އޮގަސްޓް 1988 (32 އަހަރު)

މަގާމު: ފޯވާޑް

ގައުމު: ޕޮލެންޑް

ކްލަބް: ބަޔާން މިއުނިކް

އުމުރުން 32 އަހަރުގެ ޕޮލެންޑް ފޯވާޑް ރޮބަޓް ލެވަންޑޯސްކީ އަކީ މިދިޔަ އަހަރު ފީފާ އިން ހޮވި ދުނިޔޭގެ އެންމެ މޮޅު ފުޓްބޯޅަ ކުޅުންތެރިޔާ އެވެ. މިހާތަނަށް ގައުމީ ޓީމާ އެކު ތަށްޓެއްގައި އަތްލުމުގެ ނަސީބު ލިބިފައިނުވި ނަމަވެސް ލެވަންޑޯސްކީގެ ލަނޑުތަކާ އެކު ޕޮލެންޑަށް ބައިނަލްއަގުވާމީ މުބާރާތްތަކުން ފުރުސަތު ލިބޭ މިންވަރު މި ފަހުން މި ވަނީ އިތުރުވެފަ އެވެ. ލެވަންޑޯސްކީ އަކީ ޕޮލެންޑް ގައުމީ ޓީމަށް އެންމެ ގިނަ ގޯލު ޖަހައިދިން ކުޅުންތެރިޔާ އެވެ. އޭނާ ވަނީ މިހާތަނަށް ގައުމީ ޓީމަަށް ކުޅެދިން 118 މެޗުން 66 ގޯލު ޖަަހައިފަ އެވެ.

ޖަރުމަނު ލީގުގައި ލަނޑު ޖެހުމުގެ އެތައް ރެކޯޑެއް އޮތް ލެވަންޑޯސްކީ މި އަހަރު ވަނީ 49 އަހަރުވީ ރެކޯޑެއް މުގުރާލައިފަ އެވެ. އެއީ ޖަރުމަނުގެ ކުރީގެ ފޯވާޑް ގާޑް މުލާ ލީގުގެ އެއް ސީޒަނެއްގައި 40 ގޯލު ޖަހައިގެން ހަދާފައި އޮތް ރެކޯޑެވެ. އަނިޔާގެ ސަބަބުން މެޗުތަކެއް ގެއްލުނު ލެވަންޑޯސްކީ މި ފަހަރު ޖަރުމަނު ލީގުގައި 41 ވަނަ ގޯލު ޖެހީ ސީޒަނުގެ އެންމެ ފަހު މެޗުގަ އެވެ. އިދިކޮޅު ކޮންމެ ޓީމެއް ވެސް ލެވަންޑޯސްކީ ދެކެ ޖެހިލުންވާ އެންމެ ބޮޑު ސަބަބަކީ އޭނާ ގޯލާ ރަށްޓެހިވުމެވެ. ލެވަންޑޯސްކީ އަކީ މިދިޔަ ވިއްސަކަށް އަހަރު ތެރޭގައި އެންމެ ގޯލް ސްކޯރިން ރޭޓް ރަނގަޅު ފޯވާޑެވެ. އޭނާ ވަނީ ގައުމީ ޓީމާއި ކްލަބް ލެވަލްގައި ވެސް އެކަން ދަމަހައްޓައިފަ އެވެ.