ކޮޅުނބު ފުޓްސަލް ކަޕްގެ ޗެމްޕިއަންކަން ޖޭޖޭ ސްޕޯޓްސް ކްލަބަށް

Nov 17, 2025, 9:17 AM
ކޮޅުނބު ފުޓްސަލް ކަޕްގެ ޗެމްޕިއަންކަން ޖޭޖޭ ސްޕޯޓްސް ކްލަބަށް

ސްރީ ލަންކާގެ މޯލްޑިވިއަން އެޑިއުކޭޝަނަލް އެންޑް ކަލްޗަރަލް ސެންޓަރު (އެމްއީސީސީ) އިން ބޭއްވި ކޮޅުނބު ފުޓްސަލް ކަޕްގެ މި އަހަރުގެ މުބާރާތުގައި ކުޅުނު ހުރިހާ މެޗަކުން މޮޅުވެ، ޖޭޖޭ ސްޕޯޓްސް ކްލަބުން ޗެމްޕިއަންކަން ހޯދައިފި އެވެ.

މުބާރާތުގައި ޖުމްލަ 12 ޓީމެއް ވާދަކުރިއިރު، މުޅިން ދިވެހި ކުޅުންތެރިން ހިމެނޭގޮތަށް ވާދަކުރީ ޖޭޖޭ އިންނެވެ. ރާއްޖޭގެ ފުޓްސަލްގެ ނަން މަޝްހޫރު ގިނަ ކުޅުންތެރިންތަކެއް ހިމެނޭ ޖޭޖޭ އިން ރޭ ސޯސަން ވިލާ، ފުޓްސަލް ދަނޑުގައި ކުޅުނު ފައިނަލް މެޗުގައި މޮޅުވީ، ރެޑް ޑެވިލްސްއާ ވާދަކޮށް 5-0 އިންނެވެ. ފައިނަލް މެޗުގެ މޮޅު ކުޅުންތެރިއަކީ ޖޭޖޭގެ އަލީ ޝިޔާހު (ޝިޔަޅޭ) އެވެ.

މި މުބާރާތުގައި އެންމެ ގިނަ ގޯލު ޖެހި ކުޅުންތެރިއަކީ، ޖޭޖޭގެ އިސްމާއިލް އީސަ (މެސީ) އެވެ. މޮޅު ފަސް ކުޅުންތެރިންގެ ތެރޭގައި، އީސަގެ އިތުރުން، ޖޭޖޭގެ އަބްދުﷲ ޝައްފާން (ޝާކާ) އާއި ގޯލްކީޕަރު، އަހުމަދު މާހިން މުހައްމަދު (މާޓިން) ވެސް ވަނީ ހިމެނިފަ އެވެ.

މުބާރާތުގެ މެއިން ސްޕޮންސަރަކަށް 3އެޗްލޮޖިސްޓިކްސް އިން ހަރަކާތްތެރިވިއިރު، މީޑިއާ ޕާޓްނަރަކީ އަދަދު ސްޕޯޓްސް އެވެ. ކޯ ސްޕޮންސަރުންގެ ގޮތުގައި، އޮބިއޮން، އެސްޕަޔާ ސްޕޯޓްސް، ޖޮޒްޓީ، އައިލެންޑް ޕާފިއުމް، ކެފޭ ޑި މާލެ، ސްވިފްޓް ލޮޖިސްޓިކްސް، ގުރުވާ ރެސްޓޯރަންޓް، ބޮޑީ ޓޯން ފިޓްނަސް އަދި އައިންޓްޒް ކިޗަން އިން ވަނީ ބައިވެރިވެފަ އެވެ.

ކޮޅުނބު ފުޓްސަލް އިންތިޒާމްކުރާ ފަރާތުން ޖެހިޖެހިގެން ދެ ވަނަ އަހަރު މި މުބާރާތް ބޭއްވިއިރު، ފުރަތަަމަ އަހަރަށް ވުރެން ދެ ވަނަ އަހަރުގެ މުބާރާތް ފުރިހަމަ އެވެ. ކޮޅުނބު ކޮމިއުނިޓީގެ މަގުސަދަކީ، އިތުރު ކުޅިވަަރު މުބާރާތްތައް ވެސް ފޯރިގަދަކޮށް ބޭއްވުމުގެ އިތުުރުން، ފުޓްސަލް މުބާރާތް ވެސް އަހަރުން އަހަރަށް އިތުރަށް ފުރިހަމަކުރުމެވެ.

ފަހުގެ ޚަބަރު

އުންމީދަކީ 18 މަސް ދުވަސް ތެރޭ ފުޓްސަލް އެރީނާ ނިންމުން: ރާފިއު

ހުޅުމާލޭގައި ބިނާކުރާ ފުޓްސަލް އެރީނާގެ މަސައްކަތް 18 މަސްދުވަހުގެ ތެރޭގައި ނިންމުމަކީ އުންމީދެއް ކަމަށް ސްޕޯޓްސް މިނިސްޓަރު އަބްދުﷲ ރާފިއު (ރާއްޕެ) ވިދާޅުވެއްޖެ. ލިއޯ ޓްރޭޑިންއާ ހަވާލުކޮށްގެން ކުރިއަށްގެންދާ މި މަޝްރޫއަކީ ފުޓްސަލް ކުޅުންތެރިންނަށް ބޭނުންވާ އިންޑޯ ވަސީލަތްތައް ގާއިމުކުރުމަށް ފެށި މުހިންމު މަސައްކަތެއް

ނެޝަނަލް ފުޓްސަލް އެރީނާގެ އަމަލީ މަސައްކަތް ފަށައިފި

ހުޅުމާލޭގެ ތިންވަނަ ފިޔަވަހީގައި ބައިނަލްއަގުވާމީ ފެންވަރުގެ ނެޝަނަލް ފުޓްސަލް އެރީނާ އެޅުމުގެ އަމަލީ މަސައްކަތް ލިއޯ ޓްރޭޑިންއާ ހަވާލުކޮށްގެން ވަނީ ފަށާފައި. ދެ އަހަރު ދުވަހުގެ ތެރޭގައި ނިންމުމަށް ހަމަޖެހިފައިވާ މި މަލްޓި-ލެވެލް އެރީނާގައި ފަސް ކޯޓާއި، ކުޅުންތެރިންނަށް ބޭނުންވާ ޒަމާނީ ވަސީލަތްތައް ގާއިމުކުރަން ވަނީ ހަމަޖެހިފައި.

ޕާކިސްތާނުން ފައިނަލަށް ދިޔައީ ޕްލޭން ކާމިޔާބުކޮށްގެން

ސާފް ޗެމްޕިއަންޝިޕްގެ ސެމީ ފައިނަލުގައި 1-0 އިން ބަންގްލަދޭޝް ބަލިކޮށް، ޕާކިސްތާނުން ފުރަތަމަ ފަހަރަށް މުބާރާތުގެ ފައިނަލަށް ދަތުރުކޮށްފި. ބަންގްލަދޭޝްގެ ކޯޗު ތޯމަސް ޑޫލޭ ބުނިގޮތުގައި ޕާކިސްތާނުން މި މެޗު ކާމިޔާބުކުރީ އެމީހުންގެ ކުޅުން ދިރާސާކޮށް، ވަރަށް ރަނގަޅު ޕްލޭނަކާއެކު ތައްޔާރުވެގެން އައިސްގެން. ފައިނަލުގައި ކުޅޭނީ ޕާކިސްތާނާއި އިންޑިއާ

ބްރެޒިލް ބަލިވި މެޗުގައި އަންޗެލޮޓީ އާއި ރަފީނިއާ އަށް ރަތެއް

ބައިނަލްއަގުވާމީ އެކުވެރިކަމުގެ މެޗެއްގައި 3-2 އިން ޖަޕާން އަތުން ބްރެޒިލް ބަލިވިއިރު، ރެފްރީގެ ނިންމުންތަކާ ހިތްހަމަނުޖެހުން ފާޅުކުރުމުން ބްރެޒިލްގެ ކޯޗު އަންޗެލޮޓީ އާއި ކެޕްޓަން ރަފީނިއާ އަށް ރަތް ކާޑު ދައްކައިފި. ޖަޕާނުން މެޗުގެ ކުރީކޮޅު ދެ ލަނޑުގެ ލީޑެއް ނަގާފައިވަނިކޮށް ވިނީޝިއުސް ދެ ލަނޑު ޖަހައި މެޗު އެއްވަރުކުރި،

ރޮނާލްޑޯ ރިޓަޔާކުރި ފަހުން ޕޯޗުގަލް ކުޅުނު ފުރަތަމަ މެޗުން ބަލި

ކްރިސްޓިއާނޯ ރޮނާލްޑޯ ގައުމީ ޓީމުން ރިޓަޔާކުރި ފަހުން ޕޯޗުގަލް ކުޅުނު ފުރަތަމަ މެޗުގައި، ނޭޝަންސް ލީގުގައި ރޭ ޑެންމާކް އަތުން 4-1 އިން އެ ޓީމު ވަނީ ބަލިވެފައި. ރޮނާލްޑޯގެ ޝަރަފުގައި ހުރިހާ ކުޅުންތެރިން ހަތް ނަމްބަރު ޖޯޒީގައި ކުޅުނު މި މެޗުން ބަލިވި ނަމަވެސް، ޕޯޗުގަލް ވަނީ މުބާރާތުގެ ކުއާޓާ ފައިނަލުން ޖާގަ ހޯދާފައި

ކޮޅުނބު ފުޓްސަލް ކަޕްގައި މި ފަހަރު 16 ޓީމު

ސްރީ ލަންކާގެ ކޮލަމްބޯގައި 16 ޓީމާއެކު "ކޮޅުނބު ފުޓްސަލް ކަޕް" ފަށާފައިވާއިރު، މުބާރާތުގެ ގްރޫޕް ސްޓޭޖުގެ ގިނަ މެޗުތަކެއް ކުޅެ ބައެއް ޓީމުތަކުން މިހާރު ވަނީ ކުއާޓާ ފައިނަލުގެ ޖާގަތައް ކަށަވަރުކޮށްފައި. އެމްއީސީސީން އިންތިޒާމުކުރާ މި މުބާރާތުގެ އެންމެ ފަހުގެ ޗެމްޕިއަން ޖޭޖޭ ސްޕޯޓްސް ކްލަބް ވެސް ވަނީ ކުއާޓާ އިން ޖާގަ ހޯދާފައި

ޕާކިސްތާން ފުރަތަމަ ފަހަރަށް ސާފް ޗެމްޕިއަންޝިޕްގެ ފައިނަލަށް

މުބާރާތް ބާއްވާ ބަންގްލަދޭޝް 1-0 އިން ބަލިކޮށް، ޕާކިސްތާނުން ފުރަތަމަ ފަހަރަށް ސާފް ޗެމްޕިއަންޝިޕްގެ ފައިނަލުން ޖާގަ ހޯދައިފި. މެޗުގެ ފަހުކޮޅު އަބްދުލް އަރްޝަދު ކާމިޔާބުކުރި ލަނޑާއެކު ފައިނަލަށް ދިޔަ ޕާކިސްތާން، އަންގާރަ ދުވަހު ނުކުންނާނީ އެންމެ ފަހުގެ ޗެމްޕިއަން އިންޑިއާއާ ދެކޮޅަށް.

Newsletter

Get the latest news delivered straight to your inbox