ރަސްމާލެ ވިއްކާލުމާ ގުޅޭ ގޮތުން ސަލަފުގެ ކަންބޮޑުވުމެއް އޮތްކަން ހާމަނުކޮށް މުއިއްޒުއާ ބައްދަލުކޮށްފި

Oct 25, 2026, 8:41 PM
ސަލަފުގެ ބައެއް ވެރިން

ސަލަފުގެ ބައެއް ވެރިން


އިޒްރޭލުގެ ވާގިވެރިޔެއް ކަމުގައިވާ ޔޫއޭއީގެ އަލައްބާރުގެ އީގަލް ހިލްސް ކުންފުންޏަށް ރަސްމާލެއިން ބޮޑު ބައެއް  ދޫކޮށްލުމާ ދެކޮޅަށް ދިވެހި ރައްޔިތުން ނުރުހުން ފާޅުކުރަމުން ދަނިކޮށް، އެކަމުގައި އެއްވެސް ކަންބޮޑުވުމެއް އޮތްކަން ހާމަނުކޮށް ޖަމިއްޔަތުއް ސަލަފްގެ އިސްވެރިން ރައީސް ޑރ. މުހައްމަދު މުއިއްޒުއާ ބައްދަލުކުރައްވައިފި އެވެ.

މައުލޫމާތު އެނގޭ މަސްދަރުތަކުން ބުނި ގޮތުގައި މިއަދު މެންދުރުފަހު 2:00 އިން 3:00 އަށް ރައީސް އޮފީހުގައި ކުރިއަށްދިޔަ މި ބައްދަލުވުމުގައި ބައިވެރިވެވަޑައިގަތީ ސަލަފް ޖަމިއްޔާގެ ރައީސް ޝެއިހް އަބްދުﷲ ބިން މުހައްމަދު އިބްރާހިމް، ޝެއިޚް އަހުމަދު ސަމީރާއި، އިސްލާމިކް ޔުނިވާސިޓީގެ ވައިސް ޗާންސެލަރު ޑރ. އަލީ ޒާހިރުގެ އިތުރުން ސަލަފުގެ އިވެންޓު މެނޭޖަރު މުޖުތަބާ ހަމީދު އެވެ.

މި ބައްދަލުވުން ބާއްވާފައި މިވަނީ، އީގަލް ހިލްސްގެ ޗެއާމަން މުހައްމަދު އަލައްބާރަށް ރަސްމާލެ ވިއްކާލުމާ ގުޅޭގޮތުން ކަންބޮޑުވުންތަކެއް ހުރިތޯ ބެލުމަށް ދިރާސާކުރަމުންދާ ކަމަށް ސަލަފުން ބުނެފައި ވަނިކޮށެވެ.

ސަރުކާރުން މި މަޝްރޫއު އިއުލާނުކުރިތާ ހަފުތާއެއް ފަހުން ސެޕްޓެމްބަރު 28 ގައި ސަލަފްގެ ތަރުޖަމާނު ހަސަން ފިކުރީ އެކްސްގައި އެހެން ވިދާޅުވި ނަމަވެސް، އޭގެ ފަހުން އެ ޖަމިއްޔާއިން މިކަމާ ގުޅޭގޮތުން އެއްވެސް އެއްޗެއް ބުނެފައެއް ނުވެ އެވެ.

މި މަޝްރޫއު ދިރާސާކުރުމުގެ ކަންކަން ކުރިއަށްދާ ގޮތާ ގުޅޭގޮތުން ސުވާލުކުރަން ސަލަފުގެ ރައީސް ޝެއިހް އަބްދުﷲ ކުރިން ވެސް ފޯނު ނަގާފައެއް ނުވެ އެވެ.

ސެޕްޓެމްބަރު 21 ގައި ސޮއިކުރި ސިއްރު އެއްބަސްވުމުގެ ދަށުން އީގަލް ހިލްސްއަށް ރަސްމާލޭގެ  500 ހެކްޓަރު ދޭން އެއްބަސްވެފައި ވާއިރު، އެތަނުގައި ބިދޭސީ މަހުޖަނުންނަށް ދާއިމަށް ދިރިއުޅެވޭ ގޮތަށް އެޕާޓްމަންޓްތައް ވިއްކުމުގެ މަސައްކަތް އެ ކުންފުނިން ވަނީ ފަށައިފަ އެވެ.

ރަސްމާލެއިން ޕްރޮޕަޓީ ގަންނަ މީހާ އެތަން ވިއްކާލުމުން ނުވަތަ ހިބައިން ދިނަސް އަނެއްކާ  99 އަހަރުގެ އާ ލީސްއެއް ހޯދުމުގެ ފުރުސަތު އޮންނާނެ އެވެ.

މީގެކުރިން ގައުމީ ބޮޑެތި ކަންކަމުގައި އަޑުއުފުލި ދީނީ އިލްމުވެރިން މިކަމުގައި ހަނުތިބޭތީ ގިނަ ބައެއްގެ ސުވާލު ވަނީ އުފެދިފަ އެވެ.

ރަސްމާލެ ޕްރޮޖެކްޓު މިހާރު އޮތް ގޮތަށް ކުރިއަށް ނުގެންގޮސް ހުއްޓާލުމަކީ ސަރުކާރުގެ ދީނީ ވާޖިބެއް ކަމަށް "އިލްމުވެރިންގެ ގުޅުން" ޖަމިއްޔާއިން ތައްޔާރު ކުރި ތަހުގީގީ ދިރާސާއެއްގައި ވަނީ ބުނެފަ އެވެ. 

މިއަދުގެ ބައްދަލުވުމާ ގުޅޭ ގޮތުން ސަލަފު އަދި ސަރުކާރުން ވެސް ބަހެއް ނުބުނެ އެވެ.

ރަސްމާލެއިން ޕްރޮޕަޓީ ގަންނަ މީހާ އެތަން ވިއްކާލުމުން ނުވަތަ ހިބައިން ދިނަސް އަނެއްކާ  99 އަހަރުގެ އާ ލީސްއެއް ހޯދުމުގެ ފުރުސަތު އޮންނާނެ އެވެ. ފުރަތަމަ ދޫކުރާ 99 އަހަރުގެ ލީސް ނިމޭނީ ވެސް 2125 ގަ އެވެ.

ކޮމެންޓް

ފަހުގެ ޚަބަރު

އިހަވަންދިއްޕޮޅުގައި ވިޔަފާރި ބަނދަރު ހަދަން ސޮއިކޮށްފި

އިހަވަންދިއްޕޮޅުގައި ބައިނަލްއަގުވާމީ ވިޔަފާރި ބަނދަރަކާއި މެރިޓައިމް އަދި ސިނާއީ މަސައްކަތްތަކަށް ބޭނުންވާ ވަސީލަތްތައް ގާއިމުކުރުމަށް ޔޫއޭއީގެ ސަހު ގްރޫޕާއެކު ސަރުކާރުން މިއަދު ސޮއިކޮށްފިއެވެ. މި މަޝްރޫއުގެ ދަށުން އެ ސަރަހައްދުގައި ޓޫރިޒަމް ތަރައްގީކުރުން ވެސް ހިމެނޭއިރު، މިއީ ރާއްޖޭގެ އެންމެ އުތުރުގައި އިގްތިސާދީ ހަރަކާތްތައް ފުޅާކުރުމަށް ކުރިއަށްގެންދާ މުހިންމު މަސައްކަތެކެވެ.

މާދަމާރޭގެ ޖަލްސާއަށް ދާން ސަރުކާރު މުވައްޒަފުންނަށް އަންގައިފި

މާދަމާރޭ ބާއްވާ ޖަލްސާއަށް، ސަރުކާރުގެ ހުރިހާ މުވައްޒަފުން އެމީހުންގެ އަނބިން ނުވަތަ ފިރިންނާއެކު ބައިވެރިވުމަށް ރައީސުލްޖުމްހޫރިއްޔާ ވަނީ ދައުވަތު އަރުވާފައެވެ. މި ޖަލްސާއަށް ދާ މުވައްޒަފުންނާއި އެމީހުންގެ އަނބިފިރިންގެ މައުލޫމާތު މިއަދު މެންދުރުގެ ކުރިން ރައީސް އޮފީހަށް އެންގުމަށް ވުޒާރާތަކަށް ވަނީ އަންގާފައެވެ.

އަދާލަތުން ސަރުކާރަށް ތާއީދުކުރުމުން އަލީ ޒާހިރު ފާޑުވިދާޅުވެއްޖެ

އޭނާ ވިދާޅުވީ މިއީ ގިނަ ބައެއްގެ އުއްމީދުތަކާއި ބުރަ މަސައްކަތް ފޮހެވިގެންދާނެ ހިތާމަވެރި ނިންމުމެއް ކަމަށެވެ. އަދާލަތުން މި ނިންމުން ނިންމާފައިވަނީ 2028 ވަނަ އަހަރުގެ ރިޔާސީ އިންތިޚާބުގައި ރައީސް މުޢިއްޒަށް ތާއީދުކުރުމުގެ ގޮތުންނެވެ.

ބަޖެޓު ރާވާފައި ވަނީ މުވައްޒަފުން ނުނަގާ ހިންގޭ ގޮތަށް: ފިނޭންސް

މަޖިލީހަށް މައުލޫމާތު ދެމުން ފިނޭންސުން ބުނީ އަންނަ އަހަރުގެ ބަޖެޓު ރާވާފައި ވަނީ އާ މުވައްޒަފުން ނުނަގާ ދައުލަތް ހިންގޭ ގޮތަށް ކަމަށް. އަދި މުސާރަ ކަނޑައެޅުމުގައި ބަލަނީ ދައުލަތުގެ ފޯރުންތެރިކަން ހުރި މިންވަރަށް ކަމަށް.

ޕެންޝަން އޮފީހުގެ ސީއޯއޯގެ މަގާމުން ޝިއުނާ ވަކިކޮށްފި

ޕެންޝަން އޮފީހުގެ ސީއޯއޯގެ މަގާމުން މަރިޔަމް ޝިއުނާ ވަކިކޮށްފައިވަނީ، އެ އޮފީހުގެ ޗެއާޕާސަނާ ގުޅޭ މައްސަލަތަކެއް ކަމާބެހޭ އިދާރާތަކަށް ހުށަހެޅުމާއި ސަރުކާރުން ފައިސާ ޗާޕުކުރި މުއާމަލާތާ ދެކޮޅު ހެދުމުންނެވެ. މިދިޔަ ސެޕްޓެމްބަރު މަހުން ފެށިގެން ސަސްޕެންޝަނުގައި ހުރި ޝިއުނާ އެ މަގާމުން ވަކިކުރިއިރު، އޭނާއަކީ މީގެ ކުރިން އޭސީސީގެ ރައީސްކަންވެސް ކުރައްވާފައިވާ ބޭފުޅެކެވެ.

ރަސްމާލެ ވިއްކާލުމާ ދެކޮޅަށް އިހުތިޖާޖަށް ނުކުންނަން ގޮވާލައިފި

ބޭރުގެ ބަޔަކަށް 99 އަހަރަށް ރަސްމާލެ ވިއްކާލުމާ ދެކޮޅަށް އެމްޑީޕީން އެކަތިގަނޑެއްގެ ގޮތުގައި އިހުތިޖާޖަށް ނުކުތުމަށް މެންބަރު މީކާއިލް ގޮވާލައްވައިފިއެވެ. މި މަޝްރޫއާ މެދު ރައްޔިތުންގެ ފެންނަނުފެންނަ ވޯޓެއް ނެގުމަށް އެމްޑީޕީން ގަރާރެއް ހުށަހަޅާފައިވާއިރު، އެކަމުގައި ޕާޓީގެ ޒިންމާ ބޮޑުކަމަށް މީކާއިލް ފާހަގަކުރެއްވިއެވެ.

ޕީއެންސީއާއެކު އަދާލަތުން ކޯލިޝަން ހަދައިފި

މި އެއްބަސްވުމުގެ ދަށުން ސަރުކާރުގެ އިސް މަގާމުތައް އަދާލަތު ޕާޓީގެ މެންބަރުންނަށް ދިނުމަށް ވަނީ ހަމަޖެހިފައެވެ. އަދާލަތު ޕާޓީއަކީ މީގެ ކުރިން އެމްޑީޕީ އަދި ޕީޕީއެމްގެ ސަރުކާރުތަކުގައިވެސް ކޯލިޝަން ބައިވެރިއެކެވެ.

Newsletter

Get the latest news delivered straight to your inbox