ގައުމީ މަޖިލީހުގެ އިންތިހާބު އިއުލާނު ކުރުމަށްފަހު އެމްޑީޕީގެ ކޮންގްރެސް ނިންމާލައިފި

Oct 4, 2026, 12:21 AM
އެމްޑީޕީގެ ޗެއާޕާސަން ނަޝީދު: ގައުމީ މަޖިލީހުގެ އިންތިހާބު އޮންނާނީ ނޮވެމްބަރު 27، ގައި -- ފޮޓޯ: އަދަދު

އެމްޑީޕީގެ ޗެއާޕާސަން ނަޝީދު: ގައުމީ މަޖިލީހުގެ އިންތިހާބު އޮންނާނީ ނޮވެމްބަރު 27، ގައި -- ފޮޓޯ: އަދަދު

އިދިކޮޅު އެމްޑީޕީގެ ގައުމީ މަޖިލީހުގެ އިންތިހާބު ކުރިއަށް އޮތް ނޮވެމްބަރު މަހު ބާއްވަން އިއުލާނު ކުރުމަށްފަހު އެ ޕާޓީގެ ފަސް ވަނަ ކޮންގްރެސް މިރޭ ނިންމާލައިފި އެވެ. 

އެމްޑީޕީގެ ކޮންގްރެސްގައި އަސާސީ ގަވާއިދަށް ގިނަ އިސްލާހުތަކެއް ގެނެސް، މުޅި ގަވާއިދު ވަނީ އަލުން ފާސްކޮށްފަ އެވެ. އޭގެ ތެރޭގައި އެ ޕާޓީގެ ގައުމީ މަޖިލިސް އެކުލެވިގެންވާ ގޮތް ބަދަލު ކުރުން ހިމެނެ އެވެ.

ގަވާއިދުގައި ކުރިން އޮންނަ ގޮތުން ޕާޓީގެ ވެރިކަމެއްގައި ނަމަ ކެބިނެޓު މެންބަރުން ގައުމީ މަޖިލީހުގައި ހިމެނޭނެ އެވެ. އަދި ޗެއާޕާސަންގެ ނައިބު ވެސް ކުރިން އޮތް ގޮތުން ހިމެނެ އެވެ. 

ނަމަވެސް ކެބިނެޓު މެންބަރުންނާއި ޗެއާޕާސަންގެ ނައިބުންނަކީ އިންތިހާބަކާ ނުލާ މަޖިލީހުގައި ތިބޭ މެންބަރުން ކަމަށްވާތީ އެ މަގާމުތައް ގައުމީ މަޖިލީހުން ވަނީ އުނިކޮށްފަ އެވެ. ގައުމީ މަޖިލީހުގެ އާ އުސޫލާ އެއްގޮތަށް އިންތިހާބު އޮންނާނީ ނޮވެމްބަރު 27، ގަ އެވެ. 

"އަސާސީ ގަވާއިދަށް ގެންނެވި ހަތަރު ވަނަ އިސްލާހާ އެއްގޮތަށް ގައުމީ މަޖިލީހުގެ އިންތިހާބު 27 ނޮވެމްބަރު 2026 ވާ ހުކުރު ދުވަހު އޮންނާނެ ވާހަކަ އާންމުކޮށް އަންގާ އިއުލާނު ކުރިން،" ކޮންގްރެސް ނިންމާލައްވަމުން ޗެއާޕާސަން މުހައްމަދު ނަޝީދު ވިދާޅުވި އެވެ. 

އެމްޑީޕީގެ ކޮންގްރެސްގައި މިއަދު ވަނީ ނިޒާމު ބަދަލު ކުރުމުގެ މަސައްކަތް ކުރަން ފާސްކޮށްފަ އެވެ. އަދި ލާމަރުކަޒީ ސިޔާސަތު އެކުލެވޭ ކަރުދާހެއް ވެސް ވަނީ ފާސްކޮށްފަ އެވެ. 

އެ ކަރުދާހުގައި ހިމެނޭ އެންމެ ބޮޑު ބަދަލަކީ، ދައުލަތުގެ ވެރިޔަކާއި ސަރުކާރުގެ ވެރިޔަކު އިންތިހާބު ކުރުމެވެ. އެ ކަރުދާހުގައިވާ ގޮތުން، ސަރުކާރުގެ ވެރިޔާ އިންތިހާބު ކުރާނީ ރައްޔިތުންގެ ސީދާ ވޯޓަކުންނެވެ. އަދި ދައުލަތުގެ ވެރިޔާ އިންތިހާބު ކުރާނީ މަޖިލީހާއި ކައުންސިލްތަކުން ނަގާ ވޯޓަކުންނެވެ. 

ލާމަރުކަޒީ ކަރުދާހުގައި ހިމެނޭ އެންމެ މުހިންމު ކަމަކީ ކައުންސިލްތަކަށް ދޫކުރާ ފައިސާގެ އަދަދު އިތުރު ކުރުމާއި ޓެކްސްތަކުން ބައެއް ދިނުމާއި ގާނޫނުއަސާސީ އިން އިހްތިސާސް ކަނޑައެޅުމެވެ. 

އޭގެ އިތުރުން، އަތޮޅު ކައުންސިލްތައް އިއާދަ ކުރުމާއި އެމީހަކު ދިރިއުޅޭ ތަނަކަށް ވޯޓުލެވޭ ގޮތް ހެދުމަކީ ވެސް އެ ކަރުދާހުގައި ހިމެނޭ ކަމެކެވެ. 

ކޮމެންޓް

ފަހުގެ ޚަބަރު

ބޮޑެތި ހުރިހާ މަޝްރޫއެއް ވަނީ މަޑުޖެހިފައި: މުއިއްޒު

ދަރަނި ދެއްކުމަށާއި ޒަރޫރީ ޚިދުމަތްތަކަށް އިސްކަންދިނުމުގެ ސަބަބުން، އުމްރާނީ ތަރައްގީގެ ބޮޑެތި މަޝްރޫއުތައް މަޑުޖެހިފައިވާ ކަމަށް ރައީސް މުއިއްޒު އެއްބަސްވެވަޑައިގެންނެވި. މިކަން މިގޮތަށް ދިމާވީ ދުނިޔޭގެ ބާޒާރުގައި ތެލުގެ އަގު އުފުލުމާއި ފަތުރުވެރިން އަންނަ މިންވަރު މަދުވުމުން ފިސްކަލް މެނޭޖްމަންޓަށް ބަދަލު ގެނައުމުން ކަމަށް އެމަނިކުފާނު ވިދާޅުވި.

މިރޭގެ ޖަލްސާއަށް އެއްލައްކަ މެންބަރުން ހަމަނުކުރެވުނު

ޕީއެންސީގެ މެންބަރުންގެ އަދަދު އެއްލައްކައަށް އިތުރުކުރުމަށް ހިފި އަމާޒަށް މިރޭގެ ޖަލްސާއާ ހަމައަށް ވާސިލުނުވެވުމުން، އެ އަމާޒު ހާސިލުކުރުމުގެ ވަގުތު މިރޭ މެންދަމު 12 އާ ހަމައަށް ވަނީ އިތުރުކޮށްފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި އެ ޕާޓީއަށް އެއްލައްކަ ހަމަވާން އަދި 1,992 މެންބަރުން އިތުރަށް ބޭނުންވޭ.

ހުޅުމާލޭގައި އަޅާ ކޯޓު ކޮމްޕްލެކްސްގެ ބިންގާ އަޅައިފި

އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫއަކީ ޝަރުއީ ދާއިރާގެ ހިންގުން އެއް ފުރާޅެއްގެ ދަށަށް ގެނެސް، ކޯޓުތަކަށް ދިމާވެފައިވާ ޖާގައިގެ ދަތިކަން ހައްލުކުރުމަށް ފެށި 699.8 މިލިއަން ރުފިޔާގެ މަޝްރޫއެއް. މި އިމާރާތުގައި ހައިކޯޓާއި ސުޕީރިއާ ކޯޓުތަކުގެ އިތުރުން ޑީޖޭއޭގެ އޮފީސް ވެސް ހިންގުމަށް ވަނީ ހަމަޖެހިފަ.

ޕީއެންސީއަށް 100،000 މެންބަރުން މުވައްޒަފުންނަށް މަޖުބޫރުކުރަނީ

ޕީއެންސީގެ މެންބަރުންގެ އަދަދު އެއްލައްކައަށް ހަމަކުރުމަށްޓަކައި، ސަރުކާރު ކުންފުނިތަކުގެ މުވައްޒަފުންނަށް މަޖުބޫރުކޮށް ވަޒީފާގެ ބިރުދައްކަމުންދާކަމުގެ ޝަކުވާތައް ވަނީ ބޮޑުވެފައެވެ. މި އަމާޒަށް ވާސިލުވުމަށް އެހެން ޕާޓީތަކުގެ މެންބަރުން ޕީއެންސީއަށް ބަދަލުވުމަށް އަންގަމުންދާއިރު، މެންބަރުން އިތުރުކުރުމަށް ފައިސާ ބަހާކަމުގެ ތުހުމަތުތައްވެސް ވަނީ ފެންމަތިވެފައެވެ.

މުވައްޒަފުންނަށް ސިޔާސީ މަޖުބޫރުކުރުން ކުށަކަށް ހަދާ ބިލެއް

ސަރުކާރު ކުންފުނިތަކުގެ މުވައްޒަފުންނަށް ސިޔާސީ މަޖުބޫރުކުރުން ޖިނާއީ ކުށަކަށް ހަދަން ވަޒީފާއާބެހޭ ގާނޫނަށް އިސްލާހު ހުށަހަޅައިފި. މީކާއީލް ނަސީމް ހުށަހެޅުއްވި މި ބިލުގެ މަގްސަދަކީ މުވައްޒަފުންގެ ސިޔާސީ މިނިވަންކަން ހިމާޔަތްކޮށް، ވަކި ޕާޓީއަކަށް ވަނުމަށް ނުވަތަ ހަރަކާތްތަކުގައި ބައިވެރިވުމަށް ނުފޫޒު ފޯރުވުން ހުއްޓުވުން.

ސިޓިޒެންސް ޕޯޓަލް ދެވަނަ ފަހަރަށް އިފްތިތާހުކޮށްފި

ރައީސް މުއިއްޒަށް ރައްޔިތުންގެ ޝަކުވާތަކާއި ޚިޔާލުތައް ސީދާ ހުށަހެޅޭ ގޮތަށް "ސިޓިޒެންސް ވޮއިސް" ޕޯޓަލް ދެވަނަ ފަހަރަށް ވަނީ އިފްތިތާހުކޮށްފައި އީ-ފާސް މެދުވެރިކޮށް ވަދެވޭ މި ޕޯޓަލްގެ ހިދުމަތް މިވަގުތު ވެބްސައިޓުން ލިބުނު ނަމަވެސް، ކުރިއަށް އޮތްތަނުގައި މޯބައިލް އެޕްލިކޭޝަނެއް ތައާރަފުކުރުމަށް ވަނީ ނިންމާފައި.

"މިހާރު ފެށެން މި އުޅެނީ ރާއްޖޭގެ މިނިވަންކަން ނިމުމުގެ ފެށުން"

ރަސްމާލެ މަޝްރޫއުގެ ދަށުން ބޭރުގެ ފަރާތްތަކާއި ޒަޔަނިސްޓުން ރާއްޖޭގައި ވަޒަންވެރިކުރުވަން ފަށައިފިނަމަ، ގައުމުގެ މިނިވަންކަން ގެއްލިދާނެ ކަމަށާއި، މި މަޝްރޫއުގެ މާލީ ތަފްސީލުތައް ކަމާބެހޭ އިދާރާތަކަށް ނޭނގޭއިރު، މިއީ މަދު ބައެއްގެ މެދުގައި ސިއްރުވެފައިވާ ކަމެއްކަމަށް ގާނޫނީ ވަކީލު އަލީ ހުސައިން ވިދާޅުވެއްޖެ.

Newsletter

Get the latest news delivered straight to your inbox