އެމްޑީޕީ ކޮންގްރެސް: އަލީ ނިޔާޒް ހުށަހެޅުއްވި ލާމަރުކަޒީ ކަރުދާސް ފާސްވެއްޖެ

Oct 3, 2026, 7:01 PM
އެމްޑީޕީގެ ކޮންގްރެސްގައި އަލީ ނިޔާޒް: ކައުންސިލްތަކަށް ޓެކްސް ލިބޭނެ ގޮތަށް ނިޒާމު ބަދަލު ކުރަން ހުށަހެޅުއްވި -- ފޮޓޯ: އަދަދު

އެމްޑީޕީގެ ކޮންގްރެސްގައި އަލީ ނިޔާޒް: ކައުންސިލްތަކަށް ޓެކްސް ލިބޭނެ ގޮތަށް ނިޒާމު ބަދަލު ކުރަން ހުށަހެޅުއްވި -- ފޮޓޯ: އަދަދު

އިދިކޮޅު އެމްޑީޕީގެ ލާމަރުކަޒީ ކޮމިޓީގެ ޗެއާޕާސަން އަލީ ނިޔާޒް ހުށަހެޅުއްވި ލާމަރުކަޒީ ސިޔާސަތު ކަރުދާސް އެ ޕާޓީގެ ކޮންގްރެސްގައި މިއަދު ފާސްކޮށްފި އެވެ. 

ނިޔާޒްގެ ލާމަރުކަޒީ ކަރުދާހުގައި ކައުންސިލްތަކަށް މިހާރު ކުރިމަތިވަމުންދާ ވަރަށް ގިނަ މައްސަލަތަކަށް އަލިއަޅުވާލާފައިވެ އެވެ. އޭނާ ވިދާޅުވީ އެ ކަރުދާސް ތައްޔާރު ކުރީ ކައުންސިލްތަކުގެ ޖަމިއްޔާގެ ފަންނީ ލަފާގެ މަތިން ކަމަށެވެ. 

ލާމަރުކަޒީ ކަރުދާހުގައި ހިމެނޭ އެންމެ މުހިންމު ކަމަކީ ކައުންސިލްތަކަށް ދޫކުރާ ފައިސާގެ އަދަދު އިތުރު ކުރުމާއި ޓެކްސްތަކުން ބައެއް ދިނުމާއި ގާނޫނުއަސާސީ އިން އިހްތިސާސް ކަނޑައެޅުމެވެ. 

އޭގެ އިތުރުން، އަތޮޅު ކައުންސިލްތައް އިއާދަ ކުރުމާއި އެމީހަކު ދިރިއުޅޭ ތަނަކަށް ވޯޓުލެވޭ ގޮތް ހެދުމަކީ ވެސް އެ ކަރުދާހުގައި ހިމެނޭ ކަމެކެވެ. 

ލާމަރުކަޒީ ކަރުދާހުގައި ހިމެނޭ ބައެއް ބަދަލުތައް 

  • ދައުލަތަށް ލިބޭ އާމްދަނީގެ 15 ޕަސެންޓު ބްލޮކް ގްރާންޓުގެ ގޮތުގައި ކައުންސިލްތަކަށް ދިނުން (މިހާރު ލިބެނީ 5 ޕަސެންޓު)
  • ލާމަރުކަޒީ ގާނޫނުގައި ބުނާ ސެކްޓޯރަލް ގްރާންޓް ދޫކުރަން ފެށުން
  • ގްރީން ފަންޑަށް ނަގާ އަދަދުގެ 20 ޕަސެންޓުގެ، ބިމު ކުލީގެ 50 ޕަސެންޓު އަދި މަރުކަޒީ ޓެކްސްތަކުގެ ފަސް ޕަސެންޓު ކައުންސިލްތަކަށް ދޫކުރުން
  • ސަރަހައްދީ ކޮމިއުނިޓީ ބޭންކުތައް އުފެއްދުމުގެ ފުރުސަތު ދިނުން، ސޮވިރިން ގެރަންޓީ ދިނުން
  • ރަށާއި އަތޮޅުގެ އިހްތިސާސް ގާނޫނުއަސާސީގައި ކަނޑައެޅުން އަދި އެ ސަރަހައްދުގައިވާ ގުދުރަތީ ވަސީލަތްތަކުގެ މިލްކުވެރިކަން ކައުންސިލްތަކަށް ދިނުން
  • އަތޮޅު ކައުންސިލްތައް އިއާދަކުރުން
  • މުވައްޒަފުން އައްޔަން ކުރުމާއި ޕްރޮމޯޝަން ދިނުމުގެ ބާރު ކައުންސިލަށް ދިނުން
  • ކައުންސިލެއްގެ ރައީސް އާއި ނައިބުރައީސް ފިޔަވައި އެހެން މެންބަރުން ޕާޓް ޓައިމް މުވައްޒަފުންނަށް ބަދަލު ކުރުން
  • އަންހެނުންގެ ކޮމިޓީ އުވާލައި، ޕާޓީގެ ރައީސް ފިޔަވައި އެހެން ގޮނޑިތައް ދެ ޖިންސަށް ހަމަހަމައަށް ބެހުން
  • ދިރިއުޅޭ ތަނަށް ވޯޓުދިނުން

މި ސަރުކާރުން ވެރިކަމަށް އައުމަށްފަހު ލާމަރުކަޒީ ނިޒާމަށް ވަނީ ބޮޑެތި ބަދަލުތަކެއް ގެެނެސްފަ އެވެ. އޭގެ ތެރޭގައި ވިޔަފާރި ކުރުމަށް ކައުންސިލްތަކަށް ލިބުނު ފުރުސަތު ހަނި ކުރުމާއި މުވައްޒަފުން ނެގުމުގެ ބާރު އަތުލުމާއި އަތޮޅު ކައުންސިލް އުވާލުން ހިމެނެ އެވެ. 

އެ ބަދަލުތަކަށްފަހު އޭޕްރީލް ގައި ބޭއްވި ލޯކަލް ކައުންސިލްތަކުގެ އިންތިހާބުގައި ސަރުކާރަށް ވަނީ ވަރަށް ބޮޑު ނާކާމިޔާބީއެއް ލިބިފަ އެވެ. ކައުންސިލްތަކުގެ މެޖޯރިޓީ ނެގީ އެމްޑީޕީއިންނެވެ. އަދި ރާއްޖޭގެ ފަސް ސިޓީގެ މޭޔަރުކަން ވެސް ނެގީ އެމްޑީޕީ އިންނެވެ. 

ކޮމެންޓް

ފަހުގެ ޚަބަރު

ބޮޑެތި ހުރިހާ މަޝްރޫއެއް ވަނީ މަޑުޖެހިފައި: މުއިއްޒު

ދަރަނި ދެއްކުމަށާއި ޒަރޫރީ ޚިދުމަތްތަކަށް އިސްކަންދިނުމުގެ ސަބަބުން، އުމްރާނީ ތަރައްގީގެ ބޮޑެތި މަޝްރޫއުތައް މަޑުޖެހިފައިވާ ކަމަށް ރައީސް މުއިއްޒު އެއްބަސްވެވަޑައިގެންނެވި. މިކަން މިގޮތަށް ދިމާވީ ދުނިޔޭގެ ބާޒާރުގައި ތެލުގެ އަގު އުފުލުމާއި ފަތުރުވެރިން އަންނަ މިންވަރު މަދުވުމުން ފިސްކަލް މެނޭޖްމަންޓަށް ބަދަލު ގެނައުމުން ކަމަށް އެމަނިކުފާނު ވިދާޅުވި.

މިރޭގެ ޖަލްސާއަށް އެއްލައްކަ މެންބަރުން ހަމަނުކުރެވުނު

ޕީއެންސީގެ މެންބަރުންގެ އަދަދު އެއްލައްކައަށް އިތުރުކުރުމަށް ހިފި އަމާޒަށް މިރޭގެ ޖަލްސާއާ ހަމައަށް ވާސިލުނުވެވުމުން، އެ އަމާޒު ހާސިލުކުރުމުގެ ވަގުތު މިރޭ މެންދަމު 12 އާ ހަމައަށް ވަނީ އިތުރުކޮށްފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި އެ ޕާޓީއަށް އެއްލައްކަ ހަމަވާން އަދި 1,992 މެންބަރުން އިތުރަށް ބޭނުންވޭ.

ހުޅުމާލޭގައި އަޅާ ކޯޓު ކޮމްޕްލެކްސްގެ ބިންގާ އަޅައިފި

އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫއަކީ ޝަރުއީ ދާއިރާގެ ހިންގުން އެއް ފުރާޅެއްގެ ދަށަށް ގެނެސް، ކޯޓުތަކަށް ދިމާވެފައިވާ ޖާގައިގެ ދަތިކަން ހައްލުކުރުމަށް ފެށި 699.8 މިލިއަން ރުފިޔާގެ މަޝްރޫއެއް. މި އިމާރާތުގައި ހައިކޯޓާއި ސުޕީރިއާ ކޯޓުތަކުގެ އިތުރުން ޑީޖޭއޭގެ އޮފީސް ވެސް ހިންގުމަށް ވަނީ ހަމަޖެހިފަ.

ޕީއެންސީއަށް 100،000 މެންބަރުން މުވައްޒަފުންނަށް މަޖުބޫރުކުރަނީ

ޕީއެންސީގެ މެންބަރުންގެ އަދަދު އެއްލައްކައަށް ހަމަކުރުމަށްޓަކައި، ސަރުކާރު ކުންފުނިތަކުގެ މުވައްޒަފުންނަށް މަޖުބޫރުކޮށް ވަޒީފާގެ ބިރުދައްކަމުންދާކަމުގެ ޝަކުވާތައް ވަނީ ބޮޑުވެފައެވެ. މި އަމާޒަށް ވާސިލުވުމަށް އެހެން ޕާޓީތަކުގެ މެންބަރުން ޕީއެންސީއަށް ބަދަލުވުމަށް އަންގަމުންދާއިރު، މެންބަރުން އިތުރުކުރުމަށް ފައިސާ ބަހާކަމުގެ ތުހުމަތުތައްވެސް ވަނީ ފެންމަތިވެފައެވެ.

މުވައްޒަފުންނަށް ސިޔާސީ މަޖުބޫރުކުރުން ކުށަކަށް ހަދާ ބިލެއް

ސަރުކާރު ކުންފުނިތަކުގެ މުވައްޒަފުންނަށް ސިޔާސީ މަޖުބޫރުކުރުން ޖިނާއީ ކުށަކަށް ހަދަން ވަޒީފާއާބެހޭ ގާނޫނަށް އިސްލާހު ހުށަހަޅައިފި. މީކާއީލް ނަސީމް ހުށަހެޅުއްވި މި ބިލުގެ މަގްސަދަކީ މުވައްޒަފުންގެ ސިޔާސީ މިނިވަންކަން ހިމާޔަތްކޮށް، ވަކި ޕާޓީއަކަށް ވަނުމަށް ނުވަތަ ހަރަކާތްތަކުގައި ބައިވެރިވުމަށް ނުފޫޒު ފޯރުވުން ހުއްޓުވުން.

ސިޓިޒެންސް ޕޯޓަލް ދެވަނަ ފަހަރަށް އިފްތިތާހުކޮށްފި

ރައީސް މުއިއްޒަށް ރައްޔިތުންގެ ޝަކުވާތަކާއި ޚިޔާލުތައް ސީދާ ހުށަހެޅޭ ގޮތަށް "ސިޓިޒެންސް ވޮއިސް" ޕޯޓަލް ދެވަނަ ފަހަރަށް ވަނީ އިފްތިތާހުކޮށްފައި އީ-ފާސް މެދުވެރިކޮށް ވަދެވޭ މި ޕޯޓަލްގެ ހިދުމަތް މިވަގުތު ވެބްސައިޓުން ލިބުނު ނަމަވެސް، ކުރިއަށް އޮތްތަނުގައި މޯބައިލް އެޕްލިކޭޝަނެއް ތައާރަފުކުރުމަށް ވަނީ ނިންމާފައި.

"މިހާރު ފެށެން މި އުޅެނީ ރާއްޖޭގެ މިނިވަންކަން ނިމުމުގެ ފެށުން"

ރަސްމާލެ މަޝްރޫއުގެ ދަށުން ބޭރުގެ ފަރާތްތަކާއި ޒަޔަނިސްޓުން ރާއްޖޭގައި ވަޒަންވެރިކުރުވަން ފަށައިފިނަމަ، ގައުމުގެ މިނިވަންކަން ގެއްލިދާނެ ކަމަށާއި، މި މަޝްރޫއުގެ މާލީ ތަފްސީލުތައް ކަމާބެހޭ އިދާރާތަކަށް ނޭނގޭއިރު، މިއީ މަދު ބައެއްގެ މެދުގައި ސިއްރުވެފައިވާ ކަމެއްކަމަށް ގާނޫނީ ވަކީލު އަލީ ހުސައިން ވިދާޅުވެއްޖެ.

Newsletter

Get the latest news delivered straight to your inbox