ހުއްދަ ނެތި ހުޅުމާލެ ޖަލަށް ވަތް މީހަކު 26،000ރ. އިން ޖޫރިމަނާކުރަން ކްރިމިނަލް ކޯޓުން ހުކުމްކޮށްފި އެވެ.
މިދިޔަ އާދީއްތަ ދުވަހު ކްރިމިނަލް ކޯޓުން ހުކުމް ކޮށްފައި ވަނީ، އާޒިމް މުހައްމަދު، ހުޅުމާލެ ފްލެޓު 123-1-04 އަށެވެ. އޭނާގެ މައްޗަށް ދައުލަތުން ދައުވާކުރީ ޖޫން 20، 2026 ގައި ހުއްދަ ނެތި ހުޅުމާލެ ޖަލަށް ވަތް ކަމަށެވެ.
އެ ދައުވާއަށް ޖަވާބުދާރީވަމުން އާޒިމް ވަނީ ދައުލަތުން އޭނާގެ މައްޗަށް ކުރާ ދައުވާއަށް އިއުތިރާފުވެފަ އެވެ. އަދި، އިއުތިރާފުވަނީ އެއްވެސް މަޖުބޫރުކަމެއް ނެތި ނުރަނގަޅު ނުފޫޒެއް ނެތި، ފުރިހަމަ އިހުތިޔާރުގައި ކަމަށް ވެސް އޭނާ ވަނީ ކޯޓުގައި ބުނެފަ އެވެ.
އެ މައްސަލައިގައި ހުކުމް ކޮށްފައި ވަނީ ހަތަރު މަހާއި 13 ދުވަހަށް ޖަލަށްލުމަށެވެ. ނަމަވެސް، އެ ކުށަށް އާޒިމް އިއުތިރާފުވެފައިވުމާއި އެ މައްސަލައިގެ ބަންދުގައި މީގެ ކުރިން 11 ދުވަސް އޭނާ ބަންދުކޮށްފައި ވާތީ އޭނާގެ އަަދަބު ޝަރީއަތުން ވަނީ ކުޑަކޮށްދީފަ އެވެ.
އެގޮތުން، އާޒިމްގެ މައްޗަށް އިއްވި ޖަލު އަދަބުގެ ބަދަލުގައި އެ އަދަބު 26،000ރ. ގެ ޖޫރިމަނާއަކަށް ކްރިމިނަލް ކޯޓުން ވަނީ ބަދަލުކޮށްދީފަ އެވެ. އެ ޖޫރިމަނާ ކުރިއަށް އޮތް ހަ މަސްދުވަހުގެ ތެރޭގައި މޯލްޑިވްސް އިންލެންޑް ރެވެނިއު އޮތޯރިޓީއަށް ދެއްކުމަށް އޭނާގެ މައްޗަށް ވަނީ ހުކުމްކޮށްފަ އެވެ.
