އުމުރުން 72 އަހަރުގެ ދުވަސްވީ ދިވެހި އަންހެނަކަށް ޖިންސީ ގޯނާ ކުރާނެ ކަމަށާއި އޭނާ މަރާލާނެ ކަމަށް ބުނެ ބިރުދެއްކި މީހަކު ހައްޔަރުކޮށްފި އެވެ.
ފުލުހުން ބުނީ އެ މައްސަލައިގައި ހައްޔަރުކުރީ 44 އަހަރުގެ މީހެއް ކަމަށެވެ. އޭނާ ހައްޔަރުކުރީ ކޯޓު އަމުރެއްގެ ދަށުން ކަމަށް ފުލުހުން ބުންޏެވެ. އެ އަންހެން މީހާއަށް އޭނާ އިންޒާރު ދިނީ އަންހެން މީހާ ދިރިއުޅޭ ގެއަށްވަދެ އެވެ.
މި މައްސަލައިގައި އަނިޔާ ލިބުނު 72 އަހަރުގެ ދިވެހި އަންހެން މީހާއަށް އަނގޮޅިތީމު ހެލްތު ސެންޓަރުގައި ފަރުވާ ދިނުމަށްފަހު ވަނީ ދޫކޮށްލާފައި ކަމަށް ވެސް ފުލުހުން ބުންޏެވެ. އޭނާ ހޮސްޕިޓަލަށް ގެންދިޔައީ ކީއްވެ ކަމެއް ނޭނގެ އެވެ.
"ރ. އަނގޮޅިތީމު ގެއަކަށް މީހަކު ވަދެ 72 އަހަރުގެ ދިވެހި އަންހެނަކާމެދު ގަދަކަމުން ޖިންސީގޯނާކޮށް މަރާލާނޭކަމަށް ބުނެ އިންޒާރުދިން މައްސަލަ 2026 ސެޕްޓެމްބަރު 27 ވަނަ ދުވަހުގެ ރޭ 8:30 އެހައިކަންހާއިރު ހުށަހަޅާފައިވެއެވެ. އަނިޔާލިބުނު މީހާއަށް އަނގޮޅިތީމު ހެލްތު ސެންޓަރުގައި ފަރުވާދިނުމަށްފަހު ވަނީ ދޫކޮށްލާފައި،" ފުލުހުން ބުންޏެވެ.
މައުލޫމާތު ލިބިފައިވާ ގޮތުގައި މި ހާދިސާ ހިނގީ ރ. ރަސްމާދޫގައި ބޭއްވި ވެންޓްރަންސް ކަޕް މެޗެއް ބެލުމަށް އަނގޮޅިތީމުގެ ގިނަ ބަޔަކު އެ ރަށަށް ގޮސް އުޅެނިކޮށެވެ.
