diރާގުގެ ހިއްސާދާރުންގެ ޑިވިޑެންޑް ޓެކުހުގެ ގަވާއިދުތަކާ އެއްގޮތަށް ދޫކުރުމަށްޓަކައި، ހިއްސާދާރުންގެ ޓެކްސް ރެޒިޑެންސީ ސްޓޭޓަސް (ޓެކްސް ދައްކަން ޖެހޭ ގައުމު) ގެ މައުލޫމާތު ރަނގަޅުތޯ ބެލުމަށްފަހު، އެ މައުލޫމާތު އަޕްޑޭޓްކުރުމަށް އެ ކުންފުނިން އިލްތިމާސްކޮށްފި އެވެ.
އާމްދަނީން ޓެކްސް ނެގުމުގެ ގާނޫނު (ގާނޫނު ނަންބަރު 25/2019) ގެ 55 ވަނަ މާއްދާގެ (ހ) ގެ (4) ވަނަ ނަންބަރުގައިވާ ގޮތުގެ މަތިން، ދިވެހިރާއްޖޭގެ ޓެކްސް ރެޒިޑެންޓުން ނޫން ފަރާތްތަކަށް ދޭ ފައިދާއިން %10 ގެ ރޭޓުން 'ނޮން-ރެޒިޑެންޓް ވިތުހޯލްޑިން ޓެކްސް' އުނިކުރަން ޖެހެ އެވެ.
މީގެ އިތުރުން، ފައިދާ ދޫކުރާ ވަގުތު އެއީ ރާއްޖޭގެ ޓެކްސް ރެޒިޑެންޓެއްކަން ކުންފުންޏަށް ކަށަވަރު ނުކުރެވޭ ނަމަ، އެ ގާނޫނުގެ 55 ވަނަ މާއްދާގެ (ނ) ގެ (1) ވަނަ ނަންބަރުގެ ދަށުން، ދައްކަންޖެހޭ ޓެކްސް އުނިކުރުމަށް ކުންފުންޏަށް ލާޒިމުކުރެ އެވެ.
އެހެންކަމުން، ޓެކްސް ރެޒިޑެންސީ މައުލޫމާތު އަޕްޑޭޓްކުރަން ބޭނުންވާ ހިއްސާދާރުން، މޯލްޑިވްސް ސެކިއުރިޓީޒް ޑިޕޮސިޓަރީ (MSD) ގެ ޕޯޓަލް https://infinity.mv/ މެދުވެރިކޮށް، ނުވަތަ، 'ޝެއާހޯލްޑަރ އިންފޮމޭޝަން ފޯމު' ފުރިހަމަކުރުމަށްފަހު investor-relations@dhiraagu.com.mv އަށް އީމެއިލް ކުރުމަކީ ދިރާގުން އެދެ އެވެ.
ދިރާގުން ވަނީ ނިމުނު އަހަރުގެ ތެރޭގައި 949 މިލިއަން ރުފިޔާގެ ސާފު ފައިދާ ހޯދާފަ އެވެ. މީގެ ތެރެއިން 70 ޕަސެންޓު އެ ކުންފިނިން ވަނީ ހިއްސާގެ ފައިދާގެ ގޮތުގައި ބަހަން ފާސްކޮށްފަ އެވެ. އެއީ ކޮންމެ ހިއްސާއަކަށް 8.70ރ. މަގުން ޖުމްލަ 661.2 މިލިއަން ރުފިޔާ އެވެ.
