އިނގިރޭސިވިލާތުގެ އަމީރާ ޑަޔާނާގެ ހަޔާތުގެ މައްޗަށް ލިޔެފައިވާ ފޮތެއް ނެރުމަށް ޑަޔާނާގެ ކޮއްކޯފުޅު ޗާލްސް ސްޕެންސާ ނިންމަވައިފި އެވެ.
ޑަޔާނާ އަވަހާރަވިތާ 30 އަހަރު ފުރޭ މުނާސަބަތާ ދިމާކޮށް ނެރޭ މި ފޮތުގައި، ޑަޔާނާގެ ހަޔާތުގެ ހަގީގަތްތައް ހާމަކުރާނެ ކަމަށް ވަނީ އިއުލާންކޮށްފަ އެވެ.
ރަސްގެފާނު ޗާލްސްގެ ފުރަތަމަ އަނބިކަނބަލުން ޑަޔާނާ އަވަހާރަވީ 1997 ވަނަ އަހަރުގެ އޯގަސްޓް މަހު، އުމުރުފުޅުން އެންމެ 36 އަހަރުގަ އެވެ.
ޑަޔާނާ އަވަހާރަވީ އޭނާގެ ލޯބިވެރިޔާ ދޯދީ އަލް-ފާއިދުއާއެކު ދަތުރުކުރި ކާރު، ފަހަތުން ފޮޓޯގްރާފަރުން ފަހަމުން ދަނިކޮށް ބާރު ސްޕީޑުގައި ގޮސް ފްރާންސްގެ ޕެރިހުގެ ޕޮންޓް ޑި ލްއަލްމާ ޓަނަލް ތެރެއަށް އެކްސިޑެންޓްވުމުގެ ސަބަބުންނެވެ.
"ސްވޯން ސོޯންގް: ޑަޔާނާ، މައި ސިސްޓާ" ގެ ނަމުގައި އާލް ސްޕެންސަރުގެ ނަމުން މަޝްހޫރުވެފައިވާ ޗާލްސް ސްޕެންސާ ލިޔުއްވި ފޮތް، އަންނަ މަހު އިނގިރޭސިވިލާތާއި ދުނިޔޭގެ އެކި ކަންކޮޅުތަކުގައި ނެރުމަށް ވަނީ ހަމަޖެހިފަ އެވެ.
1981 ވަނަ އަހަރު ބޭއްވި ކުލަގަދަ ކައިވެނީގެ ރަސްމިއްޔާތަށް ފަހު، ޑަޔާނާއަށް ބޮޑު މަގްބޫލުކަމެއް ލިބުނެވެ. ނަމަވެސް، ކައިވެނީގައި މައްސަލަތައް ޖެހި، 1996 ވަނަ އަހަރު ކައިވެނި ރޫޅާލި އެވެ.
ޑަޔާނާގެ ޖަނާޒާގައި ސްޕެންސާ ދެއްވި ތަގުރީރުގައި، އޭނާ ވަނީ އިނގިރޭސި ޝާހީ އާއިލާއަށް ވަރަށް ބޮޑަށް ފާޑުވިދާޅުވެފަ އެވެ.
