އޯޕަންއޭއައިގެ އޭއައި މޮޑެލްތަކެއް އަމިއްލައަށް ހެކްކޮށް، ލޮގިން މައުލޫމާތު ވަގަށް ނަގައިފި

Jul 23, 2026, 9:06 AM
އޭއައި ގާބިލްކަން އިތުރުވެ އަމިއްލަ އަށް ހެކްކުރަން ފެށުން

އޭއައި ގާބިލްކަން އިތުރުވެ އަމިއްލަ އަށް ހެކްކުރަން ފެށުން

އޯޕަންއޭއައިގެ އާޓިފިޝަލް އިންޓެލިޖެންސް މޮޑެލްތަކެއް، އަމިއްލައަށް އެހެން ޓެކްނޮލޮޖީ ކުންފުންޏެއްގެ ސިސްޓަމަށް ވަދެ، ލޮގިން ކްރެޑެންޝިއަލްސް ވަގަށް ނަގައި ހެކްކޮށްފި އެވެ.

މިއީ އޭއައި ސިސްޓަމްތަކުން އިންސާނެއްގެ އެހީއާ ނުލައި އަމިއްލައަށް އިސްނަގައިގެން ހިންގި މިފަދަ ފުރަތަމަ ނުރައްކާތެރި ހާދިސާ ކަމަށް މާހިރުން ބުނެއެވެ.

ވީ ކިހިނެއް؟

އޯޕަންއޭއައި އިން ބުނި ގޮތުގައި، އިންޓަނެޓް އެކްސެސް ނުލިބޭ ގޮތަށް ހުރި "ސޭންޑްބޮކްސް" އެންވަޔަރަންމަންޓަކުން ދެ މޮޑެލެއް ބޭރުވެ، މަޝްހޫރު އޭއައި ޕްލެޓްފޯމެއް ކަމަށްވާ 'ހަގިން ފޭސް' ގެ ސާވަރުތައް ހެކްކުރި އެވެ.

Advertisement

މިކަމުގައި ބައިވެރިވެފައިވަނީ އޯޕަންއޭއައިގެ GPT-5.6 Sol މޮޑެލްގެ އިތުރުން، އާންމުކޮށް އަދި ނެރެފައިނުވާ، މިއަށްވުރެ ބާރުގަދަ މޮޑެލެކެވެ.

މި ހާދިސާ ހިނގާފައިވަނީ މޮޑެލްތަކުގެ ސައިބަ ސެކިއުރިޓީ ގާބިލުކަން ވަޒަންކުރުމަށްޓަކައި، އާންމުކޮށް ބޭނުންކުރާ ރައްކާތެރިކަމުގެ ފިޔަވަޅުތައް އުނިކޮށްގެން ހިންގި ޓެސްޓެއްގަ އެވެ. އެ ޓެސްޓުން މަތީ ނަތީޖާއެއް ހޯދުމަށްޓަކައި، މޮޑެލްތަކުން ވަނީ "އެކްސްޓްރީމް" މިންވަރަކަށް ގޮސް ހަގިން ފޭސްގެ ސާވަރުތަކުގައި ހުރި ސިއްރު މައުލޫމާތުތައް ހޯދައި އޮޅުވާލަން މަސައްކަތްކޮށްފަ އެވެ.

"އަޅުގަނޑުމެންގެ މޮޑެލްތައް އިވެލުއޭޓް ކުރުމުގެ ތެރޭގައި ސެކިއުރިޓީގެ ބޮޑު ހާދިސާއެއް ވަނީ ހިނގާފައި. މި ހާދިސާއިން ދަސްވި އެންމެ ބޮޑު ފިލާވަޅަކީ، އޭއައިގެ ގާބިލުކަން އިތުރުވަމުންދާ މިންވަރަށް މޮޑެލްތަކުގެ ސެކިއުރިޓީއާއި ރައްކާތެރިކަންވެސް ވަރުގަދަކުރަންޖެހޭކަން،" އޯޕަން އޭއައިގެ ސީއީއޯ ސޭމް ވިދާޅުވި އެވެ.

ހަގިން ފޭސްގެ ސީއީއޯ ކްލެމެންޓް ދެލާންގް ވިދާޅުވީ، މިއީ މީގެ ކުރިން ދުވަހަކުވެސް ތަޖުރިބާކުރެވިފައިނުވާ ފަދަ އަމިއްލައަށް ހަރަކާތްތެރިވި އޭއައި ސިސްޓަމަކުން ދިން ހަމަލާއެއް ކަމަށެވެ. ނަމަވެސް އޯޕަންއޭއައިގެ ފަރާތުން ގޯސް ނިޔަތެއް އޮތްކަމަށް ގަބޫލުނުކުރައްވާ ކަމަށް އޭނާ ވިދާޅުވިއެވެ.

ކަންބޮޑުވާންޖެހޭ ކަމެއްތަ؟

މީގެ ކުރިން ސައިބަ ސެކިއުރިޓީ މާހިރުން އޭއައި ސިސްޓަމްތަކުގެ ނުރައްކަލާމެދު އިންޒާރު ދެމުންދިޔައީ ތިއަރީގެ ގޮތުންނެވެ. ނަމަވެސް މި ހާދިސާއަކީ އޭއައި ސިސްޓަމްތަކުން އަމިއްލައަށް ނުރައްކާތެރި ހެކްކުރުމުގެ ހަމަލާތައް ދީ، މައުލޫމާތު ވަގަށް ނެގުމުގެ ގާބިލުކަން ލިބިފައިވާކަން ސާބިތުކޮށްދިން ކަމެކެވެ. 

އޯޕަންއޭއައިގެ ވާދަވެރި އެންތްރޮޕިކް އަދި ކްލޯޑުގެ  މޮޑެލްވެސް ސޭންޑްބޮކްސްއިން ބޭރުވެ، އިންޓަނެޓްގެ ހިދުމަތް ހޯދައި، ސުޕަވައިޒަރަށް އީމެއިލް ކުރުމަށްފަހު އޭގެ ހެކިތައް ފޮހެލި ހާދިސާއެއްވެސް ވަނީ ހިނގާފަ އެވެ.

ކޮމެންޓް

ފަހުގެ ޚަބަރު

ސްޕޭސްއެކްސްއަށް ފަންޑިން ހުއްޓުވުމުގެ އިންޒާރު

ޔޫކްރެއިންގައި ބޭނުންކުރާ ސްޓާޝީލްޑްގެ ޚިދުމަތަށް ބަދަލުތަކެއް އައި މައްސަލައިގައި، ސްޕޭސްއެކްސްއަށް ދޭ ފަންޑިން ހުއްޓާލާނެ ކަމުގެ އިންޒާރު އެމެރިކާގެ ކޮންގްރެސް މެންބަރު ޖިމް ހައިމްސް ދެއްވައިފިއެވެ. އޭނާ އެދިވަޑައިގަންނަވަނީ މި ބަދަލުތަކަކީ ކުންފުނިން އަމިއްލައަށް ނިންމި ނިންމުމެއްތޯ ނުވަތަ ސަރުކާރުގެ އެންގުމަކަށް ކުރި ކަމެއްތޯ ސާފުކޮށްދިނުމަށެވެ. ސަރުކާރުގެ ފުރިހަމަ ކޮންޓްރޯލް ނެތް ނިޒާމުތަކަށް ފައިސާ ދޫނުކުރާނެ ކަމަށް ވިދާޅުވެ، މިކަމާ ގުޅޭގޮތުން އީލޮން މަސްކާ ބައްދަލުކުރުމަށްވެސް ހައިމްސް ވަނީ އެދިވަޑައިގެންފައެވެ.

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

Newsletter

Get the latest news delivered straight to your inbox