އައިސީސީގެ ޗީފް ޕްރޮސެކިއުޓަރަށް ކުރެވޭ ޖިންސީ ގޯނާގެ ތުހުމަތު: އަނިޔާ ލިބުނު ވަކީލުގެ ހިމޭންކަން މުގުރާލައިފި

Jul 17, 2026, 9:01 AM
ބައިނަލްއަގުވާމީ ޖިނާއީ ކޯޓު (އައިސީސީ) ގެ ޗީފް ޕްރޮސެކިއުޓަރ ކަރީމް ޚާންގެ މައްޗަށް ޖިންސީ ގޯނާގެ ތުހުމަތު ކުރި އެ ކޯޓުގެ މުވައްޒަފު، ސާރާ، ފުރަތަމަ ފަހަރަށް މީޑިއާގައި ވާހަކަދައްކައިފިއެވެ. ނަމަވެސް ކަރީމް ޚާން ވަނީ އޭނާގެ މައްޗަށް ކުރެވޭ މި ތުހުމަތުތަކަށް އިންކާރު ކުރައްވާފަ. -- ފޮޓޯ: ސީއެންއެން

ބައިނަލްއަގުވާމީ ޖިނާއީ ކޯޓު (އައިސީސީ) ގެ ޗީފް ޕްރޮސެކިއުޓަރ ކަރީމް ޚާންގެ މައްޗަށް ޖިންސީ ގޯނާގެ ތުހުމަތު ކުރި އެ ކޯޓުގެ މުވައްޒަފު، ސާރާ، ފުރަތަމަ ފަހަރަށް މީޑިއާގައި ވާހަކަދައްކައިފިއެވެ. ނަމަވެސް ކަރީމް ޚާން ވަނީ އޭނާގެ މައްޗަށް ކުރެވޭ މި ތުހުމަތުތަކަށް އިންކާރު ކުރައްވާފަ. -- ފޮޓޯ: ސީއެންއެން

ބައިނަލްއަގުވާމީ ޖިނާއީ ކޯޓުގެ ޗީފް ޕްރޮސެކިއުޓަ ކަރީމް ޚާންގެ މައްޗަށް ކުރެވޭ ޖިންސީ ގޯނާގެ ތުހުމަތުތަކާ ގުޅިގެން، އޭނާ މަގާމުން ވަކިކުރުމާ މެދު ގޮތެއް ނިންމުމަށް އެ ކޯޓުގެ މެންބަރު ގައުމުތަކުން ތައްޔާރުވަމުންދާ ދަނޑިވަޅެއްގައި، އެ މައްސަލާގައި ހިމެނޭ އަންހެން ވަކީލު ފުރަތަމަ ފަހަރަށް  ވާހަކަ ދައްކައިފި އެވެ.

މި މައްސަލައާ ގުޅިގެން ކަރީމް ޚާން މިހާރު ހުންނެވީ ސަސްޕެންޝަނެއްގައެވެ.

މި މައްސަލަ ފެންމަތިވީ ކަރީމް ޚާންގެ އެސިސްޓެންޓެއްގެ ގޮތުގައި މަސައްކަތް ކުރި މެލޭޝިއާގެ ވަކީލެއް ކަމަށްވާ ސާރާ، އޭނާއަށް ކަރީމް ޚާންގެ ފަރާތުން ޖިންސީ ފުރައްސާރަ އާއި ގޯނާ ކުރިމަތިވި ކަމަށް ބުނެ އދ. ގެ ތަހުގީގީ އިދާރާއަށް މައްސަލަ ހުށަހެޅުމުންނެވެ.

Advertisement

ސާރާ ބުނާ ގޮތުގައި 2023 ވަނަ އަހަރުގެ ފެބްރުއަރީ މަހުން ފެށިގެން އެއް އަހަރު ދުވަހުގެ މުއްދަތަށް، އޭނާގެ ނުރުހުމުގައި ޖިސްމާނީ ގޮތުންނާއި ނަފުސާނީ ގޮތުން ކަރީމް ޚާން ވަނީ އަނިޔާވެރި އަމަލުތަކެއް ހިންގާފަ އެވެ. އޭގެ ތެރޭގައި ހުއްދަނެތި ގައިގައި އަތްލުމާއި، ގަދަކަމުން ދޮންދޭން އުޅުމާއި، އަދި ޖިންސީ ގުނަވަންތަކަށް އަތްލުން ހިމެނޭ ކަމަށް އޭނާ ތުހުމަތު ކުރެއެވެ.

ނަމަވެސް ކަރީމް ޚާން ވަނީ މި ހުރިހާ ތުހުމަތުތަކެއް ތަކުރާރުކޮށް ދޮގުކުރައްވާފައެވެ.

އިންޓަނޭޝަނަލް ކްރިމިނަލް ކޯޓު (އައިސީސީ) ގެ ޗީފް ޕްރޮސެކިއުޓަރ ކަރީމް ޚާން، 2024 ވަނަ އަހަރުގެ ފެބްރުއަރީ މަހު ޕެރިހުގައި -- ފޮޓޯ: އޭއެފްޕީ
އިންޓަނޭޝަނަލް ކްރިމިނަލް ކޯޓު (އައިސީސީ) ގެ ޗީފް ޕްރޮސެކިއުޓަރ ކަރީމް ޚާން، 2024 ވަނަ އަހަރުގެ ފެބްރުއަރީ މަހު ޕެރިހުގައި -- ފޮޓޯ: އޭއެފްޕީ

އޭނާގެ ވަކީލުން ވިދާޅުވާ ގޮތުގައި މިއީ އިޒްރޭލުގެ އިސްވެރިން ހަނގުރާމައިގެ ކުށްތަކުގެ ތުހުމަތުގައި ހައްޔަރުކުރުމަށް ކަރީމް ޚާން ކުރައްވަމުން ގެންދަވާ މަސައްކަތްތަކަށް ހުރަސްއެޅުމުގެ ގޮތުން ބަޔަކު ރާވައިގެން ކުރާ ކަމެކެވެ. ސާރާ އަކީ އިޒްރޭލުގެ މަސްލަހަތުގައި މަސައްކަތްކުރާ ޖާސޫސެއް ކަމަށް ބައެއް ފަރާތްތަކުން ތުހުމަތު ކުރި ނަމަވެސް، އދ. ގެ ރިޕޯޓުން ދައްކާ ގޮތުގައި އެފަދަ އެއްވެސް ހެއްކެއް ފެންނާކަށް ނެތެވެ.

ސާރާ ސީއެންއެންއަށް ދިން އިންޓަވިއުއެއްގައި ބުނީ، އޭނާގެ ވަޒީފާއާއި ވިސާ ގެއްލިދާނެ ކަމުގެ ބިރަށްޓަކައި ކުރިން މި ވާހަކަތައް ދައްކަން ނުކެރުނީ ކަމަށެވެ. އަދި ކަރީމް ޚާން އަކީ މުޅި ކޯޓުގެ އެންމެ އިސްވެރިޔާ ކަމަށްވުމުން، އެފަދަ ބާރުގަދަ މީހަކާ ދެކޮޅަށް ތެދުވުމަކީ ފަސޭހަ ކަމެއް ނޫން ކަމަށް އޭނާ ބުންޏެވެ.

މި މައްސަލައިގެ ތެރެއިން 2009 ވަނަ އަހަރު ކަރީމް ޚާންގެ ދަށުން އިންޓާންއެއްގެ ގޮތުގައި މަސައްކަތް ކުރި ދެވަނަ އަންހެނަކުވެސް ވަނީ އޭނާއަށް ޖިންސީ ގޯނާ ކުރި ކަމުގެ ތުހުމަތުތަކެއް ފެންމަތިކޮށްފަ އެވެ.

އދ. ގެ އިންޓާނަލް އޯވަސައިޓް ސާވިސަސްގެ ރިޕޯޓުގައި ބުނެފައިވަނީ ސާރާގެ ވާހަކަތަކަށް ބާރުދޭ ހެކިތަކެއް އެބަހުރި ކަމަށެވެ. ނަމަވެސް، އައިސީސީގެ ފަނޑިޔާރުންގެ ޕެނަލަކުން ކުރިން ބުނެފައިވަނީ ކުށް ސާބިތުވާ މިންވަރަށް ހެކި ނެތް ކަމަށެވެ. މި ތަފާތު ރިޕޯޓުތަކާ އެކު މައްސަލަ އިތުރަށް ގޯސްވެފައިވާއިރު، މި މަހުގެ 24 ވަނަ ދުވަހު އައިސީސީގެ 125 މެންބަރު ގައުމުން ވޯޓެއް ނަގައި، ކަރީމް ޚާންގެ ސަސްޕެންޝަން ދަމަހައްޓާނެތޯ ނުވަތަ އޭނާ މަގާމުން ދާއިމީކޮށް ވަކިކުރާނެތޯ ނިންމާނެއެވެ.

ސާރާ ބުނި ގޮތުގައި އޭނާ މި ވާހަކަތައް އާންމުކުރީ ކޯޓުގެ ގަދަރަށް އުނިކަމެއް ގެނައުމުގެ ނިޔަތަކު ނޫނެވެ. ނަމަވެސް ކޯޓުގެ ގަދަރަކީ އެންމެ މީހެއްގެ އަބުރަށް ބިނާވެފައި އޮންނަންޖެހޭނެ އެއްޗެއް ނޫން ކަމަށް އޭނާ ގަބޫލުކުރެ އެވެ.

މި މައްސަލައިގެ ސަބަބުން އޭނާގެ ކުރިމަގަށް ނޭދެވޭ އަސަރު ކުރާނެކަން އެނގޭއިރުވެސް، ހަގީގަތް ހާމަކުރުމަކީ މުހިންމު ކަމެއް ކަމަށް ސާރާ ބުންޏެވެ. 

ފަހުގެ ޚަބަރު

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

ކްރައިމިއާ ބްރިޖަށް ހަމަލާދީ ބޮޑު ބައެއް ވައްޓާލައިފި

ރަޝިއާއިން ހިފާފައިވާ ކްރައިމިއާއާ ގުޅުވައިދޭ މުހިންމު ބްރިޖަށް ޔޫކްރޭނުން ވަރުގަދަ ހަމަލާއެއްދީ، ބްރިޖުގެ ބޮޑު ބައެއް ކަނޑަށް ވައްޓާލައި ރަޝިއާގެ ސިފައިންނަށް ބޭނުންވާ މައިގަނޑު ސަޕްލައި މަގަށް ބޮޑު ހުރަހެއް ކުރިމަތިކުރުވައިފިއެވެ. މި ހަމަލާއާ ގުޅިގެން ރަޝިއާއިން ބަދަލުހިފުމުގެ ގޮތުން ޔޫކްރޭނުގެ ވެރިރަށް ކީވްގެ އިންފްރާސްޓްރަކްޗަރަށް އަމާޒުކޮށް ވަރުގަދަ ހަމަލާތަކެއް ދީފައިވާއިރު، މިއީ ދެ ގައުމުގެ ދެމެދުގައި އޮތް ހަނގުރާމަ އިތުރަށް ވަރުގަދަވެގެންދިޔަ ކަމެކެވެ.

Newsletter

Get the latest news delivered straight to your inbox