ވޯލްޑް ކަޕުން ކެޓުމާ އެކު މާޓިނޭޒް، ޕޯޗުގަލްގެ ކޯޗުކަމުން އިސްތިއުފާދީފި

Jul 7, 2026, 5:07 AM
ކޯޗު ރޮބާޓޯ މާޓީނޭޒް: އޭނާ ވަނީ ޕޯޗުގަލް ކޯޗުކަން ދޫކޮށްލައިފައި.

ކޯޗު ރޮބާޓޯ މާޓީނޭޒް: އޭނާ ވަނީ ޕޯޗުގަލް ކޯޗުކަން ދޫކޮށްލައިފައި.

ޓެކްސަސް، ޔުނައިޓެޑް ސްޓޭޓްސް (ޖުލައި 7) - ފީފާ ވޯލްޑް ކަޕްގެ ގަދަ 16 ބުރުގައި ސްޕެއިން އަތުން ބަލިވެ، މުބާރާތުން ކެޓި މެޗަށް ފަހު ޕޯޗުގަލްގެ ކޯޗުކަމުން ރޮބާޓޯ މާޓިނޭޒް އިސްތިއުފާދީފި އެވެ. 

ރޭގެ މެޗުގައި ސްޕެއިނުން ޕޯޗުގަލް ބަލިކުރީ އިތުރު ވަގުތުގެ ފުރަތަމަ މިނިޓްގައި މިކޭލް މެރީނޯ ޖެހި ގޯލުން 1-0 އިންނެވެ.

މެޗަށް ފަހު އޮތް ނޫސްވެރިންގެ ބައްދަލުވުމުގައި، މާޓީނޭޒް ބުނީ، އޭނާ ޕޯޗުގަލް އަށް އައީ ވޯލްޑް ކަޕް ކާމިޔާބުކުރުުމުގެ ޓާގެޓާ އެކު ކަމަށާއި އެ އަށް ވާސިލްނުވެވުމުން އެ މަގާމުގައި ދެމިހުރުމުގެ މަގާމެއް ނެތް ކަމަށެވެ.

"ޕޯޗުގަލްގެ ފުޓްބޯޅަ ބޯޑާއި ރައީސަށް މިހާރު އެ އޮތީ ފުރުސަތު އާ ކޯޗެއް ކަނޑައެޅުމަށް. އަހަރެންގެ ކޮންޓްރެކްޓް މި ހިސާބުން މި ނިމުނީ. އިތުރަށް މިއަކު ދައްކާނެ ވާހަކައެއް ނެތް،" މާޓީނޭޒް ބުންޏެވެ. 

ޕޯޗުގަލްގެ ކޯޗުކަން 2023 ވަނަ އަހަރުން ފެށިގެން ކުރަމުން އަންނަ މާޓީނޭޒް ވަނީ މިދިޔަ އަހަރު ސްޕެއިން ބަލިކޮށް ޔުއެފާ ނޭޝަންސް ލީގުގެ ތަށި ޕޯޗުގަލް އަށް ހޯދައިދީފަ އެވެ. މާޓީނޭޒް ބުނީ މި ފަހަރުގެ ވޯލްޑް ކަޕަށް އައުމުގެ ކުރިން މިއީ ފަހު މުބާރާތް ކަމަށް ނިންމާފައިނުވާނެ. ކަމަށާއި އެހެން ނަމަވެސް ކަންކަން ދިމާވި ގޮތުން މަގާމުގައި ކުރިއަށްދިއުމަކީ ރަނގަޅު ގޮތެއް ނޫން ކަމަށެވެ. 

މާޓީނޭޒްގެ ކޯޗުކަމުގައި ޕޯޗުގަލް އިން 2024 ވަނަ އަހަރުގެ ޔޫރޯގެ ކުއާޓާ ފައިނަލަށް ދަތުރުކުރިއިރު، ވޯލްޑް ކަޕްގައި ކެޓީ ގަދަ 16 އާ ހަަމަައިންނެވެ. މާޓީނޭޒްގެ ކޯޗުކަމުގައި ޕޯޗުގަލް އިން ކުޅުނު 45 މެޗުގެ ތެރެއިން 32 މެޗުން މޮޅުވި އެވެ. އަދި، ހަ މެޗުން އެއްވަރުވިއިރު، ބަލިވީ ހަތް މެޗުންނެވެ. 

މީގެ ކުރިން، މާޓީނޭޒް ވަނީ ބެލްޖިއަމްގެ ގައުމީ ޓީމަށް ވެސް ކޯޗުކޮށްދީފަ އެވެ. 

މި ފަހަރުގެ ވޯލްޑް ކަޕަށް ފަަހު ގިނަ ކޯޗުންތަކެއްގެ ވަޒީފާ އަށް ދަނީ އަސަރުކުރަމުންނެވެ. މި ފަހަރުގެ ވޯލްޑް ކަޕްގައި ވަޒީފާ ގެއްލުނު ކޯޗުންނަށް ބަލާއިރު، އެއް މެޗަށް ފަހު ޓިއުނީޝިއާ ކޯޗުކަމުން ވަކިކުރި ފްރާންސްގެ ސަބްރީ ލަމޫޗީ، ނެދަލެންޑްސް ކޯޗުކަމުން އިސްތިއުފާދިން، ރޮނާލްޑް ކޫމަން، ދެކުނު ކޮރެއާ އިން ވަަކިކުރި ހޮންގް މިޔުން ބޯ، ސްކޮޓްލެންޑުން އިސްތިއުފާދިން ސްޓީވް ކްލާކް، ޗެކް ރިޕަބްލިކުން އިސްތިއުފާދިން މިރޮސްލާވް ކޫބެކް، އެކުއެޑޯ ދޫކޮށްލަން ނިންމި ސަބެސްޓިއަން ބަކަސޭސޭ އަދި އުރުގުއޭ ދޫކޮށްލި މާސެލޯ ބިއެލްސާ އެވެ.

މީގެ އިތުރުން ޖަރުމަނުގެ ކޯޗު ހޫލިއަން ނާގަލްސްމަން އާއި ގާނާގެ ކޯޗު ކާލޯސް ކުއެރޯޒް އަދި މެކްސިކޯގެ ކޯޗު ހަވިއޭ އަގީރޭ ވެސް ވަނީ މަގާމުން އަމިއްލަ އަށް ވަކިވެފަ އެވެ. 

 

ކޮމެންޓް

ފަހުގެ ޚަބަރު

މާޒިޔާ އާއި ނިއު ރޭޑިއަންޓް ވަރުގަދަ ފެށުމާ އެކު ކުރިއަށް

އެފްއޭއެމް ވިމެންސް ލީގުގައި ކުޅުނު ފުރަތަމަ ދެ މެޗުން މޮޅުވެ، މާޒިޔާ އާއި ނިއު ރޭޑިއަންޓުން މުބާރާތުގެ ވަރުގަދަ ފެށުމެއް ދަމަހައްޓައިފިއެވެ. މިހާތަނަށް ކުޅުނު މެޗުތަކުން ދެ ޓީމަށްވެސް ހަ ޕޮއިންޓް ލިބިފައިވާއިރު، ލަނޑުގެ ތަފާތުން ތާވަލުގެ އެއްވަނައިގައި އޮތީ ނިއު ރޭޑިއަންޓެވެ. މި މުބާރާތުގެ ފޯރިގަދަ މެޗެއްގައި އަންނަ އާދިއްތަ ދުވަހު ނިއު އާއި މާޒިޔާ ބައްދަލުކުރާނެއެވެ.

ސިޓީއާ ޔުނައިޓެޑުން އަރާހަމަކުރާނެ ކަމަށް ޕޮޗެޓީނޯ ބުނެފި

މެންޗެސްޓާ ޔުނައިޓެޑްގެ ކޯޗުކަމާ ހަވާލުވެ، މައުރީސިއޯ ޕޮޗެޓީނޯ ބުނީ އެ ސަރަހައްދުގެ އެންމެ ކާމިޔާބު ޓީމަކަށް އަލުން ޔުނައިޓެޑް ހަދައި، ސިޓީގެ ކުރި ހޯދާނެ ކަމަށް. ލީގުގެ 18 ވަނައިގައި އޮތް ޔުނައިޓެޑްގެ ހާލަތު ބަދަލުކުރަން ވަގުތު ބޭނުންވާނެ ކަމަށާއި، ނަމަވެސް ފުރަތަމަ ދުވަހުން ފެށިގެން އެ މަސައްކަތް ކުރާނެ ކަމަށް އޭނާ ވަނީ ބުނެފައި.

އެމްއައިބީން ގައުމީ ބިލިއާޑު ޗެމްޕިއަންކަން ހޯދައިފި

ޤައުމީ ބިލިއާޑް މުބާރާތުގެ ފައިނަލުގައި ދިވެހި ސިފައިންގެ ކްލަބް 3-2 އިން ބަލިކޮށް، މޯލްޑިވްސް އިސްލާމިކް ބޭންކް (މިބްސާ) އިން މުބާރާތުގެ ޗެމްޕިއަންކަން ހޯދައިފި. ޖުމްލަ 10 ޓީމު ވާދަކުރި މި މުބާރާތުގެ ޗެމްޕިއަން ޓީމަށް 30,000 ރުފިޔާގެ ފައިސާގެ އިނާމެއް ވަނީ ދީފައި.

ލުކާކޫ، 16 އަހަރަށް ފަހު ބެލްޖިއަމް ޓީމުން ރިޓަޔާކޮށްފި

ބެލްޖިއަމްގެ ގައުމީ ޓީމަށް 16 އަހަރު ކުޅެދިނުމަށްފަހު، އެ ގައުމަށް އެންމެ ގިނަ ލަނޑު ޖަހައިދިން ރޮމެލޫ ލުކާކޫ ބައިނަލްއަގުވާމީ ފުޓްބޯޅައިން ރިޓަޔާކޮށްފި. ޖުމްލަ 135 މެޗުން 94 ލަނޑު ކާމިޔާބުކޮށްފައިވާ ލުކާކޫ އަކީ ބައިނަލްއަގުވާމީ ފުޓްބޯޅައިގައި ފަސްވަނައަށް އެންމެ ގިނަ ލަނޑު ޖެހި ކުޅުންތެރިޔާގެ އިތުރުން ޔޫރޯ ކޮލިފައިންގެ ރެކޯޑް އޮތް ކުޅުންތެރިޔާ

ލިބުނީ މަދު ވަގުތުކޮޅެއް، ޝަކުވާނުކޮށް ހޯދައިދިނީ ސާފްގެ ތަށި!

މި އަހަރުގެ ސާފް ޗެމްޕިއަންޝިޕް ކާމިޔާބުކުރި އިންޑިއާ ޓީމަށް ތައްޔާރުވާން މަދު ވަގުތުކޮޅެއް ލިބުނުއިރު، މުބާރާތުގެ ތެރެއިން މުހިންމު ކުޅުންތެރިންތަކެއް ޓީމުން ވަކިވުމުން ގިނަ ގޮންޖެހުންތަކަކާ ކުރިމަތިލާން ޖެހުނު. ނަމަވެސް ކޯޗު ނައުޝާދުގެ އިރުޝާދުގެ ދަށުން، ޒުވާން ކުޅުންތެރިންނަށް އިތުބާރުކޮށްގެން އިންޑިއާ އިން ވަނީ ޝަކުވާއެއް ނެތި ތަށި ހޯދާފައި

ސާފް ޗެމްޕިއަންޝިޕްގެ ފެއާ ޕްލޭ އެވޯޑް ރާއްޖެ އަށް

ބަންގްލަދޭޝްގައި ނިމުނު ސާފް ޗެމްޕިއަންޝިޕްގައި ރާއްޖެ ކުޅުނު ދެ މެޗުން ބަލިވެ، މުބާރާތުން ކެޓި ނަމަވެސް، މުޅި މުބާރާތުގެ ފެއާޕްލޭ އެވޯޑް ރާއްޖެއަށް ވަނީ ލިބިފައި. މިއީ ލަނޑެއް އަދި ޕޮއިންޓެއް ނުލިބި ރާއްޖެ މި މުބާރާތުން ކެޓި ފުރަތަމަ ފަހަރު ކަމަށްވާއިރު، މިއީ ސާފް ޗެމްޕިއަންޝިޕްގެ ތާރީޚުގައި ރާއްޖެއަށް ލިބުނު އެންމެ ދަށް ނަތީޖާއ

ރިވައިވަލް ބެޑްމިންޓަން ޗެލެންޖް ތަށި ހައިޝަމް އާއި ނަބާ އަށް

އެމްއައިބީ ރިވައިވަލް ބެޑްމިންޓަން ޗެލެންޖުގެ ފިރިހެން ސިންގަލްސް ތަށި ހައިޝަމް އިބްރާހިމް އަލީ ހޯދިއިރު، އަންހެން ސިންގަލްސް ތަށި ކާމިޔާބުކުރީ ފާތިމަތު ނަބާހާ އެވެ. މި މުބާރާތުގެ ފިރިހެން ޑަބަލްސް ޒަޔާން އާއި ނިބާލް ކާމިޔާބުކުރިއިރު، އަންހެން ޑަބަލްސް ތަށި ހޯދީ ނަބާ އާއި ނަބީހާގެ ޕެއާ އިންނެވެ.

Newsletter

Get the latest news delivered straight to your inbox