ސްކޫލްގައި ބަޑި ޖެހުމުން ފިލިޕީންސްގައި ވީޑިއޯ ގޭމެއް މަނާކޮށްފި

Jun 25, 2026, 2:29 PM
އެ ވީޑިއޯ ގޭމުގެ މަންޒަރެއް. -- ފޮޓޯ: އެފް2 ގޭމްސް

އެ ވީޑިއޯ ގޭމުގެ މަންޒަރެއް. -- ފޮޓޯ: އެފް2 ގޭމްސް

ފިލިޕީންސްގެ ސްކޫލެއްގައި ދިން ބަޑީގެ ހަމަލާއަކާ ގުޅިގެން، އެ ހަމަލާގައި ބައިވެރިވި ކުއްޖަކު އާއްމުކޮށް ކުޅުނު ގޭމެއް އެ ގައުމުގައި މަނާކޮށްފި އެވެ.

ތަހުގީގުގެ ތެރެއިން އެނގިފައި ވަނީ ހަމަލާގައި ބައިވެރިވި ކުއްޖާއަކީ "ގޯބޮކްސް" ނަމަކަށް ކިޔާ ގޭމެއް އާއްމުކޮށް ކުޅެމުން ދިޔަ ކުއްޖެއް ކަމެވެ. 

މެނީލާގެ އިރުދެކުނުން އޮންނަ ޓެކްލޯބަންގެ ސްކޫލެއްގެ ކްލާސްރޫމެއްގެ ތެރޭގައި، އުމުރުން 15 އަހަރާއި 14 އަހަރުގެ ދެ ކުއްޖަކު މިދިޔަ ހޯމަ ދުވަހު ބަޑިން ދިން ހަމަލާތަކުގައި ތިން ދަރިވަރުން މަރުވެ، އިތުރު 20 މީހަކު ވަނީ ޒަހަމްވެފަ އެވެ.

ފުލުހުން ބުނި ގޮތުގައި، ހަމަލާ ދިނުމުގައި ބައިވެރިވި އުމުރުން 14 އަހަރުގެ ކުއްޖާއަކީ "ގޯބޮކްސް" ކުޅޭ ކުއްޖެކެވެ. ގޫގުލް ޕްލޭ ސްޓޯރުގައި އެ ގޭމް ސިފަކޮށްފައިވާ ގޮތުން، އެއީ ކުޅުންތެރިން ބޭނުންވާ ކޮންމެ އެއްޗެއް "ނެތިކޮށްލުމަށް"، ގިނަ އަދަދެއްގެ ހަތިޔާރާއި ގޮވާތަކެތި ބޭނުންކޮށްގެން "ލޭއޮހޮރުވުން ބޮޑު ކުރިމަތިލުންތަކެއް" ހިންގޭ ގޭމެކެވެ.

ފިލިޕީންސްގެ ސައިބާ ސެކިއުރިޓީ އެޖެންސީން ބުނީ، މި ހިތާމަވެރި ހާދިސާ ހިނގުމަށް އިންޓަނެޓްގެ ޒަރީއާއިން ނުފޫޒު ފޯރުވާފައިވުމުގެ ފުރުސަތު އޮތުމުން، އެކަމަށް ފަރުވާކުޑަ ކުރެވެން ނެތް ކަމަށެވެ.

"ގޯބޮކްސް" އުފެއްދި ޖަރުމަނުގެ އެފް2 ގޭމްސްއިން މިހާތަނަށް ވަކި އެއްޗެއް ނުބުނެ އެވެ. ނަމަވެސް، ސައިންޓިފިކް ދިރާސާތަކުން ދައްކާ ގޮތުގައި ވީޑިއޯ ގޭމްތަކާއި އަނިޔާވެރި އަމަލުތަކާ ސީދާ ގުޅުމެއް ހުންނަކަމެއް މިހާތަނަށް ސާބިތުވެފައެއް ނުވެ އެވެ.

"ގޯބޮކްސް" އަކީ އެކަނި ނުވަތަ އޮންލައިންކޮށް ގިނަ ބަޔަކާ އެކު ކުޅެވޭ "ފަސްޓް ޕާސަން ޝޫޓާ" ގޭމެކެވެ. އިންޓަނޭޝަނަލް އޭޖް ރޭޓިން ކޯލިޝަނުން މި ގޭމަށް "އާރު18" ރޭޓިން ދީފައިވަނީ، އޭގައި ހިމެނޭ އަނިޔާވެރިކަމާއި، ބިރުވެރި މަންޒަރުތަކުގެ ސަބަބުންނެވެ.

ފިލިޕީންސްގައި ބަޑީގެ އެކި ކުށްތައް ހިނގުމަކީ އާންމު ކަމަކަށް ވިޔަސް، ސްކޫލްތަކުގައި ބަޑިޖަހައި ގިނަ ބަޔަކު މަރާލުމުގެ ހާދިސާތަކަކީ އެ ގައުމުގައި ވަރަށް މަދުން ނޫނީ ނުހިނގާ ކަންކަމެވެ.

މިފަހަރުގެ ހާދިސާގައި އެންމެ ބޮޑަށް ފާހަގަކުރެވުނު ތަފާތަކީ، މި ހަމަލާ ދިނުމުގައި ބައިވެރިވި ކަމަށް ތުހުމަތުކުރެވެނީ ކުޑަކުދިންނަށް ވުމެވެ.

އަކްބަޔާން ޕާޓީގެ ކޮންގްރެސް މެންބަރު ޗެލް ޑިއޮކްނޯ ވަނީ، ކުޑަކުދިންނަށް ބަޑި ފަދަ ހަތިޔާރު ލިބޭނެ މަގު ފަހިކޮށްދޭ ފަރާތްތަކަށް ދޭ އަދަބު މިހާރަށް ވުރެ ހަރުކަށި ކުރުމަށް ގޮވާލައްވާފަ އެވެ.

ފިލިޕީންސްގެ ފަހުގެ ތާރީހެއްގައި ހިނގި އެންމެ ނުރައްކާތެރި ބަޑީގެ ހަމަލާ ހިނގާފައިވަނީ 2009 ވަނަ އަހަރުގެ ނޮވެމްބަރު މަހު އެވެ. އެ ހާދިސާގައި މަގުއިންދަނާއޯ ޕްރޮވިންސްގެ ރަށެއްގެ މޭޔަރަކު ވަނީ، އޭނާގެ ސިޔާސީ ވާދަވެރިއަކާއެކު ދަތުރުކުރި 58 މީހަކު ބަޑިޖަހައި މަރާލާފަ އެވެ. އޭގެ ތެރޭގައި ގިނައީ ނޫސްވެރިންނެވެ.

ކޮމެންޓް

ފަހުގެ ޚަބަރު

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

ކްރައިމިއާ ބްރިޖަށް ހަމަލާދީ ބޮޑު ބައެއް ވައްޓާލައިފި

ރަޝިއާއިން ހިފާފައިވާ ކްރައިމިއާއާ ގުޅުވައިދޭ މުހިންމު ބްރިޖަށް ޔޫކްރޭނުން ވަރުގަދަ ހަމަލާއެއްދީ، ބްރިޖުގެ ބޮޑު ބައެއް ކަނޑަށް ވައްޓާލައި ރަޝިއާގެ ސިފައިންނަށް ބޭނުންވާ މައިގަނޑު ސަޕްލައި މަގަށް ބޮޑު ހުރަހެއް ކުރިމަތިކުރުވައިފިއެވެ. މި ހަމަލާއާ ގުޅިގެން ރަޝިއާއިން ބަދަލުހިފުމުގެ ގޮތުން ޔޫކްރޭނުގެ ވެރިރަށް ކީވްގެ އިންފްރާސްޓްރަކްޗަރަށް އަމާޒުކޮށް ވަރުގަދަ ހަމަލާތަކެއް ދީފައިވާއިރު، މިއީ ދެ ގައުމުގެ ދެމެދުގައި އޮތް ހަނގުރާމަ އިތުރަށް ވަރުގަދަވެގެންދިޔަ ކަމެކެވެ.

Newsletter

Get the latest news delivered straight to your inbox