ކުދިންގެ ސިއްހަތަށް ސޯޝަލް މީޑިއާއަކީ ދުންފަތާ އެއްފަދަ ނުރައްކަލެއް: ޔޫކޭ ޑޮކްޓަރުން

May 27, 2026, 1:30 AM
ފޮޓޯ: ގެޓީ އިމޭޖަސް

ފޮޓޯ: ގެޓީ އިމޭޖަސް

ކުދިންގެ ސިއްހަތަށް އޮތް ނުރައްކަލެއްގެ ގޮތުން ބަލާއިރު ސޯޝަލް މީޑިއާ ބޭނުންކުރުމަކީ ދުންފަތުގެ އިސްތިއުމާލުކުރުމާ އެއްވަރުގެ ކަމެއްގެ ގޮތުގައި އިނގިރޭސިވިލާތުގެ އެންމެ އިސް ޑޮކްޓަރުން ސިފަކޮށްފި އެވެ. 

އުމުރުން 16 އަހަރުން ދަށުގެ ކުދިން ސޯޝަލް މީޑިއާ ބޭނުންކުރުމާ ގުޅޭ ގޮތުން އިނގިރޭސި ސަރުކާރުން ކުރިއަށްގެންދާ މަޝްވަރާތަކަށް އެކަޑަމީ އޮފް މެޑިކަލް ރޯޔަލް ކޮލެޖަސްއިން ހުށަހެޅި ރިޕޯޓެއްގައި ބުނެފައިވަނީ، ކުޑަކުދިން ޑޮކްޓަރަށް ދައްކާއިރު އެ ކުދިން ސްކްރީން ކައިރީގައި ހޭދަކުރާ ވަގުތާއި ސޯޝަލް މީޑިއާ ބޭނުންކުރާ މިންވަރާ ބެހޭ ގޮތުން ޑޮކްޓަރުން އާންމު އުސޫލެއްގެ ގޮތުން ސުވާލުކުރަން ޖެހޭނެ ކަމަށެވެ.

އިނގިރޭސިވިލާތުގައި 16 އަހަރުން ދަށުގެ ކުދިން ސޯޝަލް މީޑިއާ ބޭނުންކުރުމާ ގުޅޭ އާ ފިޔަވަޅުތަކެއް މި އަހަރު ނިމުމުގެ ކުރިން ތައާރަފުކުރާނެ ކަމަށް އެ ގައުމުގެ ޓެކްނޮލޮޖީ ސެކްރެޓަރީ ލިޒް ކެންޑަލް ވަނީ ވިދާޅުވެފަ އެވެ.

Advertisement

އޮސްޓްރޭލިއާގައި އަމަލުކުރަމުންދާ އުސޫލާ އެއްގޮތަށް ކުޑަކުދިން ސޯޝަލް މީޑިއާ ބޭނުންކުރުން މަނާކުރުމަކީ ބަލަމުންދާ އެއް ފިޔަވަޅެވެ. ކެންޑަލް ވިދާޅުވީ މި މަޝްވަރާތަކުގެ ނަތީޖާ މިއަހަރުގެ ހޫނު މޫސުމުގައި ހާމަކުރާނެ ކަމަށާއި، އަދި އަހަރު ނިމުމުގެ ކުރިން އަމަލީ ފިޔަވަޅުތައް އަޅަން ފަށާނެ ކަމަށެވެ.

ކުޑަކުދިން ސޯޝަލް މީޑިއާ އެޕްލިކޭޝަންތައް ބޭނުންކުރުން މުޅިން މަނާކުރުމަކީ އެންމެ ރަނގަޅު ގޮތްކަމާ މެދު އެކި ފަރާތްތަކުގެ މެދުގައި ޚިޔާލު ތަފާތުވުންތަކެއް އެބަ ހުއްޓެވެ.

އެޕްލިކޭޝަންތައް ބޭނުންކުރެވޭނެ ވަގުތުތައް ކަނޑައެޅުމާއި، އުމުރު ކަށަވަރުކުރުމުގެ ވަރުގަދަ ނިޒާމެއް ގާއިމުކުރުމުން އޮންލައިން ރައްކާތެރިކަން އިތުރުވާނެތޯ ބެލުމަށް މާޗް މަހުން ފެށިގެން ސަރުކާރުން ދަނީ ބެލެނިވެރިންނާއި ކުދިންގެ ޚިޔާލު ހޯދަމުންނެވެ. އަދި ޔޫކޭގެ ބައެއް ގޭބިސީތަކުގައި މި ފިޔަވަޅުތައް ވަނީ ޓެސްޓުކޮށްފަ އެވެ.

ބީބީސީއަށް ދެއްވި އިންޓަވިއުއެއްގައި ކެންޑަލް ވިދާޅުވީ، "ސުވާލަކީ އަޅުގަނޑުމެން ފިޔަވަޅު އަޅާނެތޯ ނޫން، އަޅުގަނޑުމެން ފިޔަވަޅު އަޅާނަން،" ކަމަށެވެ.

އޭނާ ވިދާޅުވީ ސަރުކާރުން ބަލަމުންދަނީ ސޯޝަލް މީޑިއާގެ އެކި ފީޗާތަކުގެ ސަބަބުން ކުޑަކުދިންނަށް ކުރާ އަސަރުތަކާ ގުޅޭ ފުޅާ ދާއިރާއެއްގެ މައްސަލަތަކެއް ކަމަށެވެ.

މީގެ ސަބަބުން، އޮސްޓްރޭލިއާއިން އެޅި ފިޔަވަޅުތަކުގައި ނުހިމެނޭ ރޯބްލޮކްސް އަދި ޑިސްކޯޑް ފަދަ ޕްލެޓްފޯމްތަކަށް ޔޫކޭ ސަރުކާރުން މާ ބޮޑަށް ސަމާލުކަން ދިނުން އެކަށީގެންވެ އެވެ.

މި މަޝްވަރާތަކަށް ޖަމިއްޔާތަކާއި، ކެމްޕޭން ގްރޫޕްތަކާއި، އާންމު ރައްޔިތުންގެ ފަރާތުން 70،000 އަށްވުރެ ގިނަ ހުށަހެޅުން ލިބިފައިވެ އެވެ. މީގެ ތެރޭގައި ސޯޝަލް މީޑިއާ މަނާކުރުމާއި އެހެނިހެން ފިޔަވަޅުތަކާ ގުޅޭ ޚިޔާލުތައް ހިމެނެ އެވެ.

އެކަޑަމީ އޮފް މެޑިކަލް ރޯޔަލް ކޮލެޖަސްގެ ހުށަހެޅުމުގައި، އޮންލައިންކޮށް ފެންނަ ނުރައްކާތެރި އަނިޔާވެރި މަންޒަރުތަކުގެ ސަބަބުން ކުރިމަތިވާ ޖިސްމާނީ އަދި ނަފްސާނީ ސިއްހަތުގެ މައްސަލަތައް މިސާލެއްގެ ގޮތުގައި ފާހަގަކޮށްފައިވެ އެވެ.

ސޯޝަލް މީޑިއާ އާއި އޮންލައިން ކޮންޓެންޓް ނުރަނގަޅު ގޮތުގައި ބޭނުންކުރާކަން ދެނެގަންނާނެ ގޮތުގެ އިރުޝާދު ޑޮކްޓަރުންނާއި ސިއްހީ މުވައްޒަފުންނަށް ދޭންޖެހޭ ކަމަށް އެ އެކަޑަމީން ބުނެ އެވެ.

އަދި މި މައްސަލައިގެ ނުރައްކާ އޮތް މިންވަރު ދެނެގަތުމަށްޓަކައި، ލިބޭ ގެއްލުންތަކުގެ މައުލޫމާތު ރެކޯޑުކުރުމަށް ވެސް އެ އެކަޑަމީން ލަފާދެ އެވެ.

އެޅިދާނެ ފިޔަވަޅުތަކުގެ ތެރޭގައި ރޭގަނޑު ވަގުތުތަކުގައި ސޯޝަލް މީޑިއާ ބޭނުންކުރުން މަނާކުރުމާއި، އޮޓޯ-ޕްލޭ އަދި އިންފިނިޓް ސްކްރޯލް ފަދަ ފީޗާތައް ނިއްވާލުން ހިމެނެ އެވެ.

މީގެ އިތުރުން، އާޓިފިޝަލް އިންޓެލިޖެންސް ޗެޓްބޮޓްތައް ކުޑަކުދިން ބޭނުންކުރުމާއި، އުމުރު ކަށަވަރުކުރުމުގެ ނިޒާމުތައް ވަރުގަދަކުރުމާ ބެހޭގޮތުން ވެސް އާންމުންގެ ޚިޔާލު ވަނީ ހޯދާފަ އެވެ.

ސަރުކާރުގެ މި މަޝްވަރާތަކަށް ނުވަތަ 16 އަހަރުން ދަށުގެ ކުދިންނަށް ސޯޝަލް މީޑިއާ މަނާކުރުމުގެ ހުށަހެޅުމަށް ޓެކްނޮލޮޖީ ކުންފުނިތަކުން ދީފައިވަނީ ކޮން ޖަވާބެއްކަން އަދި ސާފެއް ނުވެ އެވެ.

ނަމަވެސް ފޭސްބުކް، އިންސްޓަގްރާމް އަދި ވަޓްސްއަޕްގެ މައި ކުންފުނި މެޓާ އިން ބުނެފައިވަނީ، އުމުރު ކަށަވަރުކުރުމުގެ ނިޒާމު ހުންނަންޖެހޭނީ ފޯނު ނުވަތަ ޓެބްލެޓް ފަދަ ޑިވައިސްތަކުގައި ކަމަށެވެ. އޭރުން އުމުރު ހަމަނުވާ ކުދިންނަށް އެޕްލިކޭޝަންތައް ޑައުންލޯޑް ނުކުރެވޭނެ އެވެ.

ކޮމެންޓް

ފަހުގެ ޚަބަރު

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

ގްލެޑިއޭޓާ 2" ގެ ސެޓުގައި ހިނގި ހާދިސާއަކާ ގުޅިގެން ކޯޓަށް

"ގްލެޑިއޭޓާ 2" ގެ މަންޒަރެއް ކުޅެމުން ދަނިކޮށް ހިނގި އަލިފާނުގެ ހާދިސާއެއްގައި ހަށިގަނޑުގެ 15 އިންސައްތަ ފިހުނު އެކްޓަރަކު، ފިލްމު އުފެއްދި ކުންފުންޏާ ދެކޮޅަށް ކޯޓުގައި ދައުވާކޮށްފިއެވެ. މި ހާދިސާގެ ޒިންމާ ފިލްމީ ކުންފުނިން އުފުލި ނަމަވެސް، ލިބުނު އަނިޔާތަކަށް ބަދަލުގެ ގޮތުގައި އެދިފައިވާ 200،000 ޕައުންޑް ދިނުމަށް އެ ކުންފުނިން ވަނީ އިންކާރުކޮށްފައެވެ.

ދިގުވާހަކަ: ބުނާށޭ ލޯބި ނުވަނީހޭ

މި ވާހަކައިގައި ކިޔައިދެނީ އިވާން އާއި މައިރާގެ މެދުގައި ހިނގި ލޯބިވެތި ވަގުތުކޮޅެއްގެ ވާހަކައެވެ. ނަމަވެސް، ކޮޓަރީގެ ބޭރުން ނަދާލް ގޮވައިލި އަޑަށް އެ ދެމީހުންގެ ހަރަކާތްތަކަށް ހުއްޓުމެއް އައިސް، މައިރާ ނަދާލަށް ޖަވާބުދީ އެތަނުން ދާން މަސައްކަތް ކުރެއެވެ.

ދުނިޔެ ވަށާ ހިނގުމުގައި 28 އަހަރު ހޭދަކުރި މީހެއް އެނބުރި ގެއަށް

ދުނިޔެ ވަށައި ހިނގުމަށް 28 އަހަރު ދުވަހު 31،000 މޭލުގެ ދަތުރެއް ކުރި އިނގިރޭސިވިލާތުގެ ކާލް ބުޝްބީ، އޭނާގެ ދަތުރު ނިންމާލުމަށްފަހު އެނބުރި ގައުމަށް ގޮސްފިއެވެ. އަމިއްލަ ބާރުގައި އެކި ބައްރުތަކާއި ކަނޑުއޮޅިތައް ހުރަސްކޮށް އޭނާ ކުރި މި ދަތުރު ނިންމާލުމުން، އާއިލާ އާއި ގިނަ އަދަދެއްގެ ބަޔަކު ވަނީ އޭނާއަށް ހޫނު މަރުހަބާއެއް ކިޔާފައެވެ.

ޖަޕާނުގެ ބޮޑީބިލްޑަރެއް އުމުރުން 90 އަހަރުގައި ވެސް ސްޓޭޖަށް

ޖަޕާނުގެ އުމުރުން 90 އަހަރުގެ ޓޮޝިސުކޭ ކަނަޒާވާ، ސްޕެއިންގައި ބޭއްވި ބޮޑީބިލްޑިން މުބާރާތެއްގައި ވާދަކޮށް، އުމުރަކީ ދުޅަހެޔޮކަމަށް އޮތް ހުރަހެއް ނޫންކަން ސާބިތުކޮށްދީފިއެވެ. އޭނާގެ ދުޅަހެޔޮކަމުގެ ސިއްރަކީ ޖަޕާނުގެ ސަގާފީ ކެއުންތައް ކަމަށްވާ ބްރައުން ރައިސް އާއި މިސޯ ސޫޕް ފަދަ ތަކެތި ބޭނުންކުރުން ކަމަށްވާއިރު، އޭނާގެ އަމާޒަކީ އުމުރުން 93 އަހަރުގައިވެސް މުބާރާތެއްގައި ވާދަކުރުމެވެ.

Newsletter

Get the latest news delivered straight to your inbox