ޑީޒާ އަށް އަޕްލޯޑްކުރާ މިއުޒިކްގެ ދެބައިކުޅަ އެއްބަޔަކީ އޭއައި

Apr 22, 2026, 2:00 AM
ޑިޖިޓަލް މިއުޒިކް ސްޓޫޑިއޯއެއް

ޑިޖިޓަލް މިއުޒިކް ސްޓޫޑިއޯއެއް

މިއުޒިކް ސްޓްރީމްކުރާ މަޝްހޫރު ހިދުމަތެއް ކަމަށްވާ ފަރަންސޭސިވިލާތުގެ ޑީޒާ އަށް އަލަށް އަޕްލޯޑްކުރާ ލަވަތަކުގެ 44 ޕަސެންޓަކީ އޭއައި ބޭނުންކޮށްގެން އުފައްދާފައިވާ ލަވަ ކަމަށް އެ ކުންފުނިން ހާމަކޮށްފިއެވެ.

މިދިޔަ ހޯމަ ދުވަހު އެ ކުންފުނިން ނެރުނު ބަޔާނެއްގައި ބުނެފައިވަނީ ކޮންމެ ދުވަހަކު އެ ޕްލެޓްފޯމަށް ގާތްގަނޑަކަށް 75،000 އޭއައި ލަވަ އަޕްލޯޑްކުރާ ކަމަށެވެ. މިއީ އެ ޕްލެޓްފޯމަށް ދުވާލަކު އަޕްލޯޑްކުރާ މުޅި މިއުޒިކްގެ ގާތްގަނޑަކަށް ދެބައިކުޅަ އެއްބައެވެ.

މީގެ އަހަރެއްހާ ދުވަސް ކުރިން އެ ޕްލެޓްފޯމަށް ދުވާލަކު އަޕްލޯޑްކުރަމުން ދިޔައީ އޭއައި ބޭނުންކޮށްގެން އުފައްދާފައިވާ 10،000 ވަރަކަށް ލަވައެވެ.

Advertisement

އޭއައި ލަވަތައް އާދަޔާ ހިލާފަށް އިތުރުވަމުން ދިޔަ ނަމަވެސް، އަޑުއަހާ މީހުންގެ މެދުގައި މިފަދަ ލަވަތަކަށް އޮތް މަގުބޫލުކަން އަދިވެސް އޮތީ ވަރަށް ދަށުގައެވެ. ޑީޒާގެ ތަފާސްހިސާބުތަކުން ދައްކާ ގޮތުގައި، މުޅި ޕްލެޓްފޯމުން މީހުން އަޑުއަހާ ލަވަތަކުގެ ތެރެއިން އޭއައި ލަވަތަކުގެ ހިއްސާއަކީ އެންމެ އެއް ޕަސެންޓާއި ތިން ޕަސެންޓުގެ މިންވަރެކެވެ.

އޭއައި ލަވަތައް އަޑުއަހާ މިންވަރު މަދުވުމުގެ މައިގަނޑު ސަބަބަކީ  އަޅާފައިވާ ހަރުދަނާ ފިޔަވަޅުތައް ކަމަށް ޑީޒާ އިން ބުނެއެވެ. އެގޮތުން، އޭއައި ބޭނުންކޮށްގެން އުފައްދާފައިވާ ކޮންޓެންޓް ވަކިން އެނގޭނޭހެން ފާހަގަޖެހުމާއި، އެލްގޮރިދަމް މެދުވެރިކޮށް މީހުންނަށް ލަވަތައް ހުށަހަޅައިދޭ ލިސްޓުތަކުން މިފަދަ ލަވަތައް އުނިކުރުން ހިމެނެއެވެ.

މީގެ އިތުރުން، އޭއައި ލަވަތަކުގެ ހައި-ރިޒޮލިއުޝަން ކޮޕީތައް ރައްކާކުރުން ވެސް އެ ކުންފުނިން ވަނީ ހުއްޓާލާފައެވެ. 

ޑީޒާގެ ޗީފް އެގްޒެކެޓިވް އެލެކްސިސް ލަންޓެނިއޭ ވިދާޅުވި ގޮތުގައި، އޭއައި މިއުޒިކަކީ މިހާރު މަދު ބަޔަކު ކުރާ ކަމެއްގެ ގޮތުގައި އޮތް ކަމެއް ނޫނެވެ. އެއީ މުޅި ސިނާއަތަށް ފެތުރިފައިވާ ކަމެއް ކަމަށާއި، އަސްލު ފަންނާނުންގެ ހައްގުތައް ހިމާޔަތްކުރުމަށް މިއުޒިކް އިންޑަސްޓްރީން މިހާރަށްވުރެ ބޮޑަށް މަސައްކަތް ކުރަންޖެހޭ ކަމަށް އޭނާ ވިދާޅުވިއެވެ. އަންދާޒާކުރެވޭ ގޮތުގައި 2028 ވަނަ އަހަރާ ހަމައަށްދާއިރު، އޭއައިގެ ސަބަބުން މިއުޒިކް ކުޅޭ ފަންނާނުންގެ އާމްދަނީގެ 25 ޕަސެންޓު ގެއްލިގެން ދިއުމުގެ ބިރު އެބައޮތެވެ.

ބައިނަލްއަގުވާމީ ދިރާސާތަކާ ހަވާލާދީ ޑީޒާ އިން ބުނެފައިވަނީ، އޭއައި މިއުޒިކް ލޭބަލް ކުރުމަކީ އާންމުން ބޭނުންވާ ކަމެއް ކަމަށެވެ. ދާދިފަހުން ކުރި ސާވޭއަކުން ދެއްކި ގޮތުގައި، ސާވޭގައި ބައިވެރިވި މީހުންގެ 80 ޕަސެންޓު ގަބޫލުކުރާ ގޮތުގައި އޭއައި ބޭނުންކޮށްގެން އުފައްދާފައިވާ މިއުޒިކް ހުންނަންޖެހޭނީ ސާފުކޮށް އެނގޭނޭހެން ފާހަގަކޮށްފައެވެ.

މީހުންނަށް ނޭނގޭ ގޮތަށް ކުރިއަށް ގެންދިޔަ ޓެސްޓެއްގައި، 97 ޕަސެންޓު މީހުންނަށް އިންސާނުން އުފައްދާ މިއުޒިކާއި ސޮފްޓްވެއާ ބޭނުންކޮށްގެން އުފައްދާ މިއުޒިކާ ދެމެދު ހުރި ތަފާތު ވަކިކުރަން ނޭނގުނު ނަމަވެސް، ގިނަ ބަޔަކު ވަނީ ރަސްމީ މިއުޒިކް ޗާޓުތަކުގައި އޭއައި ލަވަތައް ހިމެނުމާ ދެކޮޅު ހަދާފައެވެ.

ކޮމެންޓް

ފަހުގެ ޚަބަރު

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

ގްލެޑިއޭޓާ 2" ގެ ސެޓުގައި ހިނގި ހާދިސާއަކާ ގުޅިގެން ކޯޓަށް

"ގްލެޑިއޭޓާ 2" ގެ މަންޒަރެއް ކުޅެމުން ދަނިކޮށް ހިނގި އަލިފާނުގެ ހާދިސާއެއްގައި ހަށިގަނޑުގެ 15 އިންސައްތަ ފިހުނު އެކްޓަރަކު، ފިލްމު އުފެއްދި ކުންފުންޏާ ދެކޮޅަށް ކޯޓުގައި ދައުވާކޮށްފިއެވެ. މި ހާދިސާގެ ޒިންމާ ފިލްމީ ކުންފުނިން އުފުލި ނަމަވެސް، ލިބުނު އަނިޔާތަކަށް ބަދަލުގެ ގޮތުގައި އެދިފައިވާ 200،000 ޕައުންޑް ދިނުމަށް އެ ކުންފުނިން ވަނީ އިންކާރުކޮށްފައެވެ.

ދިގުވާހަކަ: ބުނާށޭ ލޯބި ނުވަނީހޭ

މި ވާހަކައިގައި ކިޔައިދެނީ އިވާން އާއި މައިރާގެ މެދުގައި ހިނގި ލޯބިވެތި ވަގުތުކޮޅެއްގެ ވާހަކައެވެ. ނަމަވެސް، ކޮޓަރީގެ ބޭރުން ނަދާލް ގޮވައިލި އަޑަށް އެ ދެމީހުންގެ ހަރަކާތްތަކަށް ހުއްޓުމެއް އައިސް، މައިރާ ނަދާލަށް ޖަވާބުދީ އެތަނުން ދާން މަސައްކަތް ކުރެއެވެ.

ދުނިޔެ ވަށާ ހިނގުމުގައި 28 އަހަރު ހޭދަކުރި މީހެއް އެނބުރި ގެއަށް

ދުނިޔެ ވަށައި ހިނގުމަށް 28 އަހަރު ދުވަހު 31،000 މޭލުގެ ދަތުރެއް ކުރި އިނގިރޭސިވިލާތުގެ ކާލް ބުޝްބީ، އޭނާގެ ދަތުރު ނިންމާލުމަށްފަހު އެނބުރި ގައުމަށް ގޮސްފިއެވެ. އަމިއްލަ ބާރުގައި އެކި ބައްރުތަކާއި ކަނޑުއޮޅިތައް ހުރަސްކޮށް އޭނާ ކުރި މި ދަތުރު ނިންމާލުމުން، އާއިލާ އާއި ގިނަ އަދަދެއްގެ ބަޔަކު ވަނީ އޭނާއަށް ހޫނު މަރުހަބާއެއް ކިޔާފައެވެ.

ޖަޕާނުގެ ބޮޑީބިލްޑަރެއް އުމުރުން 90 އަހަރުގައި ވެސް ސްޓޭޖަށް

ޖަޕާނުގެ އުމުރުން 90 އަހަރުގެ ޓޮޝިސުކޭ ކަނަޒާވާ، ސްޕެއިންގައި ބޭއްވި ބޮޑީބިލްޑިން މުބާރާތެއްގައި ވާދަކޮށް، އުމުރަކީ ދުޅަހެޔޮކަމަށް އޮތް ހުރަހެއް ނޫންކަން ސާބިތުކޮށްދީފިއެވެ. އޭނާގެ ދުޅަހެޔޮކަމުގެ ސިއްރަކީ ޖަޕާނުގެ ސަގާފީ ކެއުންތައް ކަމަށްވާ ބްރައުން ރައިސް އާއި މިސޯ ސޫޕް ފަދަ ތަކެތި ބޭނުންކުރުން ކަމަށްވާއިރު، އޭނާގެ އަމާޒަކީ އުމުރުން 93 އަހަރުގައިވެސް މުބާރާތެއްގައި ވާދަކުރުމެވެ.

Newsletter

Get the latest news delivered straight to your inbox