ކަށިމިޔަރުގެ މަސްވެރިކަން ރާއްޖޭގައި މިދިޔަ އޮކްޓޯބަރު 31، ގައި ހުއްދަ ކުރިކުރުން ބާތިލުކުރަން ހައި ކޯޓަށް ހުށަހެޅި ދުސްތޫރީ ދެވަނަ މައްސަލަ ވެސް ބޭރުކޮށްލައިފި އެވެ.
މިދިޔަ ފެބްރުއަރީ 2، ގައި ހުމައިިދާ އަބްދުލްޣަފޫރު އަދި މުހައްމަދު ސީނީންގެ ފަރާތުން ހުށަހެޅި މި މައްސަލަ ކޯޓަށް ހުށަހެޅީ ކަށިމިޔަރު މަސްވެރިކަން ކުރަން ހުއްދަދީ ޝާއިއުކޮށްފައިވާ ރާއްޖޭގެ ކަށިމިޔަރު މަސްވެރިކަން މެނޭޖްކުރުމުގެ ޕްލޭން އަދި ކަށިމިޔަރު މަސްވެރިކަން ރާވައި ހިންގާ ބެލެހެއްޓުމާ ބެހޭ ގަވާއިދު ރާއްޖޭގެ މަސްވެރިކަމުގެ ގާނޫނާ ހިލާފުވާތީ ބާތިލުކޮށްދިނުމަަށެވެ.
ހައި ކޯޓުގެ ރަޖިސްޓްރާ މަރްޔަމް ހޫރުޝިދާ ވިދާޅުވީ އެ މައްސަލަ ބޭރުކޮށްލަން ނިންމީ ކަށިމިޔަރުގެ މަސްވެރިކަން ރާވައި ހިންގާ ބެލެހެއްޓުމާބެހޭ ގަވާއިދު މަސްވެރިކަމުގެ ގާނޫނާ ހިލާފު ކަމަށް ބަޔާންކުރުމަށްފަހު، އެ ޕްލޭނާއި ގަވާއިދު ގާނޫނުއަސާސީ އަދި މަސްވެރިކަމަމުގެ ގާނޫނާ ހިލާފުވާ ގޮތް ތަފްސީލުކޮށް ސަބަބުތަކާއެކު ބަޔާންކޮށްފައި ނުވާތީ ކަމަށެވެ.
ކަށިމިޔަރުގެ މަސްވެރިކަން ހުއްދަ ކުރީ މަސްވެރިކަމާ ބެހޭ އާންމު ގަވާއިދަށް ގެނައި ބަދަލަކުންނެވެ. އެ ގަވާއިދުގައި ކުރިން ބުނެފައިވާ ގޮތުންް މިޔަރުގެ އެއްވެސް ބާވަތެއް ރާއްޖޭގައި ބޭނުމާއި ހިފުމާއި މެރުމަކީ މަނާކަމެކެވެ. އެކަމަކު، ގަވާއިދަށް ގެނައި ބަދަލުގެ ސަބަބުން ކަށިމިޔަރު އާއިލާގެ ހުރިހާ ބާވަތެއް ބޭނުން މިހާރު ހުއްދަވާނެ އެވެ.
ދެކޮޅުހެދުންތަކަށް ނުބަލައި ކަށިމިޔަރުގެ މަސްވެރިކަން ރާއްޖޭގައި ރަސްމީކޮށް ހުއްދަކޮށްފި
ކަށިމިޔަރުގެ މަސްވެރިކަން ހުއްދަ ނުކުރަން 60 ޖަމިއްޔާ އާއި 50 ސައިންޓިސްޓުން ރައީސް މުހައްމަދު މުއިއްޒަށް ސިޓީއެއް ފޮނުވި އެވެ. އެ ސިޓީގައި ބުނެފައި ވަނީ ކަށިމިޔަރުގެ މަސްވެރިކަން ހުއްދަކޮށްފި ނަމަ އެ އާއިލާގެ މިޔަރު ނިކަން އަވަހަށް ނެތިގޮސްދާނެ ކަމަށެވެ.
ކަށިމިޔަރުގެ މަސްވެރިކަން ހުއްދަ ނުކުރަން 60 ޖަމިއްޔާ އާއި 50 ސައިންޓިސްޓުން ރައީސް މުހައްމަދު މުއިއްޒަށް ސިޓީއެއް ފޮނުވި އެވެ. އެ ސިޓީގައި ބުނެފައި ވަނީ ކަށިމިޔަރުގެ މަސްވެރިކަން ހުއްދަކޮށްފި ނަމަ އެ އާއިލާގެ މިޔަރު ނިކަން އަވަހަށް ނެތިގޮސްދާނެ ކަމަށެވެ.
ރާއްޖެއިން ބައިވެރިވެފައިވާ ކޮންވެންޝަން އޮން އިންޓަނޭޝަނަލް ޓްރޭޑް އިން އެންޑޭންޖާޑް ސްޕީޝީސް (ސައިޓީސް) ގައި ބުނާ ގޮތުން ކަށިމިޔަރަކީ ނެތިދިޔުމުގެ ބިރު ހީވެފައިވާ ބާވަތެކެވެ. އަދި އެ ކޮންވެންޝަނުގެ އެޕެންޑިކްސް ދޭއްގައި ކަށިމިޔަރު ވަނީ ހިމަނާފަ އެވެ.
މިގޮތުން ކަށިމިޔަރުގެ މަސްވެރިކަން ރާއްޖޭގައި ހުއްދަކޮށްފައި އޮތް ނަމަވެސް، ރާއްޖެއިން ބޭރު ކުރަން ހުރަސް އެޅޭނެ އެވެ.
މިޔަރުގެ ހުރިހާ ބާވަތެއްގެ ތެރެއިން، ނެތިދިޔުމުގެ ބިރު އެންމެ ބޮޑަށް ހީވެފައިވާ ބާވަތްތަކުގެ ތެރޭގައި ހިމެނޭ ކަށިމިޔަރު ދަރިމާވާން ފަށަނީ އެ ސޮރުމެންނަށް ގާތްގަނޑަށް 20 އަހަރު ފުރޭ ފަހުންނެވެ. އެއީ ކަށިމިޔަރު ފުރާފުރިހަމަވާން އެ މުއްދަތު ނަގާތީ އެވެ. އަދި ދަރިމައިވުމުގެ އުމުރަށް ދިޔުމުން، ވިހަނީ ދެ އަހަރު ބަލިވެ އިނުމަށްފަހު އެވެ.
ކަށިމިޔަރުގެ މަސްވެރިކަން ރާއްޖޭގައި ފެށީ 1980 ގެ އަހަރުތަކުގަ އެވެ. އެ ބާވަތުގެ މަސްވެރިކަން ކުރަން ފެށިތާ 10 އަހަރުގެ ތެރޭގައި ބާނާ ކަށިމިޔަރުގެ އަދަދު 50 ޕަސެންޓު މަދުވިކަން ދިރާސާތަކުން ދައްކަ އެވެ. އޭގެ ފަހުން ކަށިމިޔަރުގެ މަސްވެރިކަން ރާއްޖޭގައި މަނާ ކުރީ 2010 ވަނަ އަހަރެވެ. އެއިރު އެބާވަތުގެ މަސްވެރިކަން ކުރާ 38 އުޅަނދު ރާއްޖޭގައި ހަރަކާތްތެރިވި އެވެ.
