އެމެރިކާ އާއި އިޒްރޭލުން އިރާނަށް ބޮން އަޅައި ފެށި ހަނގުރާމައިގައި މިހާތަނަށް 555 މީހުން މަރުވެފައިވާ ކަމަށް އެ ގައުމުގެ ރެޑް ކްރެސެންޓުން ހާމަކޮށްފި އެވެ.
މި މީހުން މަރުވީ އެ ގައުމުގެ 131 ސަރަހައްދަކުންނެވެ. އިޒްރޭލާއި އެމެރިކާއިން އަންނަނީ މެދުކެނޑުމެއްނެތި ބޮން އަޅަމުންނެވެ. ރައްދުގައި އިރާނުން ވެސް އަންނަނީ އިޒްރޭލާއި މެދުއިރުމަތީގައި ހުރި އެމެރިކާގެ އަސްކަރީ މަރުކަޒުތަކަށް ހަމަލާ ދެމުންނެވެ.
އިޒްރޭލުން ވަނި އިރާނުގެ އިތުރުން ލުބުނާނަށް ވެސް ބޮން އަޅާފަ އެވެ. އެ ހަމަލާތަކުގައި 31 މީހުން ވަނީ މަރުވެފަ އެވެ. ލުބުނާނަށް އިޒްރޭލުން އެއްގަމު މަގުން އެރުމުގެ ފުރުސަތު އޮތް ކަމަށް ވެސް ރިޕޯޓުތައް ބުނެ އެވެ.
އިރާނުން ވަނީ މިސައިލްތަކާއި ޑްރޯންތަކުގެ 10 ވަނަ ރާޅު އިޒްރޭލަށް ފޮނުވާލާފަ އެވެ.
ކުވެއިތުގެ ވައިގެ ސަރަހައްދަށް އެމެރިކާގެ ފައިޓަރު ޖެޓުތަކެއް ވެސް ވަނި ވެއްޓިފަ އެވެ. ވެއްޓުނީ ކިތައް ޖެޓު ކަމެއް ނޭނގެ އެވެ.
