ޚާމަނާއީ ދުނިޔޭގައި އެބަ ހުންނެވި، އިރާންގެ ވެރިކަން ބަދަލެއް ނުކުރެވޭނެ: އައްބާސް އަރަގްޗީ

އިރާންގެ ރޫހާނީ ލީޑަރު ޚާމަނާއީ

އިރާންގެ ރޫހާނީ ލީޑަރު ޚާމަނާއީ

އިޒްރޭލާއި އެމެރިކާއިން އިރާނަށް މިއަދު ދިން ހަމަލާތަކުގައި އެގައުމުގެ ރޫހާނީ ލީޑަރު އާޔަތުﷲ އަލީ ޚާމަނާއީ އަވަހާރަވެއްޖެ ކަމުގެ އަޑުތައް ފެތުރި ނަމަވެސް އެކަން އިރާނުން ދޮގުކޮށްފި އެވެ.

އެންބީސީ ނިއުސްއަށް ދެއްވި އިންޓަވިއުއެއްގައި އީރާނުގެ ފޮރިން މިނިސްޓަރު އައްބާސް އަރަގްޗީ ވިދާޅުވީ ޚާމަނާއީ އަދިވެސް ދުނިޔޭގައި އެބަ ހުންނެވި ކަމަށާއި އިޒްރޭލާއި އެމެރިކާއިން ދިން ހަމަލާގައި އެކަކު ނުވަތަ ދެ އޮފިސަރަކު މަރުވި ކަމަށެވެ. ނަމަވެސް އެއީ މާބޮޑު މައްސަލައެއްގެ ގޮތުގައި ފާހަގައެއް ނުކުރައްވަ އެވެ.

"ގާތްގަނޑަކަށް ހުރިހާ އޮފިޝަލުންވެސް ތިއްބެވީ ސަލާމަތުން،" އަރަގްޗީ ވިދާޅުވި އެވެ.

Advertisement

ހަމަލާތަކަށްފަހު އެމެރިކާގެ ރައީސް ޑޮނަލްޑް ޓްރަމްޕް ދެއްވި ބަޔާނަށް ރައްދު ދެއްވަމުން އަރަގްޗީ ވިދާޅުވީ، ވެރިކަން ބަދަލުކުރުމަށް ކުރާ މަސައްކަތަކީ ކާމިޔާބު ކުރެވޭނެ އުއްމީދެއް ނޫން ކަމަށެވެ.

"މި ސަރުކާރަށް އެތައް މިލިއަން ބަޔަކު ތާއީދުކުރަމުންދާއިރު، ވެރިކަން ބަދަލެއް ނުކުރެވޭނެ،" އޭނާ ވިދާޅުވިއެވެ.

ވޮޝިންޓަނާއެކު މުއާމަލާތެއް ހިނގާތޯ ސުވާލުކުރުމުން އަރަގްޗީ ވިދާޅުވީ، މިވަގުތު އެއްވެސް މުއާމަލާތެއް ނެތް ކަމަށާއި، ނަމަވެސް އެމެރިކާ މީހުން ވާހަކަދައްކަން ބޭނުންނަމަ އެކަން ކުރާނެ ގޮތް އެމީހުންނަށް އެނގޭނެ ކަމަށެވެ.

އިޒްރާއީލާއި އެމެރިކާގެ ހަމަލާތަކުން ލިބުނު ގެއްލުންތަކަކީ ކުޑަ ކަމެއްގެ ގޮތުގައި ސިފަކުރައްވަމުން އަރަގްޗީ ވިދާޅުވީ، ހަމަލާ ދިންތާ ދެ ގަޑިއިރު ނުވަނީސް އީރާނުން ރައްދު ދޭން ފަށާފައިވާ ކަމަށެވެ.

ދެކުނު އީރާނުގެ ހޯރްމުޒްގާން ޕްރޮވިންސްގެ މީނާބް ސިޓީގައި ހުންނަ އަންހެން ކުދިންގެ ޕްރައިމަރީ ސކޫލަކަށް ދިން ހަމަލާ އޭނާ ކުށްވެރިކުރެއްވިއެވެ.

އަރަގްޗީ އިތުރަށް ވިދާޅުވީ، މި ހަމަލާތައް ދޭންޖެހުނު ސަބަބެއް އެނގިވަޑައިނުގަންނަވާ ކަމަށާއި، ބައެއް ފަރާތްތަކުން އެމީހުންގެ އަމިއްލަ ފައިދާއަށްޓަކައި އެމެރިކާ މި ހަނގުރާމައިގެ ތެރެއަށް ވައްދާފައިވާ ކަމަށް ގަބޫލުކުރެވޭ ކަމަށެވެ.

އެމެރިކާއާ ހަމައަށް ފޯރާވަރުގެ މިސައިލް އީރާނުން އުފައްދާފާނެތޯ ސުވާލުކުރުމުން އޭނާ ވިދާޅުވީ، އީރާނުން ގަސްދުގައި މިސައިލްގެ ރޭންޖު 2,000 ކިލޯމީޓަރަށްވުރެ ކުޑަކޮށް ހިފަހައްޓާފައިވާ ކަމަށެވެ.

"ނޫން، އެވަރުގެ ގާބިލްކަން ހުރި މިސައިލެއް އަޅުގަނޑުމެންގެ ނެތް. އަޅުގަނޑުމެން ގަސްދުގައި މިސައިލްތަކުގެ ރޭންޖު ބަހައްޓާފައިވަނީ 2,000 ކިލޯމީޓަރަށްވުރެ ދަށުގައި،" އޭނާ ވިދާޅުވިއެވެ.

"އަޅުގަނޑުމެންގެ މިސައިލްތަކަކީ ހަމައެކަނި ދިފާއީ ބޭނުމަށް ހުރި އެއްޗެއް. އެއީ އިސްވެ ހަމަލާދޭން ހުރި އެއްޗެއް ނޫން."

ކޮމެންޓް

ފަހުގެ ޚަބަރު

ސްޕޭސްއެކްސްއަށް ފަންޑިން ހުއްޓުވުމުގެ އިންޒާރު

ޔޫކްރެއިންގައި ބޭނުންކުރާ ސްޓާޝީލްޑްގެ ޚިދުމަތަށް ބަދަލުތަކެއް އައި މައްސަލައިގައި، ސްޕޭސްއެކްސްއަށް ދޭ ފަންޑިން ހުއްޓާލާނެ ކަމުގެ އިންޒާރު އެމެރިކާގެ ކޮންގްރެސް މެންބަރު ޖިމް ހައިމްސް ދެއްވައިފިއެވެ. އޭނާ އެދިވަޑައިގަންނަވަނީ މި ބަދަލުތަކަކީ ކުންފުނިން އަމިއްލައަށް ނިންމި ނިންމުމެއްތޯ ނުވަތަ ސަރުކާރުގެ އެންގުމަކަށް ކުރި ކަމެއްތޯ ސާފުކޮށްދިނުމަށެވެ. ސަރުކާރުގެ ފުރިހަމަ ކޮންޓްރޯލް ނެތް ނިޒާމުތަކަށް ފައިސާ ދޫނުކުރާނެ ކަމަށް ވިދާޅުވެ، މިކަމާ ގުޅޭގޮތުން އީލޮން މަސްކާ ބައްދަލުކުރުމަށްވެސް ހައިމްސް ވަނީ އެދިވަޑައިގެންފައެވެ.

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

Newsletter

Get the latest news delivered straight to your inbox