48 ގަޑިއިރުގެ ޑައެޓަކުން ކޮލެސްޓެރޯލްގެ 10 ޕަސެންޓު އުނިކޮށްލެވޭ

Jan 29, 2026, 2:13 AM
48 ގަޑިއިރުގެ ޑައެޓަކުން ކޮލެސްޓެރޯލްގެ 10 ޕަސެންޓު އުނިކޮށްލެވޭ

އޯޓް ބޭނުންކޮށްގެން ތައްޔާރުކުރާ ކޮއްތަކުން އެންމެ 48 ގަޑިއިރުގެ ތެރޭގައި، ކޮލެސްޓެރޯލްގެ 10 އިންސައްތަ އުނިކޮށްލެވޭނެ ކަމަށް ދިރާސާއަކުން ދައްކައިފިއެވެ. ނޭޗާ ކޮމިޔުނިކޭޝަންސް ކިޔާ ޖާނަލްގައި ޝާއިއުކޮށްފައިވާ މި ދިރާސާ ރިޕޯޓްގައި ބުނެފައިވާ ގޮތުން މެޓަބޮލިކް ސިންޑްރޯމް ހުންނަ މީހުންނަށް މި ކޮއްތުން ލިބޭ ފައިދާ ވަރަށް ބޮޑެވެ.

މި ކޮއްތުގައި އެކުލެވޭ މައިގަނޑު ކާނާއަކީ އޯޓްއެވެ. ވަރަށް މަދުން ކެލޮރީ އެކުލެވޭ މި ކޮއްތު ބޭނުންކުރުމުން، އެންމެ ދެ ދުވަހުގެ ތެރޭގައި، އެމީހެއްގެ ހަށިގަނޑުން ކޮލެސްޓެރޯލްގެ 10 އިންސައްތަ އުނިކޮށްލެވޭނެއެވެ. މި ދިރާސާގައި ސައެންސްވެރިން އަޅައިކިޔާފައިވަނީ އޯޓް ނުހިމަނައި ތައްޔާރުކޮށްފައި ހުންނަ ކެލޮރީ މަދު ކޮއްތު ކެއުމުންނާއި، އޯޓް އަޅައިގެން ތައްޔާރުކުރާ ކެލޮރީ މަދު ކޮއްތު ކެއުމުން ހަށިގަނޑަށް އަންނަ ބަދަލެވެ.

ސައެންސްވެރިން ބުނާ ގޮތުގައި މި ދެ ބާވަތުގެ ކޮއްތުގެ ތެރެއިން، ކޮލެސްޓެރޯލްގެ މިންވަރު އެންމެ ބޮޑަށް ދަށަށް ދަނީ އޯޓް އަޅައިގެން ތައްޔާރުކުރާ ކޮއްތު ކެއުމުންނެވެ. މި ދިރާސާއިން ފާހަގަވި އެންމެ މުހިންމު ކަމަކީ، އޯޓް ކޮއްތު ބޭނުންކުރުމުން، ހަ ހަފުތާ ވަންދެން ވެސް ހަށިގަނޑުގައި އެ ކޮއްތުގެ ފައިދާ ދެމިހުންނަ ކަމެވެ. އެހެންކަމުން، މި ކޮއްތަކީ ވަގުތީ ފައިދާއެއްގެ ބަދަލުގައި ދާއިމީ ފައިދާތަކެއް ލިބޭނެ ކޮއްތެއް ކަމަށް ވެސް ސައެންސްވެރިން ބުނެއެވެ.

Advertisement

ވިލާތުގެ ހަކީމީ ބޭސްވެރިކަމުގެ ތެރޭގައި ވެސް، އޯޓަކީ ޒަމާނުއްސުރެ ބޭނުންކުރަމުން އަންނަ ގޮވާމެކެވެ. ނަމަވެސް، ޒަމާނީ ބޭސްވެރިކަމުގެ މި ޒަމާނުގައި އޯޓަށް ދެވޭ ސަމާލުކަން ވަރަށް ކުޑަވެފައި ވިޔަސް، 1900 ގެ އަހަރުތަކުގައި ވެސް ޖަރުމަނު ވިލާތުގައި ހަކުރު ބަލީގެ މީހުންނަށް، އޯޓު ކޮއްތުން ފަރުވާ ދީގެން ރަނގަޅު ނަތީޖާ ފެނިފައިވެއެވެ.

މި ދިރާސާގައި ބައިވެރިކުރި މީހުންނަކީ ހަކުރު ބަލި ހުންނަ މީހުންނެއް ނޫނެވެ. ނަމަވެސް މެޓަބޮލިކް ސިންޑްރޯމް (metabolic syndrome) ހުންނަ މީހުންނެވެ. މެޓަބޮލިކް ސިންޑްރޯމް އަކީ ހިތުގެ ބައްޔާއި ހަކުރު ބަލި އަދި ސްޓްރޯކް ޖެހުމަށް މަގުފަހިކުރާ ތަފާތު ފަސް ހާލަތެއް އެކުއެކީ ހުރުމެވެ. ނުވަތަ ހިތާއި ލޭހޮޅިތަކުގެ ބަލިތަކަށް މަގުފަހިކުރާ ވަކި ނުރައްކާތަކެއް އެމީހެއްގެ ކިބައިގައި އަށަގެންފައި ހުރުމެވެ.

މެޓަބޮލިކް ސިންޑްރޯމް ހުންނަ މީހުންނަކީ އާންމު ގޮތެގައި ހަށިގަނޑުގެ ބަރުދަން އިތުރުވެ، ލޭގެ ޕްރެޝަރު މަތިވެ އަދި ލޭގައި ހަކުރު އެކުލެވޭ ނިސްބަތާއި ސަރުބި އާއި ކޮލެސްޓެރޯލް ވެސް މަތީގައި ހުންނަ މީހުންނެވެ. ނަމަވެސް، ޓައިޕް ދޭއްގެ ހަކުރު ބައްޔަށް، ހާލަތު ބަދަލުނުވެ ތިބޭ މީހުންނެވެ.

މި ދިރާސާގެ ބައިވެރިންނަށް ދުވާލު ތިން އިރު ވެސް ކާންދިނީ ފެނު ކެއްކި އޯޓްއެވެ. ބޭނުން ނަމަ ކުޑަ މޭވާކޮޅަކާއި ތަރުކާރީކޮޅެއް އެއްކޮށްލެވިދާނެއެވެ. އިތުރު އެހެން ކާނާއެއް ބޭނުމެއް ނުކުރެވެއެވެ. މި ދިރާސާގައި ބައިވެރިކުރި 32 އަންހެނުންނާއި ފިރިހެނުން، ދެ ދުވަސް ވަންދެން ދުވަހުގެ ތިން ވަގުތަށް ބަހާލައިގެން ކެއީ 300 ގްރާމް އޯޓްއެވެ.

މި ގޮތަށް ކެއުން ބަދަލުކޮށްލުމުން، އެމީހުންގެ ހަށިގަނޑަށް އޭގެ ކުރިން އެވްރެޖްކޮށް ކެލޮރީ އިތުރުވާ މިންވަރާ އަޅައި ބަލާއިރު ދެބައިކުޅަ އެއްބައި މަދުވެގެން ދިޔައެވެ. އެކަމުގައި ހިތްވަރުކުރި މީހުންނަށް ލިބުނު ނަތީޖާ ވަރަށް ރަނގަޅެވެ.

ސައެންސްވެރިން ބުނި ގޮތުގައި އެމީހުންގެ ހަށިގަނޑުން ނުބައި ކޮލެސްޓެރޯލްގެ 10 އިންސައްތަ އެންމެ 48 ގަޑިއިރުގެ ތެރޭގައި އުނިވެގެން ދިޔައެވެ. އަދި ބަރުދަނުން ދެ ކިލޯ ލުއިވެ، ލޭގެ ޕްރެޝަރު ވެސް ދަށަށް ދިޔައެވެ. އެހެންކަމުން، ހިއްވަރެއް ހުރިއްޔާ އޯޓް މީލްއަށް ކެއުން ބަދަލުކޮށްލައި އެ ގޮތުގައި ހިފަހައްޓާލައިފިއްޔާ ކުޑަ ދުވަސްކޮޅެއްގެ ތެރޭގައި އިހު ހުރި ޒުވާންކަމަށް އެނބުރި އާދެވިދާނެއެވެ.

ކޮމެންޓް

ފަހުގެ ޚަބަރު

އުމުރުން 70 އަށް ދުޅަހެޔޮކޮށް ދިއުމަށް ސައިންސްވެރިން އިރުޝާދު

އުމުރުން 30 ގެ އަހަރުތަކަކީ ހަށިގަނޑަށް ބަދަލުތައް އަންނަ ދުވަސްވަރަކަށް ވުމުން، މި އުމުރުގައި ކަސްރަތުކުރުމާއި ނިދުމުގެ އާދަތައް ރަނގަޅުކުރުމަކީ އުމުރުން ދުވަސްވާއިރު ދުޅަހެޔޮކަންމަތީ ހުރުމަށް އެޅޭ މުހިންމު ފިޔަވަޅެކެވެ. މީގެ އިތުރުން، އަނގަޔާއި ދަތްތަކުގެ ސިއްހަތަށް ސަމާލުކަން ދިނުމާއި ނުރަނގަޅު އާދަތަކާ ދުރުހެލިވުމަކީ މުސްކުޅިވުމުން ކުރިމަތިވާ ބަލިތަކުން ރައްކާތެރިކޮށްދީ އުމުރު ދިގުކޮށްދޭނެ ކަންކަމެވެ.

ޖީޓީއޭ 6 ރެކޯޑް މާކްސްއަކާއެކު ނެރެފި

ތޭރަ އަހަރުގެ ދިގު އިންތިޒާރަކަށްފަހު ނެރުނު ޖީޓީއޭ 6 އަށް ރެކޯޑް މާކްސްއެއް ލިބި، ގޭމިން ދާއިރާއަށް އިންގިލާބީ ބަދަލެއް ގެނުވައިފިއެވެ. މި ގޭމުގެ ގްރެފިކްސް އާއި ވާހަކަ ކިޔައިދޭ ގޮތް ފުރިހަމަވުމުގެ އިތުރުން، މިއީ މި ސިލްސިލާގައި އަންހެން ކެރެކްޓަރަކަށް މައިގަނޑު ދައުރެއް ދިން ފުރަތަމަ ފަހަރެވެ.

މަސް ނުކައިވެސް ހަށިގަނޑަށް ބޭނުންވާ ދަގަނޑު ހޯދިދާނެ!

މަހުގެ ބާވަތްތަކުގެ އިތުރުން ފަތްޕިލާވެއްޔާއި ގޮވާމުގެ ބާވަތްތަކުން ވެސް ހަށިގަނޑަށް ބޭނުންވާ ދަގަނޑުގެ މާއްދާ ހޯދިދާނެކަން ސިއްހީ މާހިރުން ފާހަގަކުރެއެވެ. މިގޮތުން ކާނާ ތައްޔާރުކުރާ ގޮތަށް ބަދަލު ގެނައުމާއި، ވިޓަމިން ސީ އެކުލެވޭ ތަކެއްޗާއެކު ކެއުމަކީ ގަސްގަހާގެހިން ލިބޭ ދަގަނޑު ހަށިގަނޑަށް ދަމައިގަންނަ މިންވަރު އިތުރުކޮށްދޭނެ ކަންކަމެވެ.

އާ ޖޭމްސް ބޮންޑަކަށް ރޮބަޓް ޕެޓިންސަން

ޖޭމްސް ބޮންޑުގެ ރޯލު ކުޅޭނެ އާ އެކްޓަރަކަށް އިނގިރޭސި އެކްޓަރު ރޮބަޓް ޕެޓިންސަން ހަމަޖައްސައި، 2028 ވަނަ އަހަރު ރިލީޒްކުރާ ބޮންޑު ސިލްސިލާގެ 26 ވަނަ ފިލްމު ޑެނިސް ވިލެނޫވް ޑައިރެކްޓްކުރާ ގޮތަށް އެމެޒޯން އެމްޖީއެމް އިން ވަނީ އިއުލާންކޮށްފައެވެ. މި ރޯލު ލިބުމަކީ ބޮޑު ޝަރަފެއް ކަމަށް ޕެޓިންސަން ބުނެފައިވާއިރު، މިއީ ޑެނިއަލް ކްރެއިގަށް ފަހު މި މަޝްހޫރު ޖާސޫސީ ރޯލުން ފެންނާނެ ހަތްވަނަ އެކްޓަރެވެ.

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

Newsletter

Get the latest news delivered straight to your inbox