ސްކްރީން ވަގުތު ގިނަވުމުން ކުދިންގެ ސިއްހަތަށް އެތައް ގެއްލުމެއް

Nov 3, 2025, 2:21 AM
ސްކްރީން ވަގުތު ގިނަވުމުން ކުދިންގެ ސިއްހަތަށް އެތައް ގެއްލުމެއް

އިލެކްޓްރޯނިކް ސްކްރީންތަކަށް ކުދިންގެ ލޯ ހުއްޓާލައިގެން ގިނަ ވަގުތު ތިބުމަކީ އެކުދިންނަށް ނަފްސާނީ އަދި ސިއްހީ އެތައް މައްސަލައެއް ކުރިމަތިވާ ކަމެކެވެ. ޑެންމާކްގެ ސައެންސްވެރިން ދާދި ފަހުން ކުރި ދިރާސާއަކުން އެނގުނު ގޮތުގައި ކުޑަކުދިންނާއި ޒުވާން ފުރާގެ ކުދިން، އިސްކިރީންގައި ހޭދަކުރާ ވަގުތު އިތުރުވި ވަރަކަށް، ހިތުގެ މައްސަލަތަކާއި މެޓަބޮލިކް ނިޒާމަށް (ކާނާ ހަކަތައަށް ބަދަލުކޮށްދޭ ނިޒާމު) ބަލިތައް ޖެހުމުގެ ފުރުސަތު ބޮޑުވެއެވެ.

ތަޖުރިބާކާރުން ބުނާ ގޮތުގައި، ސްކްރީންގައި ގިނަ ވަގުތު ހޭދަކުރުމުން ކުރިމަތިވާ ސިއްހީ މައްސަލަތައް އެންމެ ފަސޭހައިން ހައްލުކުރެވޭނެ ގޮތަކީ، ރޭގަނޑު އަވަހަށް ނިދާފައި އަވަހަށް ހޭލުމުގެ އާދަ ހަރުލެއްވުމާއި، ދުވާލުގެ ވަގުތުތައް، ހަމަހަމަ ގޮތެއްގައި އެކި ކަންކަމަށް ބަހައިލުމެވެ.

މީގެ މާނައަކީ ދުވާލުގެ ވަގުތުގައި ކުރަން ހުންނަ ކަންތައް – ކިޔެވުމާއި ކުޅިވަރު ކުޅުމާއި ޓީވީ ބެލުމާއި އަރާމު ކުރުން ފަދަ – ދުވާލުގެ އެކި ވަގުތުތަކަށް ބަހާލައި، ކޮންމެ ކަމަކަށް ވެސް އެކަށީގެންވާ ވަރަށް ވަގުތު ދިނުމެވެ. އެއް ކަމެއްގެ ތެރޭގައި މާ ގިނަ ވަގުތު ހޭދަކުރުމުން ފޫހިވާއިރު، ސްކްރީންގައި ގިނަ ވަގުތު ހޭދަކުރުމުން ފޫހި ނުވިޔަސް، ސިއްހީ ފޫހިކަމެއް ހަށިގަނޑަށް ވެރިވެއެވެ.

Advertisement

ގިނަ ވަގުތު ޓީވީ ބެލުމާއި ސްމާޓް ފޯން ފަދަ އިލެކްޓްރޯނިކް އާލާތްތަކުން ގޭމް ކުޅުމުގައި ގިނަ ވަގުތު ހޭދަކުރުމުން، އެ ކުދިންގެ ހިތުގެ ދުޅަހެޔޮކަމަށާއި، ކާނާ ހަކަތައަށް ބަދަލުކޮށްދޭ ނިޒާމުގެ ދުޅަހެޔޮކަމަށް ނުރަނގަޅު އަސަރުތަކެއް ކުރަން ފަށައެވެ. އޭގެ ތެރޭގައި ލޭގެ ޕްރެޝަރު މައްޗަށް ދިޔުމާއި، ލޭގައި ކޮލެސްޓެރޯލް އެކުލެވޭ ނިސްބަތް މަތިވުމާއި، އިންސުލީންގެ މަސައްކަތަށް ހުރަސްއެޅުން ފަދަ ކަންތައް ހިމެނެއެވެ.

ހާހަކަށް ވުރެ ގިނަ މީހުން ބައިވެރިކޮށްގެން ޑެންމާކްގެ ސައެންސްވެރިން ކުރި ދިރާސާއަކުން އެނގުނު ގޮތުގައި، އިސްކިރީން ވަގުތު ގިނަ ކުދިންގެ ތެރެއިން ވެސް، ހިތުގެ މައްސަލަތަކާއި މެޓަބޮލިކް ނިޒާމުގެ މައްސަލަތައް އެންމެ ގިނައީ، ރޭގަނޑު މަދުން ނިދާ ޒުވާނުންގެ މެދުގައެވެ. އެހެންކަމުން، ޒުވާނުންނާއި ކުޑަކުދިންނަށް ކުރިމަތިވާ މިފަދަ މައްސަލަތައް ހައްލުކުރަން ބޭނުން ނަމަ، އެ ކުދިންގެ ސްކްރީން ވަގުތު މަދުކުރުމަކީ ކޮންމެހެން ކުރަންވެއްޖެ ކަމެއް ކަމަށް ދިރާސާ ޓީމުން ބުނެއެވެ.

ޖާނަލް އޮފް އެމެރިކަން ހާޓް އެސޭސިއޭޝަންގައި ޝާއިއުކޮށްފައިވާ ރިޕޯޓެއްގައި ބުނެފައިވާ ގޮތުން، ހިތުގެ މައްސަލަތަކާއި މެޓަބޮލިކް ބަލިތައް ކުރިމަތިވާ ޒުވާނުންގެ އުމުރު ދަނީ އަހަރުން އަހަރަށް ދަށްވަމުންނެވެ. މިހާރު ވަރަށް ހަގު ކުދިންގެ ކިބައިން ވެސް މިފަދަ މައްސަލަތައް ފާހަގަކުރެވެއެވެ.

އެ ދިރާސާގައި ބުނެފައިވާ ގޮތުން، އެމެރިކާގެ ޒުވާނުންގެ ތެރެއިން ދެ އަހަރާއި ނުވަ އަހަރާ ދެމެދުގެ ކުދިންނާއި ޒުވާނުންގެ ތެރެއިން، ހިތާއި މެޓަބޮލިކް ނިޒާމުގެ ދުޅަހެޔޮކަން، ރަނގަޅު މިންގަނޑުގައި ހުރީ އެންމެ 29 ޕަސެންޓް ކުދިންނާއި ޒުވާނުންގެއެވެ. މިއީ 2013 އާއި 2018 އާ ދެމެދު އެއްކުރި މައުލޫމާތުގެ ހޯދުންތަކެވެ.

ޑެންމާކްގެ ސައެންސްވެރިން ހަދާފައިވާ ތަފާތު ދެ ދިރާސާއަކުން ކަށަވަރުވި ގޮތުގައި، ކުޑަކުދިންނާއި ޒުވާނުން މުނިފޫހިވިލުވާ ވަސީލަތެއްގެ ގޮތުގައި، ގިނަ ވަގުތު އިލެކްޓްރޯނިކް ސްކްރީން ބޭނުންކުރުމުން، މުނިފޫހިފިލުމުގެ ވަސީލަތްތަކުން ލިބެންޖެހޭ ނަފްސާނީ ދުޅަހެޔޮކަމެއް ނުލިބެއެވެ. އޭގެ ބަދަލުގައި ނަފްސާނީ ގޮތުން ވެސް އެކުދިންނަށް ކުރިމަތިވަނީ އިތުރު ނުރައްކާތަކެވެ. އޭގެ އިތުރުން، ފުރާނައަށް ގެއްލުންވާ ފަދަ ސިއްހީ މައްސަލަތައް ކުރިމަތިވުމުގެ ފުރުސަތު ވެސް ކުޑައެއް ނޫނެވެ.

މި ދިރާސާގައި ބުނެފައިވާ ގޮތުގައި މަދު ވަގުތުކޮޅަކަށް ސްކްރީން ބޭނުންކުރުމުން، ހަށިގަނޑަށް ލިބޭ ސިއްހީ ގެއްލުންތައް ފާހަގަކުރެވެނީ ވަރަށް ކުޑަކޮށެވެ. އެހެންކަމުން، ސްކްރީން ދޮށުގައި ހޭދަކުރާ ވަގުތު އިތުރުވާ ވަރަކަށް، ސިއްހީ ގޮތުން ލިބޭ ގެއްލުންތައް އިތުރުވާނެއެވެ.

ހިތުގެ މައްސަލަތައް ޖެހުމާއި މެޓަބޮލިކް ނިޒާމަށް ބުރޫ އެރުން އެންމެ ބޮޑަށް ގުޅިފައިވަނީ، ރޭގަނޑު އެކަށީގެންވާ މިންވަރަށް ނުނިދުމާއެވެ. އޭގެ އިތުރުން، ނިދަން އޮށޯންނަ ވަގުތު ފަސްވާ ވަރަކަށް، މި ނުރައްކާތަކުގެ ފުރުސަތު ބޮޑުވެއެވެ. އެހެންކަމުން، އެންމެ ބުއްދިވެރި ގޮތަކީ ރޭގަނޑު އަވަހަށް ނިދާފައި، އެކަށީގެންވާ މިންވަރަކަށް ނިދުމަށް ފަހު، އަވަހަށް ހޭލުމެވެ.

ކޮމެންޓް

ފަހުގެ ޚަބަރު

އުމުރުން 70 އަށް ދުޅަހެޔޮކޮށް ދިއުމަށް ސައިންސްވެރިން އިރުޝާދު

އުމުރުން 30 ގެ އަހަރުތަކަކީ ހަށިގަނޑަށް ބަދަލުތައް އަންނަ ދުވަސްވަރަކަށް ވުމުން، މި އުމުރުގައި ކަސްރަތުކުރުމާއި ނިދުމުގެ އާދަތައް ރަނގަޅުކުރުމަކީ އުމުރުން ދުވަސްވާއިރު ދުޅަހެޔޮކަންމަތީ ހުރުމަށް އެޅޭ މުހިންމު ފިޔަވަޅެކެވެ. މީގެ އިތުރުން، އަނގަޔާއި ދަތްތަކުގެ ސިއްހަތަށް ސަމާލުކަން ދިނުމާއި ނުރަނގަޅު އާދަތަކާ ދުރުހެލިވުމަކީ މުސްކުޅިވުމުން ކުރިމަތިވާ ބަލިތަކުން ރައްކާތެރިކޮށްދީ އުމުރު ދިގުކޮށްދޭނެ ކަންކަމެވެ.

ޖީޓީއޭ 6 ރެކޯޑް މާކްސްއަކާއެކު ނެރެފި

ތޭރަ އަހަރުގެ ދިގު އިންތިޒާރަކަށްފަހު ނެރުނު ޖީޓީއޭ 6 އަށް ރެކޯޑް މާކްސްއެއް ލިބި، ގޭމިން ދާއިރާއަށް އިންގިލާބީ ބަދަލެއް ގެނުވައިފިއެވެ. މި ގޭމުގެ ގްރެފިކްސް އާއި ވާހަކަ ކިޔައިދޭ ގޮތް ފުރިހަމަވުމުގެ އިތުރުން، މިއީ މި ސިލްސިލާގައި އަންހެން ކެރެކްޓަރަކަށް މައިގަނޑު ދައުރެއް ދިން ފުރަތަމަ ފަހަރެވެ.

މަސް ނުކައިވެސް ހަށިގަނޑަށް ބޭނުންވާ ދަގަނޑު ހޯދިދާނެ!

މަހުގެ ބާވަތްތަކުގެ އިތުރުން ފަތްޕިލާވެއްޔާއި ގޮވާމުގެ ބާވަތްތަކުން ވެސް ހަށިގަނޑަށް ބޭނުންވާ ދަގަނޑުގެ މާއްދާ ހޯދިދާނެކަން ސިއްހީ މާހިރުން ފާހަގަކުރެއެވެ. މިގޮތުން ކާނާ ތައްޔާރުކުރާ ގޮތަށް ބަދަލު ގެނައުމާއި، ވިޓަމިން ސީ އެކުލެވޭ ތަކެއްޗާއެކު ކެއުމަކީ ގަސްގަހާގެހިން ލިބޭ ދަގަނޑު ހަށިގަނޑަށް ދަމައިގަންނަ މިންވަރު އިތުރުކޮށްދޭނެ ކަންކަމެވެ.

އާ ޖޭމްސް ބޮންޑަކަށް ރޮބަޓް ޕެޓިންސަން

ޖޭމްސް ބޮންޑުގެ ރޯލު ކުޅޭނެ އާ އެކްޓަރަކަށް އިނގިރޭސި އެކްޓަރު ރޮބަޓް ޕެޓިންސަން ހަމަޖައްސައި، 2028 ވަނަ އަހަރު ރިލީޒްކުރާ ބޮންޑު ސިލްސިލާގެ 26 ވަނަ ފިލްމު ޑެނިސް ވިލެނޫވް ޑައިރެކްޓްކުރާ ގޮތަށް އެމެޒޯން އެމްޖީއެމް އިން ވަނީ އިއުލާންކޮށްފައެވެ. މި ރޯލު ލިބުމަކީ ބޮޑު ޝަރަފެއް ކަމަށް ޕެޓިންސަން ބުނެފައިވާއިރު، މިއީ ޑެނިއަލް ކްރެއިގަށް ފަހު މި މަޝްހޫރު ޖާސޫސީ ރޯލުން ފެންނާނެ ހަތްވަނަ އެކްޓަރެވެ.

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

Newsletter

Get the latest news delivered straight to your inbox