ވައި ނުސާފު ސަރަހައްދުތަކުގައި އުރަމަތީ ކެންސަރު ގިނަ

Oct 29, 2025, 6:59 AM
ވައި ނުސާފު ސަރަހައްދުތަކުގައި އުރަމަތީ ކެންސަރު ގިނަ

ވައި ނުސާފުވުމާއި އުރަމަތީ ކެންސަރާ ގުޅުމެއް އޮތް ކަމަށް މީގެ ކުރިއަކުން ނުބުނެއެވެ. އަދިވެސް އެކަން މުޅިން ކަށަވަރެއް ނުވެއެވެ. ނަމަވެސް، އެމެރިކާގައި ދާދި ފަހުން ޝާއިއުކުރި ދިރާސާ ރިޕޯޓެއްގައި ބުނެފައިވާ ގޮތުން ވައި ނުސާފު ސަރަހައްދުތަކުގައި އުޅޭ މީހުންގެ ހަށިގަނޑުގައި އުރަމަތީ ކެންސަރު އުފެދުމުގެ ނުރައްކާ، އެހެން ސަރަހައްދުތަކާ އަޅައި ބަލާއިރު ބޮޑެވެ.

އެމެރިކާގެ އޮރިގަން ސްޓޭޓް ޔުނިވަސިޓީގެ ކޮލެޖް އޮފް ހެލްތުގެ ފަރާތުން ކުރި ދިރާސާއެއް، އެމެރިކަން ޖާނަލް އޮފް ޕަބްލިކް ހެލްތުގައި މިހާރު ވަނީ ޝާއިއުކޮށްފައެވެ. އެ ދިރާސާގައި ބުނެފައިވާ ގޮތުން، އެއްގަމު އުޅަނދުތައް ގިނައިން ދުއްވާ ސަރަހައްދުތަކުގަޔާއި އެހެން ސަބަބުތަކާ ހުރެ ވައި ނުސާފުވެފައިވާ ސަރަހައްދުތަކުގައި ދިރިއުޅޭ އަންހެނުންނަށް އުރަމަތީ ކެންސަރު ޖެހުމުގެ ނުރައްކާ ވަރަށް ބޮޑެވެ.

އަހަރުތަކެއް ވަންދެން ކުރި މި ދިރާސާގައި ހަތަރު ލައްކަ އަންހެނުން ބައިވެރިކުރި އިރު، އޭގެ ތެރޭގައި އުރަމަތީ ކެންސަރު ޖެހިފައިވާ 28000 އަންހެނުން ވެސް ހިމެނެއެވެ. މިއެންމެން ބައިވެރިކޮށްގެން ކުރި މި ދިރާސާގައި އެމީހުންގެ ސިއްހަތަށް އައި ބަދަލުތައް އެތައް އަހަރެއް (40-50 އަހަރު) ވަންދެން ދިރާސާކޮށް ބެލިއެވެ. އޭގެ ތެރެއިން ބައެއް އަންހެނުން އެކި އަހަރުތަކުގައި ތަފާތު ސަރަހައްދުތަކަށް ދިރިއުޅުން ބަދަލުކޮށްފައިވާ އިރު، އެކަމުގެ ސަބަބުން އެމީހުންގެ ހާލަތަށް އައި ބަދަލުތައް ވެސް ދެނެގަނެފައިވެއެވެ.

Advertisement

މި ދިރާސާގައި އިސްވެ އުޅުނު ސައެންސްވެރިން ބުނާ ގޮތުގައި ވައިގެ ތެރޭގައި ނައިޓްރޮޖަން ޑައިއޮކްސައިޑް އެކުލެވޭ މިންވަރު 10 "ޕާޓްސް-ޕާ-ބިލިއަން" ގައި ހުންނަ ސަރަހައްދުތަކުގައި ދިރިއުޅޭ އަންހެނުންނަށް، އުރަމަތީ ކެންސަރު ޖެހޭ މިންވަރު، އެހެން ސަރަހައްދުތަކާ އަޅައި ބަލާއިރު، ތިން ޕަސެންޓް އިތުރެވެ. ނައިޓްރޮޖަން ޑައިއޮކްސައިޑްއަކީ ކާރުތަކުން އެންމެ ގިނައިން ވައިގެ ތެރެއަށް ބޭރުވާ ގެދަބުޅިއެވެ.

"ވައި ނުސާފު ސަރަހައްދުތަކުގައި ދިރިއުޅޭ މީހުން، ނުރައްކާތެރިކަން އެއަށް ވުރެ ކުޑަ މާހައުލެއްގައި ދިރިއުޅޭށޭ ކިޔާފައި، މިހާރު އުޅޭ ގެއިން ނުކުމެގެން ގޮސް އެހެން ގެއެއް ހޯދުމަކީ، ހަގީގަތުގައި ކުރެވޭ ވަރުގެ ކަމެއް ނޫން. އެހެންވީމާ، އަހަރެމެން ކުރަންޖެހިފައިވާ ކަމަކީ، މީހުން ދިރިއުޅޭ ސަރަހައްދުތަކުގެ ވައި މިހާރަށް ވުރެ ސާފުކުރެވޭނެ ފަދަ ގޮތަކަށް، ގާނޫނުތައް އިސްލާހުކުރުން،" މި ދިރާސާގައި ބައިވެރިވި އޮރިގަން ސްޓޭޓް ޔުނިވަސިޓީގެ ތަޖުރިބާކާރު ސައެންސްވެރިޔާ ވެރޮނިކާ އިރްވީން ވިދާޅުވިއެވެ.

"އެހެންވީމާ، އެއްގަމު ދަތުރުފަތުރުގައި ކާރުތައް ބޭނުންކުރާ މިންވަރު މަދުކޮށް، ދަތުރުފަތުރުގެ އެހެން ވަސީލަތްތައް ތައާރަފްކޮށް ގިނަ މީހުންގެ މަގުބޫލުކަން އެފަދަ ވަސީލަތްތަކަށް ހޯދަން އެބަޖެހޭ."

މި ދިރާސާގައި ފާހަގަކޮށްފައިވާ ގޮތުގައި ވައި ނުސާފު ސަރަހައްދުތަކުގައި ދިރިއުޅޭ އަންހެނުންނަށް އުރަމަތީ ކެންސަރު ޖެހޭ މިންވަރު އިތުރުވާން ފަށާފައިވަނީ މީގެ ސާޅީހަކަށް އަހަރު ކުރިން ފެށިގެންނެވެ. ފުއްޕާމޭގެ ކެންސަރަށް ފަހުގައި، އެންމެ ގިނަ އަދަދަކަށް އަންހެނުން މަރުވާ ކެންސަރުގެ ބާވަތަކީ އުރަމަތީ ކެންސަރެވެ. މިކަމާ ބެހޭ ގޮތުން ހޯދިފައިވާ މައުލޫމާތަށް ބަލާއިރު، އެމެރިކާގެ ކޮންމެ އަށް އަންހެނެއްގެ ތެރެއިން އެކަކަށް، އޭނާގެ އުމުރުގެ ކޮންމެވެސް ހިސާބެއްގައި އުރަމަތީ ކެންސަރާ ކުރިމަތިލާން ޖެހެއެވެ.

ކޮމެންޓް

ފަހުގެ ޚަބަރު

އުމުރުން 70 އަށް ދުޅަހެޔޮކޮށް ދިއުމަށް ސައިންސްވެރިން އިރުޝާދު

އުމުރުން 30 ގެ އަހަރުތަކަކީ ހަށިގަނޑަށް ބަދަލުތައް އަންނަ ދުވަސްވަރަކަށް ވުމުން، މި އުމުރުގައި ކަސްރަތުކުރުމާއި ނިދުމުގެ އާދަތައް ރަނގަޅުކުރުމަކީ އުމުރުން ދުވަސްވާއިރު ދުޅަހެޔޮކަންމަތީ ހުރުމަށް އެޅޭ މުހިންމު ފިޔަވަޅެކެވެ. މީގެ އިތުރުން، އަނގަޔާއި ދަތްތަކުގެ ސިއްހަތަށް ސަމާލުކަން ދިނުމާއި ނުރަނގަޅު އާދަތަކާ ދުރުހެލިވުމަކީ މުސްކުޅިވުމުން ކުރިމަތިވާ ބަލިތަކުން ރައްކާތެރިކޮށްދީ އުމުރު ދިގުކޮށްދޭނެ ކަންކަމެވެ.

ޖީޓީއޭ 6 ރެކޯޑް މާކްސްއަކާއެކު ނެރެފި

ތޭރަ އަހަރުގެ ދިގު އިންތިޒާރަކަށްފަހު ނެރުނު ޖީޓީއޭ 6 އަށް ރެކޯޑް މާކްސްއެއް ލިބި، ގޭމިން ދާއިރާއަށް އިންގިލާބީ ބަދަލެއް ގެނުވައިފިއެވެ. މި ގޭމުގެ ގްރެފިކްސް އާއި ވާހަކަ ކިޔައިދޭ ގޮތް ފުރިހަމަވުމުގެ އިތުރުން، މިއީ މި ސިލްސިލާގައި އަންހެން ކެރެކްޓަރަކަށް މައިގަނޑު ދައުރެއް ދިން ފުރަތަމަ ފަހަރެވެ.

މަސް ނުކައިވެސް ހަށިގަނޑަށް ބޭނުންވާ ދަގަނޑު ހޯދިދާނެ!

މަހުގެ ބާވަތްތަކުގެ އިތުރުން ފަތްޕިލާވެއްޔާއި ގޮވާމުގެ ބާވަތްތަކުން ވެސް ހަށިގަނޑަށް ބޭނުންވާ ދަގަނޑުގެ މާއްދާ ހޯދިދާނެކަން ސިއްހީ މާހިރުން ފާހަގަކުރެއެވެ. މިގޮތުން ކާނާ ތައްޔާރުކުރާ ގޮތަށް ބަދަލު ގެނައުމާއި، ވިޓަމިން ސީ އެކުލެވޭ ތަކެއްޗާއެކު ކެއުމަކީ ގަސްގަހާގެހިން ލިބޭ ދަގަނޑު ހަށިގަނޑަށް ދަމައިގަންނަ މިންވަރު އިތުރުކޮށްދޭނެ ކަންކަމެވެ.

އާ ޖޭމްސް ބޮންޑަކަށް ރޮބަޓް ޕެޓިންސަން

ޖޭމްސް ބޮންޑުގެ ރޯލު ކުޅޭނެ އާ އެކްޓަރަކަށް އިނގިރޭސި އެކްޓަރު ރޮބަޓް ޕެޓިންސަން ހަމަޖައްސައި، 2028 ވަނަ އަހަރު ރިލީޒްކުރާ ބޮންޑު ސިލްސިލާގެ 26 ވަނަ ފިލްމު ޑެނިސް ވިލެނޫވް ޑައިރެކްޓްކުރާ ގޮތަށް އެމެޒޯން އެމްޖީއެމް އިން ވަނީ އިއުލާންކޮށްފައެވެ. މި ރޯލު ލިބުމަކީ ބޮޑު ޝަރަފެއް ކަމަށް ޕެޓިންސަން ބުނެފައިވާއިރު، މިއީ ޑެނިއަލް ކްރެއިގަށް ފަހު މި މަޝްހޫރު ޖާސޫސީ ރޯލުން ފެންނާނެ ހަތްވަނަ އެކްޓަރެވެ.

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

Newsletter

Get the latest news delivered straight to your inbox