ޕްރޮސެސްކުރި އެއްގަމު މަހުން އުރަމަތީ ކެންސަރުގެ ނުރައްކާ ބޮޑު

Oct 21, 2025, 7:11 AM
ޕްރޮސެސްކުރި އެއްގަމު މަހުން އުރަމަތީ ކެންސަރުގެ ނުރައްކާ ބޮޑު

ލަންޗަން މީޓްގެ ދެތިން ފޮތި ނުވަތަ ދަޅުގައި ބަންދުކޮށްފައި ހުންނަ އެއްގަމު މަސްކޮޅެއް ލައިގެން ސޭންޑްވިޗެއް ހަދާލައި، އެއަށް އިތުރު ސޯސްތަކާއި ތަރުކާރީ އަޅާލައިގެން، ހެނދުނުގެ ކޮފީ ޖޯޑާ އެކުގައި ނާސްތާކޮށްލާއިރު އަނގަޔަށް ވަރަށް މީރެވެ. އިސާހިތަކު ބަނޑު ފުރި ދުވަހުގެ މަސައްކަތަށް މީހާގެ ވިސްނުން ސީދާވެއެވެ.

އެހެން ނަމަވެސް، ސައެންސްވެރިން މި ދައްކާ ވާހަކައަކުން އަދި އިތުރަށް ވިސްނާލަން އެބަޖެހެއެވެ. ދިރާސާއިން ދައްކާ ގޮތުގައި ޕްރޮސެސްކުރި އެއްގަމު މަސް، ނުވަތަ ގިނަ ދުވަހަށް ރައްކާކޮށްފައި ބެހެއްޓޭ ގޮތަށް އުފައްދާފައި ހުންނަ އެއްގަމު މަސް، އާންމު ގޮތެއްގައި ކާ ނަމަ، އަންހެނުންނަށް އުރަމަތީ ކެންސަރު ޖެހުމުގެ ފުރުސަތު ވަރަށް ބޮޑެވެ.

ކްލިނިކަލް ނިއުޓްރިޝަން ކިޔާ ޖާނަލްގައި ޝާއިއުކޮށްފައިވާ ދިރާސާ ރިޕޯޓްގައި ބުނެފައިވާ ގޮތުން، އެ ބާވަތުގެ މަސް ބޭނުން ނުކުރާ އަންހެނުންނާ އަޅައި ބަލާއިރު، ޕްރޮސެސްކުރި އެއްގަމު މަސް، އާންމު ގޮތެއްގައި ބޭނުންކުރާ މީހުންނަށް އުރަމަތީ ކެންސަރު ޖެހުމުގެ ފުރުސަތު 57 ޕަސެންޓް އިތުރެވެ. ހަފުތާއަކު އެއްފަހަރު ނަމަވެސް، މި ބާވަތުގެ އެއްގަމު މަސް ކެއުމުން، ކެންސަރުގެ ފުރުސަތު ބޮޑުވެއެވެ.

Advertisement

މިއީ އިނގިރޭސި ވިލާތުގައި ކުރި ދިރާސާއެކެވެ. އެހެންކަމުން މި ދިރާސާގައި ތަހުލީލުކޮށްފައިވަނީ، އިނގިރޭސީން އާންމުކޮށް ހެނދުނުގެ ނާސްތާގައި ބޭނުންކުރާ އެއްގަމު މަހުގެ ބާވަތެއް ކަމަށްވާ އޫރުމަހުގެ އުފެއްދުންތަކެވެ. މި ދިރާސާގައި ބުނެފައިވާ ގޮތުގައި މިއީ މަހުގެ ބާވަތާ ގުޅިފައިވާ މައްސަލައެއް ނޫނެވެ. ހަގީގީ މައްސަލަ ގުޅިފައިވަނީ މިބާވަތުގެ މަހުގެ އުފެއްދުންތައް ގިނަ ދުވަހަށް ރައްކާކޮށްފައި ބެހެއްޓުމަށް ބޭނުންކޮށްފައި ހުންނަ ވަކި މާއްދާތަކަކާއެވެ.

މި ދިރާސާގައި ބުނެފައިވާ ގޮތުގައި ދަޅުގައި ބަންދުކުރި އެއްގަމު މަހުން އުރަމަތީ ކެންސަރު ޖެހުމުގެ ނުރައްކާ އެންމެ ބޮޑީ އުމުރުން 50 އަހަރުން މަތީގެ އަންހެނުންނަށެވެ. މި މައްސަލައިގެ ހަގީގީ ސަބަބަކީ ސޯޑިއަމް ނައިޓްރޭޓް ކިޔާ މާއްދާއެކެވެ. މިއީ، ދަޅުގައި ބަންދުކުރި އެއްގަމު މަސް ގިނަ ދުވަހަށް ރައްކާކޮށްފައި ބެހެއްޓުމަށް، އާންމު ގޮތެއްގައި ބޭނުންކުރާ ކެމިކަލް މާއްދާއެކެވެ. ލޭގެ ތެރެއަށް ސޯޑިއަމް ނައިޓްރޭޓް ދިޔުމުން، ކެންސަރު ޖައްސާ މާއްދާތައް ހަށިގަނޑުގައި އުފެދެން ފަށައެވެ.

ދިރާސާކުރާ މީހުން ބުނާ ގޮތުގައި އެއްގަމު މަހަކީ އޭގެ ޒާތުގައި ކެންސަރަށް މަގު ފަހިކުރާ އެއްޗެއް ނޫންކަން ވެސް ދިރާސާއިން ފާހަގަވިއެވެ. އެކަން އެނގެނީ، ސޯޑިއަމް ނައިޓްރޭޓް ބޭނުންނުކޮށް ދަޅުގައި ބަންދުކޮށްފައި ހުންނަ އެއްގަމު މަސް ކާ މީހުންގެ ހަށިގަނޑުން އުރަމަތީ ކެންސަރުގެ އަސަރު ނުފެންނާތީއެވެ. އެހެންކަމުން، މިއީ ސޯޑިއަމް ނައިޓްރޭޓްއާ ގުޅިފައިވާ މައްސަލައެއް ކަމަށް ސައެންސްވެރިން ދެކެއެވެ.

މި ބާވަތުގެ ވިހަ މާއްދާތަކާ މެދު ހޭލުންތެރިކުރުމަށް މަސައްކަތް ކުރާ ކޯލިޝަން އެގޭންސްޓް ނައިޓްރޭޓްގެ ތަރުޖަމާނު ވިދާޅުވާ ގޮތުގައި، މިފަހަރު ކުރި ދިރާސާގެ ނަތީޖާއިން ވެސް، ސޯޑިއަމް ނައިޓްރޭޓް ބޭނުންކޮށްގެން ޕްރޮސެސްކޮށްފައި ހުންނަ އެއްގަމު މަހާއި އުރަމަތީ ކެންސަރާ ދެމެދު ގުޅުމެއް ވާ ކަމަށް ކުރިން ކުރެވުނު ތުހުމަތަށް ބާރު ލިބެއެވެ.

މި ދިރާސާ ހަދާފައިވަނީ ދެކުނު ކޮރެއާގެ ސޯލް ޔުނިވަސިޓީގެ ފަރާތުންނެވެ. މި ދިރާސާގައި އުމުރުން 40-69 އަހަރުގެ 71000 އަންހެނުން ބައިވެރިކޮށް މައުލޫމާތު އެއްކުރިއެވެ. ދުނިޔޭގެ ސިއްހަތު ޖަމިއްޔާގެ ބެލުމުގެ ދަށުން ހަރަކާތްތެރިވާ އިންޓަނޭޝަނަލް އޭޖެންސީ ފޯ ރިސާޗް އޮން ކެންސާ އިން ކަނޑައަޅާފައި އޮންނަ ގޮތުގައި، ކާސިނަޖެން ގުރޫޕް އެކެއްގައި ހިމެނެނީ ދަޅުގައި ބަންދުކުރި އެއްގަމު މަހުގެ ބާވަތްތަކެވެ. ކާސިނަޖެންއަކީ އިންސާނާގެ ހަށިގަނޑުގެ ދިރޭ ޓީޝޫތަކަށް ކެންސަރު ޖެއްސުމުގެ ގާބިލުކަން ލިބިފައިވާ މާއްދާއެކެވެ.

އިނގިރޭސި ވިލާތުގެ ބަޔޯބޭންކުން 2018 ވަނަ އަހަރު ކުރި ދިރާސާއެއް، ޔޫރަޕިއަން ޖާނަލް އޮފް ކެންސާގައި ޝާއިއުކޮށްފައިވެއެވެ. އެ ދިރާސާގައި ބުނެފައިވާ ގޮތުގައި ދަޅުގައި ބަންދުކުރި އެއްގަމު މަސް ކެއުމަކީ އުރަމަތީ ކެންސަރު ޖެހުމުގެ ނުރައްކާ ވަރަށް ބޮޑުވާ ކަމެކެވެ. ވަކިން ހާއްސަކޮށް އިއްދައިން ކެނޑިފައި ތިބޭ އަންހެނުންނަށް މިކަމުގެ ނުރައްކާ ބޮޑުކަމަށް ދިރާސާއިން ދައްކައެވެ.

އިނގިރޭސި ވިލާތުގައި އެކަނިވެސް، އަހަރަކު 55000 އަށް ވުރެ ގިނަ އަންހެނުންނަށް އުރަމަތީ ކެންސަރު ޖެހެއެވެ. އުރަމަތީ ކެންސަރު ޖެހުމުގައި ވިރާސީ އެތައް ސަބަބެއް ވެސް ހިމެނޭއިރު، ދިރިއުޅުމުގެ ވައްޓަފާޅި ހުންނަ ގޮތާއި ކައިބޮއިއުޅޭ ތަކެއްޗާއި ދުންފަތުގެ އިސްތިއުމާލު ކުރުމާއި ބަނގުރާ ބުއިމަކީ ވެސް އުރަމަތީ ކެންސަރު ޖެހުމަށް މެދުވެރިވާ ސަބަބުތަކެވެ.

ކޮމެންޓް

ފަހުގެ ޚަބަރު

އުމުރުން 70 އަށް ދުޅަހެޔޮކޮށް ދިއުމަށް ސައިންސްވެރިން އިރުޝާދު

އުމުރުން 30 ގެ އަހަރުތަކަކީ ހަށިގަނޑަށް ބަދަލުތައް އަންނަ ދުވަސްވަރަކަށް ވުމުން، މި އުމުރުގައި ކަސްރަތުކުރުމާއި ނިދުމުގެ އާދަތައް ރަނގަޅުކުރުމަކީ އުމުރުން ދުވަސްވާއިރު ދުޅަހެޔޮކަންމަތީ ހުރުމަށް އެޅޭ މުހިންމު ފިޔަވަޅެކެވެ. މީގެ އިތުރުން، އަނގަޔާއި ދަތްތަކުގެ ސިއްހަތަށް ސަމާލުކަން ދިނުމާއި ނުރަނގަޅު އާދަތަކާ ދުރުހެލިވުމަކީ މުސްކުޅިވުމުން ކުރިމަތިވާ ބަލިތަކުން ރައްކާތެރިކޮށްދީ އުމުރު ދިގުކޮށްދޭނެ ކަންކަމެވެ.

ޖީޓީއޭ 6 ރެކޯޑް މާކްސްއަކާއެކު ނެރެފި

ތޭރަ އަހަރުގެ ދިގު އިންތިޒާރަކަށްފަހު ނެރުނު ޖީޓީއޭ 6 އަށް ރެކޯޑް މާކްސްއެއް ލިބި، ގޭމިން ދާއިރާއަށް އިންގިލާބީ ބަދަލެއް ގެނުވައިފިއެވެ. މި ގޭމުގެ ގްރެފިކްސް އާއި ވާހަކަ ކިޔައިދޭ ގޮތް ފުރިހަމަވުމުގެ އިތުރުން، މިއީ މި ސިލްސިލާގައި އަންހެން ކެރެކްޓަރަކަށް މައިގަނޑު ދައުރެއް ދިން ފުރަތަމަ ފަހަރެވެ.

މަސް ނުކައިވެސް ހަށިގަނޑަށް ބޭނުންވާ ދަގަނޑު ހޯދިދާނެ!

މަހުގެ ބާވަތްތަކުގެ އިތުރުން ފަތްޕިލާވެއްޔާއި ގޮވާމުގެ ބާވަތްތަކުން ވެސް ހަށިގަނޑަށް ބޭނުންވާ ދަގަނޑުގެ މާއްދާ ހޯދިދާނެކަން ސިއްހީ މާހިރުން ފާހަގަކުރެއެވެ. މިގޮތުން ކާނާ ތައްޔާރުކުރާ ގޮތަށް ބަދަލު ގެނައުމާއި، ވިޓަމިން ސީ އެކުލެވޭ ތަކެއްޗާއެކު ކެއުމަކީ ގަސްގަހާގެހިން ލިބޭ ދަގަނޑު ހަށިގަނޑަށް ދަމައިގަންނަ މިންވަރު އިތުރުކޮށްދޭނެ ކަންކަމެވެ.

އާ ޖޭމްސް ބޮންޑަކަށް ރޮބަޓް ޕެޓިންސަން

ޖޭމްސް ބޮންޑުގެ ރޯލު ކުޅޭނެ އާ އެކްޓަރަކަށް އިނގިރޭސި އެކްޓަރު ރޮބަޓް ޕެޓިންސަން ހަމަޖައްސައި، 2028 ވަނަ އަހަރު ރިލީޒްކުރާ ބޮންޑު ސިލްސިލާގެ 26 ވަނަ ފިލްމު ޑެނިސް ވިލެނޫވް ޑައިރެކްޓްކުރާ ގޮތަށް އެމެޒޯން އެމްޖީއެމް އިން ވަނީ އިއުލާންކޮށްފައެވެ. މި ރޯލު ލިބުމަކީ ބޮޑު ޝަރަފެއް ކަމަށް ޕެޓިންސަން ބުނެފައިވާއިރު، މިއީ ޑެނިއަލް ކްރެއިގަށް ފަހު މި މަޝްހޫރު ޖާސޫސީ ރޯލުން ފެންނާނެ ހަތްވަނަ އެކްޓަރެވެ.

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

Newsletter

Get the latest news delivered straight to your inbox