ރަޝިއާގެ އެއާ ބޭސްތަކަކަށް ޔޫކްރެއިނުން ޑްރޯން ހަމަލާއެއް ދީފި

Jun 2, 2025, 1:03 PM
ޔޫކްރެއިނުން ބޮން އެޅުމުން ރަޝިއާގެ އެއާ ފޯސްގައި ބޭނުން ކުރާ ލޯންގް ރޭންޖު ބޮން އަޅާ އެއާކްރާފްޓެއް އަދަނީ: މި ހަަމަލާގައި ލިބުނު ގެއްލުމުގެ އަގު ހަތް ބިލިއަން ޑޮލަރަށް އަރާ ---

ޔޫކްރެއިނުން ބޮން އެޅުމުން ރަޝިއާގެ އެއާ ފޯސްގައި ބޭނުން ކުރާ ލޯންގް ރޭންޖު ބޮން އަޅާ އެއާކްރާފްޓެއް އަދަނީ: މި ހަަމަލާގައި ލިބުނު ގެއްލުމުގެ އަގު ހަތް ބިލިއަން ޑޮލަރަށް އަރާ ---

ކީވް، ޔޫކްރެއިން (ޖޫން 2) - ރަޝިއާގެ ސިޔާދަތީ ބާރު ހިނގާ ސަރަހައްދުގެ ތެރޭގައި އެ ގައުމުގެ އެއާފޯސްގެ ޖެޓުތައް އޮޕަރޭޓު ކުރާ އަސްކަރީ މަރުކަޒުތަކަކަށް ޔޫކްރެއިނުން ވަރުގަދަ ޑްރޯން ހަމަލާއެއް ދީފި އެވެ.

އެ ހަމަލާ ދިނުމަށް 117 ޑްރޯން ބޭނުންކުރި ކަމަށް ޔޫކްރެއިނުން ވަނީ ހާމަކޮށްފަ އެވެ. މި ހަމަލާ ދިނީ ރަޝިއާ ސަރަހައްދުގެ ތެރެއަށް ޑްރޯންތައް ވަގަށް ވެއްދުމަށް ފަހު އެވެ. އެސޯސިއޭޓެޑް ޕްރެސްއާ ވާހަކަ ދެއްކި ޔޫކްރެއިން އަސްކަރިއްޔާގެ އޮފިޝަލަކު ބުނި ގޮތުގައި މި ހަމަލާ ރޭވުމަށް ދޮޅު އަހަރު ހޭދަވި އެވެ. ހަމަލާ ސުޕަވައިޒް ކުރެއްވީ އެ ގައުމުގެ ރައީސް ޒިލެންސްކީ އެވެ.

ރިޕޯޓުތައް ބުނާ ގޮތުން އެ ހަމަލާގައި ރަޝިއާގެ 41 އަސްކަރީ މަތިންދާބޯޓު ވަނީ ބޭނުން ނުކުރެވޭ ވަރަށް ހަލާކުވެފަ އެވެ. އޭގެ ތެރޭގައި އޭ-50، ޓީޔޫ-95 އަދި ޓީޔޫ-22 މަރުކާގެ ބޯޓުތައް ހިމެނެ އެވެ. ވައިގެ މިސައިލް އުފުލާ ރަޝިއާގެ އަސްކަރިއްޔާގެ މަތިންދާބޯޓުގެ 34 ޕަސެންޓު ބޯޓުތައް ހަލާކުވެފައިވާ ކަމަށް ރިޕޯޓުތައް ބުނެ އެވެ.

Advertisement

ޔޫކްރެއިނުން ބުނާ ގޮތުގައި ރަޝިއާގެ އަސްކަރިއްޔާއަށް ލިބުނު ގެއްލުން ހަތް ބިލިއަން ޑޮލަރަށް ވުރެ ބޮޑުވާނެ އެވެ. މި މަތިންދާބޯޓުތައް ޕާކުކޮށްފައި ހުރީ ރަޝިއާގެ ބޭސްތައް ހުރީ ޔޫކްރެއިންގެ ސަރަހައްދަށް ވުރެ 4،000 ކިލޯމީޓަރު ދުރުގަ އެވެ.

މި ހަމަލާ ދީފައި މިވަނީ ޔޫކްރެއިނާއި ރަޝިއާ އާ ދެމެދު ސުލްހައިގެ މަޝްވަރާތައް ފެށުމަށް އިސްތަންބޫލުގައި މިއަދު ފަށަން ތައްޔާރުވެފައި ވަނިކޮށެވެ.

ކޮމެންޓް

ފަހުގެ ޚަބަރު

ސްޕޭސްއެކްސްއަށް ފަންޑިން ހުއްޓުވުމުގެ އިންޒާރު

ޔޫކްރެއިންގައި ބޭނުންކުރާ ސްޓާޝީލްޑްގެ ޚިދުމަތަށް ބަދަލުތަކެއް އައި މައްސަލައިގައި، ސްޕޭސްއެކްސްއަށް ދޭ ފަންޑިން ހުއްޓާލާނެ ކަމުގެ އިންޒާރު އެމެރިކާގެ ކޮންގްރެސް މެންބަރު ޖިމް ހައިމްސް ދެއްވައިފިއެވެ. އޭނާ އެދިވަޑައިގަންނަވަނީ މި ބަދަލުތަކަކީ ކުންފުނިން އަމިއްލައަށް ނިންމި ނިންމުމެއްތޯ ނުވަތަ ސަރުކާރުގެ އެންގުމަކަށް ކުރި ކަމެއްތޯ ސާފުކޮށްދިނުމަށެވެ. ސަރުކާރުގެ ފުރިހަމަ ކޮންޓްރޯލް ނެތް ނިޒާމުތަކަށް ފައިސާ ދޫނުކުރާނެ ކަމަށް ވިދާޅުވެ، މިކަމާ ގުޅޭގޮތުން އީލޮން މަސްކާ ބައްދަލުކުރުމަށްވެސް ހައިމްސް ވަނީ އެދިވަޑައިގެންފައެވެ.

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

Newsletter

Get the latest news delivered straight to your inbox