މެންބަރުން ވަކި ކުރުމުގެ ބާރު ރައްޔިތުންނަށް ދޭން ހުށަހެޅި އިސްލާހު ބޭރުކޮށްލީ ސަރުކާރުގެ މަގުސަދު ގެއްލޭތީ: އަބްދުއްރަހީމް

ރައީސް މުއިއްޒުއާއި މަޖިލީހުގެ ރައީސް އަބްދުއްރަހީމް : މެންބަރުން ވަކި ކުރުމުގެ ބާރު ރައްޔިތުންނަށް ދޭން ހުށަހެޅި އިސްލާހު ބޭރުކޮށްލީ ސަރުކާރުގެ މަގުސަދު ހާސިލް ނުވާތީ ކަމަށް އަބްދުއްރަހީމް ވަނީ ވިދާޅުވެފަ --- ފޮޓޯ: ރައީސް އޮފީސް

ރައީސް މުއިއްޒުއާއި މަޖިލީހުގެ ރައީސް އަބްދުއްރަހީމް : މެންބަރުން ވަކި ކުރުމުގެ ބާރު ރައްޔިތުންނަށް ދޭން ހުށަހެޅި އިސްލާހު ބޭރުކޮށްލީ ސަރުކާރުގެ މަގުސަދު ހާސިލް ނުވާތީ ކަމަށް އަބްދުއްރަހީމް ވަނީ ވިދާޅުވެފަ --- ފޮޓޯ: ރައީސް އޮފީސް

ސަރުކާރުން ގާނޫނުއަސާސީއަށް އިސްލާހު ގެންނަން މިއަދު ފާސްކުރި ބިލަށް އިދިކޮޅުން ހުށަހެޅި އިސްލާހު ބޭރުކޮށްލީ އޭގެ ސަބަބުން އެ ބިލުގެ މަގުސަދު ގެއްލޭތީ ކަމަށް ރައްޔިތުންގެ މަޖިލީހުގެ ރައީސް އަބްދުއްރަހީމް އަބްދުﷲ ވިދާޅުވެއްޖެ އެވެ.

ދައުލަތުގެ މީޑިއާ ޕީއެސްއެމްއަށް ރޭ ދެއްވި ހާއްސަ އިންޓަވިއުއެއްގައި އަބްދުއްރަހީމް ވިދާޅުވީ، ބިލުގެ ބަހުސާއި ކޮމިޓީ މަރުހަލާގައި ރަނގަޅު ހިޔާލުތަކަކާއި އިސްލާހުތަކެއް ހުށަހެޅި ނަމަ އެކަންކަމަށް މަޝްވަރާ ކުރެވުނީސް ކަމަށެވެ.

"އެބޭފުޅުން އިސްލާހު ހުށަހެޅުއްވި. އެ އިސްލާހުތަކަކީ އަޅުގަނޑުމެންގެ މި މެޖޯރިޓީ، އަޅުގަނޑުމެންގެ ބިލުގެ އަސްލު މަފްހޫމު ގެއްލޭ ކަހަލަ އިސްލާހުތަކެއް ވަންޏަކާ އެޔެއް އަޅުގަނޑުމެން ބަލައެއް ނުގަންނާނެ ނޫންތޯ،" އެމަނިކުފާނު ވިދާޅުވި އެވެ.

"އަޅުގަނޑުމެން މި ގެންނަން އުޅޭ ބަދަލު އޭގެ ސަބަބުން. އެ އިސްލާހުތަކަކާއެކު ފާސްކޮށްފިއްޔާ އަސްލު މަގުސަދު ހާސިލް ނުވާކަމުގައި ވަންޏާ ދެން ނެތްތާ އެ ބަލައިގަތުމުގެ ބޭނުމެއް. އަޅުގަނޑުމެން މި އަންނަނީ ވަކި މަގުސަދެއް ހާސިލްކުރަން،"

މިއަދު ހުށަހަޅާ ބަހުސްކޮށް ފާސްކުރި ބިލަށް އިދިކޮޅު އެމްޑީޕީން ހުށަހެޅީ އެންމެ އިސްލާހެކެވެ. އެއީ ރައްޔިތުންގެ މަޖިލީހުގެ މެންބަރުން މަގާމުން ވަކި ކުރުމުގެ ފުރިހަމަ ބާރު ސިޔާސީ ޕާޓީތަކަށް ދިނުމުގެ ބަދަލުގައި، އެ ބާރު ސީދާ މެންބަރުން ނިސްބަތްވާ ދާއިރާގެ ރައްޔިތުންނަށް ދޭން ޖެހޭ ގޮތަށް ބިލަށް އިސްލާހު ހުށަހެޅުއްވީ ގަލޮޅު ދެކުނު ދާއިރާގެ މެންބަރު މީކާއިލް ނަސީމް ހުށަހެޅުއްވި އިސްލާހެވެ.

މި އިސްލާހު ބަލައިގަތުމަށް ވޯޓު ދިނީ އެންމެ 13 މެންބަރުންނެވެ. އެއީ އެމްޑީޕީގެ 12 މެންބަރުންނާއި އައްޑޫ މީދޫ ދާއިރާ އަމިއްލަ މެންބަރެއްގެ ގޮތުގައި ތަމްސީލުކުރައްވާ އަބްދުއްރަހުމާނެވެ. އެ އިސްލާހު ބޭރުކޮށްލީ ޕީއެންސީގެ 77 މެންބަރުންގެ ވޯޓުންނެވެ.

ސިޔާސީ ޕާޓީގެ މެންބަރަކަމުން ވަކި ކުރެވުނު މެންބަރަކު، ރައްޔިތުންގެ މަޖިލީހުގެ މެންބަރުކަމުގައި ދެމި ހުރުމާމެދު އެ ދާއިރާގެ މެދުގައި ފެންނަ ނުފެންނަ ވޯޓެއް ނަގަންވާނެ ކަމަށް މީކާއިލް ހުށަހެޅި އިސްލާހުގައި ބުނެފައިވެ އެވެ. އަދި އެ މެންބަރަކު ވަކި ކުރުމަށް ނުފެންނަ ކަމަށް ދާއިރާގެ ވޯޓުދޭ މީހުންގެ އަގުލަބިއްޔަތު ލިބިއްޖެނަމަ، ހިނގަމުންދާ ދައުރުގެ ބާކީ އޮތް މުއްދަތުގައި އެ މެންބަރަކު ހުންނާނީ ވަކި ސިޔާސީ ޕާޓީއަކަށް ނިސްބަތް ނުވާ މެންބަރެއް ގޮތުގައި ކަމަށް ވެސް ބިލުގައި ފާހަގަކޮށްފައިވެ އެވެ.

އެ އިސްލާހުގައިވާ ގޮތުން އިޖުރާއަތު ހިންގަންވާނީ، ނިސްބަތްވާ އިންތިހާބީ ދާއިރާއަކީ މާލެ އާއި ސިޓީތައް ފިޔަވައި އެހެން އިންތިހާބީ ދާއިރާއެއްނަމަ، އެ ދާއިރާއަކަށް ވޯޓު ދިނުމުގެ ހައްގު ލިބިފައިވާ އާބާދީގެ 25 ޕަސަންޓު ރައްޔިތުން ސޮއިކޮށް ޕެޓިޝަނެއް ހުށަހަޅާފައިވާނެމަ އެވެ. އަދި މާލެ އާއި ސިޓީ ތަކުގައިވާނަމަ، އެ ދާއިރާއަކަށް ވޯޓު ދިނުމުގެ ހައްގު ލިބިފައިވާ އާބާދީގެ 15 ޕަސަންޓު ރައްޔިތުން ސޮއިކޮށް ޕެޓިޝަނެއް ހުށަހަޅާފައިވާނަމަ އެވެ.

ނަމަވެސް މި އިސްލާހު ބޭރުކޮށް، މިއަދު ފާސްކޮށް މިރޭ ރައީސް ޑރ. މުހައްމަދު މުއިއްޒު ތަސްދީގުކުރެއްވި އިސްލާހުގައިވާ ގޮތުން މަޖިލިސް މެންބަރުންގެ ގޮނޑި ގެއްލޭނެ ކަމަށް ހިމަނާފައިވަނީ އާ ދެ ހާލަތެކެވެ. އެއީ އިންތިހާބުވާ މެންބަރަކު މަޖިލީހުގެ އުމުރުގެ ތެރޭގައި އެހެން ސިޔާސީ ޕާޓީއަކަށް ބަދަލުވުން، ޕާޓީން ވަކިކުރުން ނުވަތަ އަމިއްލަ މެންބަރަކު ސިޔާސީ ޕާޓީއަކަށް ސޮއިކުރުުމެވެ.

ކޮމެންޓް

ފަހުގެ ޚަބަރު

ބޮޑެތި ހުރިހާ މަޝްރޫއެއް ވަނީ މަޑުޖެހިފައި: މުއިއްޒު

ދަރަނި ދެއްކުމަށާއި ޒަރޫރީ ޚިދުމަތްތަކަށް އިސްކަންދިނުމުގެ ސަބަބުން، އުމްރާނީ ތަރައްގީގެ ބޮޑެތި މަޝްރޫއުތައް މަޑުޖެހިފައިވާ ކަމަށް ރައީސް މުއިއްޒު އެއްބަސްވެވަޑައިގެންނެވި. މިކަން މިގޮތަށް ދިމާވީ ދުނިޔޭގެ ބާޒާރުގައި ތެލުގެ އަގު އުފުލުމާއި ފަތުރުވެރިން އަންނަ މިންވަރު މަދުވުމުން ފިސްކަލް މެނޭޖްމަންޓަށް ބަދަލު ގެނައުމުން ކަމަށް އެމަނިކުފާނު ވިދާޅުވި.

މިރޭގެ ޖަލްސާއަށް އެއްލައްކަ މެންބަރުން ހަމަނުކުރެވުނު

ޕީއެންސީގެ މެންބަރުންގެ އަދަދު އެއްލައްކައަށް އިތުރުކުރުމަށް ހިފި އަމާޒަށް މިރޭގެ ޖަލްސާއާ ހަމައަށް ވާސިލުނުވެވުމުން، އެ އަމާޒު ހާސިލުކުރުމުގެ ވަގުތު މިރޭ މެންދަމު 12 އާ ހަމައަށް ވަނީ އިތުރުކޮށްފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި އެ ޕާޓީއަށް އެއްލައްކަ ހަމަވާން އަދި 1,992 މެންބަރުން އިތުރަށް ބޭނުންވޭ.

ހުޅުމާލޭގައި އަޅާ ކޯޓު ކޮމްޕްލެކްސްގެ ބިންގާ އަޅައިފި

އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫއަކީ ޝަރުއީ ދާއިރާގެ ހިންގުން އެއް ފުރާޅެއްގެ ދަށަށް ގެނެސް، ކޯޓުތަކަށް ދިމާވެފައިވާ ޖާގައިގެ ދަތިކަން ހައްލުކުރުމަށް ފެށި 699.8 މިލިއަން ރުފިޔާގެ މަޝްރޫއެއް. މި އިމާރާތުގައި ހައިކޯޓާއި ސުޕީރިއާ ކޯޓުތަކުގެ އިތުރުން ޑީޖޭއޭގެ އޮފީސް ވެސް ހިންގުމަށް ވަނީ ހަމަޖެހިފަ.

ޕީއެންސީއަށް 100،000 މެންބަރުން މުވައްޒަފުންނަށް މަޖުބޫރުކުރަނީ

ޕީއެންސީގެ މެންބަރުންގެ އަދަދު އެއްލައްކައަށް ހަމަކުރުމަށްޓަކައި، ސަރުކާރު ކުންފުނިތަކުގެ މުވައްޒަފުންނަށް މަޖުބޫރުކޮށް ވަޒީފާގެ ބިރުދައްކަމުންދާކަމުގެ ޝަކުވާތައް ވަނީ ބޮޑުވެފައެވެ. މި އަމާޒަށް ވާސިލުވުމަށް އެހެން ޕާޓީތަކުގެ މެންބަރުން ޕީއެންސީއަށް ބަދަލުވުމަށް އަންގަމުންދާއިރު، މެންބަރުން އިތުރުކުރުމަށް ފައިސާ ބަހާކަމުގެ ތުހުމަތުތައްވެސް ވަނީ ފެންމަތިވެފައެވެ.

މުވައްޒަފުންނަށް ސިޔާސީ މަޖުބޫރުކުރުން ކުށަކަށް ހަދާ ބިލެއް

ސަރުކާރު ކުންފުނިތަކުގެ މުވައްޒަފުންނަށް ސިޔާސީ މަޖުބޫރުކުރުން ޖިނާއީ ކުށަކަށް ހަދަން ވަޒީފާއާބެހޭ ގާނޫނަށް އިސްލާހު ހުށަހަޅައިފި. މީކާއީލް ނަސީމް ހުށަހެޅުއްވި މި ބިލުގެ މަގްސަދަކީ މުވައްޒަފުންގެ ސިޔާސީ މިނިވަންކަން ހިމާޔަތްކޮށް، ވަކި ޕާޓީއަކަށް ވަނުމަށް ނުވަތަ ހަރަކާތްތަކުގައި ބައިވެރިވުމަށް ނުފޫޒު ފޯރުވުން ހުއްޓުވުން.

ސިޓިޒެންސް ޕޯޓަލް ދެވަނަ ފަހަރަށް އިފްތިތާހުކޮށްފި

ރައީސް މުއިއްޒަށް ރައްޔިތުންގެ ޝަކުވާތަކާއި ޚިޔާލުތައް ސީދާ ހުށަހެޅޭ ގޮތަށް "ސިޓިޒެންސް ވޮއިސް" ޕޯޓަލް ދެވަނަ ފަހަރަށް ވަނީ އިފްތިތާހުކޮށްފައި އީ-ފާސް މެދުވެރިކޮށް ވަދެވޭ މި ޕޯޓަލްގެ ހިދުމަތް މިވަގުތު ވެބްސައިޓުން ލިބުނު ނަމަވެސް، ކުރިއަށް އޮތްތަނުގައި މޯބައިލް އެޕްލިކޭޝަނެއް ތައާރަފުކުރުމަށް ވަނީ ނިންމާފައި.

"މިހާރު ފެށެން މި އުޅެނީ ރާއްޖޭގެ މިނިވަންކަން ނިމުމުގެ ފެށުން"

ރަސްމާލެ މަޝްރޫއުގެ ދަށުން ބޭރުގެ ފަރާތްތަކާއި ޒަޔަނިސްޓުން ރާއްޖޭގައި ވަޒަންވެރިކުރުވަން ފަށައިފިނަމަ، ގައުމުގެ މިނިވަންކަން ގެއްލިދާނެ ކަމަށާއި، މި މަޝްރޫއުގެ މާލީ ތަފްސީލުތައް ކަމާބެހޭ އިދާރާތަކަށް ނޭނގޭއިރު، މިއީ މަދު ބައެއްގެ މެދުގައި ސިއްރުވެފައިވާ ކަމެއްކަމަށް ގާނޫނީ ވަކީލު އަލީ ހުސައިން ވިދާޅުވެއްޖެ.

Newsletter

Get the latest news delivered straight to your inbox