އެޕަލްއިން އެންމެ ފަހުން ބާޒާރަށް ނެރުނު އައިފޯން 16 އަށް ޕްރީއޯޑާ ކުރަން އަންނަ ހުކުރުދުވަހު ހުޅުވާލާނެކަން އުރީދޫ މޯލްޑިވްސް އިން އިއުލާންކޮށްފި އެވެ.
އުރީދޫ އިން ބުނީ އައިފޯން 16 އަށް ޕްރީއޯޑާ ކުރަން ހުޅުވާލާނީ ހުކުރުދުވަހުގެ ރޭ 12:00 ޖަހާއިރު ކަމަށެވެ.
އައިފޯން 16 އަދި އައިފޯން 16 ޕްލަސް އަކީ މުޅިން އާ އޭ18 ޗިޕް ހިމަނައިގެން، ކެމެރާ ކޮންޓްރޯލް، އެޑްވާންސް ކެމެރާ ސިސްޓަމަށް އީޖާދީ އަޕްގްރޭޑް، އެކްޝަން ބަޓަން ބޭނުންކޮށްގެން ބޭނުންތެރި ފީޗާތައް އަވަހަށް ހޯދުމަށާއި، ބެޓެރީ ލައިފް އިތުރަށް ރަގަޅުކުރެވިފައިވާ މޮޑެލް ތަކެކެވެ.
އައިފޯން 16 ޕްރޯ އަދި އައިފޯން 16 ޕްރޯ މެކްސް އަކީ އޭ18 ޕްރޯ ޗިޕްގެ އެހީގައި އިންޑަސްޓްރީގެ އެންމެ ކުރިއަރާފައިވާ ސީޕީޔޫ ޕާފޯމަންސް، ބޮޑު ޑިސްޕްލޭ ސައިޒް، ކެމެރާ ކޮންޓްރޯލް، އިނޮވޭޓިވް ޕްރޯ ކެމެރާ ފީޗާސް، އަދި ބެޓެރީލައިފަށް ބޮޑު ކުރިއެރުމެއް ގެނެސްފައިވާ މޮޑެލްއެކެވެ.
އެންމެ ފަހުގެ އައިފޯނުގެ މޮޑެލްތައް ބާޒާރަށް ނެރުމާއެކު އުރީދޫ އިން އަބަދު ވެސް ޕްރީއޯޑާ ކޮށްގެން ފަހުގެ ފޯނު ރާއްޖޭގެ ރައްޔިތުންނަށް ލިބޭނެ މަގު ތަނަވަސްކޮށްދެ އެވެ.
