ބިޒީ ޝެޑިއުލްގެ ސަބަބުން ސިއްހަތަށް ރަނގަޅު ކާނާ ތައްޔާރުކޮށްލައިގެން ކާން ވަގުތު ނުވަނީތަ؟ ނޫނީ އޮފީސް ގަޑީގައި ކައިރީގަ ހުންނަ ކެފޭތަކުން ލިބެންހުރީ ތެޔޮ ހެދިކާއަށްވާތީ، ނުކައި ހުންނަންޖެހެނީތަ؟
ތިފަދަ ހުރިހާ މައްސަލައަކަށް ހައްލުގެނެސްދީ، ބޫންސް ބިސްޓްރޯއިން ވަނީ ސިއްހަތަށް ރަނގަޅު ކެއުން ހިމެނޭ އެކި ވައްތަރުގެ ކެއުންތައް ޑެލިވަރީ ކޮށްދިނުމުގެ ހިދުމަތް ފަށާފަ އެވެ.
ސިއްހަތަށް ރަނގަޅު ކެއުންތައް ހުރި ތަނަކަށް ގެންގޮސްދިނުމުގެ ހިދުމަތާއިއެކު ބޫންސް ބިސްޓްރޯއިން ފޯރޮކޮށްދޭން ފަށާފައިވާ ހިދުމަތަކީ، ދުޅަހެޔޮ ސިއްހަތަކަށް ފަހިވާގޮތަށް ކެއުން ބައްޓަންކުރަން ބޭނުންވާ ފަރާތްތަކަށް މާލެ ސަރަހައްދުން ލިބެންހުރި އެންމެ ރަނގަޅު ފުރުސަތެކެވެ.
ދެވީނާ މަގުގައި ހުންނަ މއ. ދުނބުރިގޭގައި ހުންނަ ބޫންސް ބިސްޓްރޯއަށް އޮންލައިންކޮށް އަދި 7781346 ނަންބަރަށް ގުޅައިގެން އޯޑަރު ކުރެވެ އެވެ. އެ ނަންބަރަށް ވަޓްސްއަޕް ކޮށްގެން ވެސް އޯޑަރު ކުރެވެ އެވެ.
ބޫންސްއިން ކެއުންތައް ޑެލިވަރީ ކޮށްދޭ ގަޑިތައް
ބޫންސް ބިސްޓްރޯއިން ބުނީ އެތަނުން ތައްޔާރުކުރާ ކެއުންތަކުގައި ބޭނުންކުރަނީ ފެންވަރު ރަނގަޅު އިންގްރީޑިއަންޓްސް ކަމަށާއި ތަފާތު އޮޕްޝަންތައް ލިބެން ހުންނާނެ ކަމަށެވެ.
ހަފުތާގެ ތެރެއިން ހުކުރު އަދި ހޮނިހިރު ފިޔަވައި ކޮންމެ ދުވަހަކަށް، މެންދުރު އަދި ރޭގަނޑުގެ ކެއުން ހިމެނޭގޮތަށް ތައްޔާރުކޮށްފައިވާ މެނޫގައި ހަށިގަނޑުގެ ބަރުދަން ލުއިކުރުމާއި، ދުޅަހެޔޮ ސިއްހަތެއްގައި ހުރުމަށް ބޭނުންވާ މާއްދާތައް ހިމެނޭ ބައިތައް ހިމެނިފައިވާ، ދިވެހިންގެ ދުލަށް ހެޔޮވަރު ރަހަތައް ހިމެނިފައިވެ އެވެ.
މެންދުރުގެ ކެއުން އޮފީސް ގަޑީގެ ބުރައިގައި އަވަދި ނެތި އުޅެންޖެހުމުން ނުކެވޭ ފަރާތްތަކާއި، ދުވަހުގެ ވަރުބަލިކަމާއެކު ރޭގަނޑަށް ރަނގަޅު ކެއުމެއް ތައްޔާރު ނުކުރެވޭ ހާލަތުގައިވެސް ބޫންސް ބިސްޓްރޯގެ ސިއްހަތަށް ފައިދާހުރި ކެއުން އޯޑަރުކޮށްގެން ބަނޑާއި، ސިކުނޑި އަދި ހަށިގަނޑަށް ހިތްހަމަޖެހުން ލިބެގެންދާ ދިއުމަކީ މި ހިދުމަތުގެ ފަސޭހަކަމުގެ އިތުރުން އުފާވެރިކަން ވެސް ގެނެސްދޭނެ ކަމެކެވެ.
