އެސްޓީއޯ އިން އެތެރެކޮށް ވިއްކާ މަކިޓާ ބްރޭންޑްގެ ޕަވަ ޓޫލްސްތައް ރަށްރަށުގައި ދިރިއުޅޭ ކަސްޓަމަރުންނަށް ފަސޭހައިން ލިބޭނެ މަގު ފަހިކުރުމުގެ ގޮތުން 31 ރަށަކުން އެޖެންޓުން ހޯދަން އިއުލާންކޮށްފި އެވެ.
އެސްޓީއޯއިން އެޖެންޓުން ހޯދާ ރަށްތަކަކީ ހއ. ދިއްދޫ، ށ. ފުނަދު، މިލަންދޫ، ނ. ވެލިދޫ، މަނަދޫ، ރ. ދުވާފަރު، މީދޫ، އަލިފުށި އުނގޫފާރު، ބ. ތުޅާދޫ، ޅ. ނައިފަރު، ހިންނަވަރު، ކ. ކާށިދޫ، ހިންމަފުށި، ގުޅި، ތުލުސްދޫ، އއ. ރަސްދޫ، ތޮއްޑޫ، އދ. މަހިބަދޫ، މާމިގިލި، ވ ކެޔޮދޫ، މ މުލަށް، ދިއްގަރު، މުލި، ފ.ނިލަންދޫ، ދ ކުޑަހުވަދޫ، މީދޫ، ތ ތިމަރަފުށި، ވިލުފުށި އަދި ލ. އިސްދު އާއި މާވަށެވެ.
އެސްޓީއޯއިން ބުނީ އެއިން ކޮންމެ ރަށަކުން ދެ އެޖެންޓުން ނަގާނެ ކަމަށެވެ.
އެ ރަށްރަށުގައި މަކިޓާ ޓޫލްސް ވިއްކައި ދޭން އެޖެންޓުންނަށް ވާން ޝައުގުވެރިވާ ފަރާތްތަކުން އެކަމަށްއެދި މާޗް 14، ގެ ކުރިން ހުށަހަޅަން ޖެހޭނެ އެވެ. އެޕްލިކޭޝަން ފޯމު އެސްޓީއޯ މަކިޓާ ޝޯރޫމުންނާއިި ކުންފުނީގެ ވެބްސައިޓުން ވެސް ލިބެން ހުންނާނެ އެވެ.
ފޯމް ހުށަހަޅާ އިރު ރަށުގެ ނަމާއި ވިޔަފާރި ރަޖިސްޓްރީގެ ކޮޕީއެއް ހުށަހަޅަން ޖެހޭނެ އެވެ. މިކަމާ ބެހޭ އިތުރު މައުލޫމާތު 7980240 އިން ލިބޭނެ އެވެ.
