އިމްރާން ޚާން އާއި އަނބިކަނބަލުންގެ ކައިވެނި ސައްހަ ނޫން ކަމަށް ކަނޑައަޅައި ހަތް އަހަރުގެ ޖަލު ހުކުމެއް

އިމްރާން ޚާން އާއި އަނބިކަނބަލުންނަށް (ވ) އިތުރު ހަތް އަހަރުގެ ޖަލު ހުކުމެއް އިއްވުން

އިމްރާން ޚާން އާއި އަނބިކަނބަލުންނަށް (ވ) އިތުރު ހަތް އަހަރުގެ ޖަލު ހުކުމެއް އިއްވުން

ޕާކިސްތާނުގެ ކުރީގެ ބޮޑުވަޒީރު އިމްރާން ޚާން އާއި އެމަނިކުފާނުގެ އަނބިކަނބަލުން ބުޝްރާ ބީބީގެ ކައިވެނި ސައްހަ ނޫން ކަމަށް ކަނޑައަޅައި، އިތުރު ހަތް އަހަރުގެ ޖަލު ހުކުމެއް އިއްވައިފި އެވެ.

އާންމު އިންތިހާބުގައި ބުރާސްފަތި ދުވަހު ބާއްވާ ބާއްވާއިރު، އެ އިންތިހާބުގައި ވާދަކުރުން ހުއްޓުވުމަށްޓަކައި މިއީ އިމްރާނަށް ހަފުތާއެއްގެ ތެރޭގައި އިއްވި ތިން ވަނަ ހުކުމެވެ.

އުމުރުން 71 އަހަރު އިމްރާން ޚާން އާއި 49 އަހަރުގެ ބުޝްރާ ބީބީއަށް ހޮނިހިރު ދުވަހު ހަތް އަހަރުގެ ޖަލު ހުކުމެއް އިއްވާފައި މިވަނީ އެ ދެބޭކަނބަލުން 2018 ވަނަ އަހަރު ކައިވެނި ކުރެއްވީ އިސްލާމީ ޝަރީއަތާ ހިލާފަށް ކަނޑައެޅުމަށް ފަހު އެވެ. އެހެންވެ، ޖަލު ހުކުމުގެ އިތުރުން 3،560 ޑޮލަރުގެ ޖޫރިމަނާއެއްވެސް ވަނީކޮށްފަ އެވެ.

އިސްލާމީ ޝަރީއަތާ ހިލާފު ކައިވެންޏެއް އިމްރާން ޚާން އާއި ބުޝްރާ ބީބީ ކޮށްފައިވާ ކަމަށް ކޯޓަށް މައްސަލަ ހުށަހަޅާފައި ވަނީ މިދިޔަ އަހަރު ބުޝްރާ ބީބީގެ ކުރީގެ ފިރިމީހާ ހަވާރު މަނެކާ އެވެ. އޭނާ ކޯޓަށް މައްސަލަ ހުށަހަޅާފައި ވަނީ އިސްލާމީ ޝަރީއަތުގައި ބުނާ ތިން މަސް ދުވަހުގެ އިއްދަ ހަމަނުވަނީސް ބުޝްރާ ބީބީ އިމްރާން ޚާންއާ ކައިވެނި ބައްލަވައިގަނެފައިވާ ކަމަށް ބުނެ އެވެ.

އިސްލާމީ ޝަރީއަތުގައި އަންހެނާގެ އިއްދައަކީ، ވަރިކުރިއިރު އިނީ ހައްޔަރުގައިކަމަށް ނުވާނަމަ، ވަރިކުރި ދުވަހުން ފެށިގެން 3 ހައިޟާއި 3 ތުހުރު ހަމަވަންދެން ހިނގާ މުއްދަތުވެވެ. އެއީ ހަނދުމަހުގެ 3 މަސްދުވަހެވެ.

މަނެކާ ބުނާ ގޮތުން އޭނާއާ ބުޝްރާ ބީބީ ކޮށްފައިވާ ކައިވެނި ރޫޅިފައި ވަނީ 2017 ވަނަ އަހަރުގެ ނޮވެމްބަރު މަހެވެ. ނަމަވެސް އިމްރާން ޚާން ޕާކިސްތާނުގެ ބޮޑުވަޒީރަކަށް 2018 ގައި ހޮވުމުގެ ކުރިން އެ އަހަރުގެ ފެބްރުއަރީ މަހު ބުޝްރާ ބީބީއާ ވަނީ ކައިވެނި ބައްލަވާގަނެފަ އެވެ.

މިއީ އިމްރާން ޚާން އާއި ބުޝްރާ ބީބީއަށް ފާއިތުވި ހަތަރު ދުވަހެއް ތެރޭގައި އިއްވި ތިން ވަނަ ހުކުމެވެ. މިދިޔަ ހަފްތާގައި އެ ދެކަނބަލުންގެ މައްޗަށް ދައުލަތަށް ލިބިފައިވާ ބައެއް ހަދިޔާތައް ވިއްކިކަން ސާބިތުވި ކަމަށް ކަނޑައަޅައި 14 އަހަރުގެ ޖަލު ހުކުމެއްވެސް ވަނީ އިއްވާފަ އެވެ.

އޭގެ ކުރިން މިދިޔަ އަންގާރަ ދުވަހު ދައުލަތުގެ ސިއްރުތަކެއް ލީކު ކުރިކަން ސާބިތުވި ކަމަށް ކަނޑައަޅައި އިމްރާން ޚާންގެ މައްޗަށް 10 އަހަރުގެ ޖަލު ހުކުމެއްވެސް ވަނީ އިއްވާފަ އެވެ.

އޮގަސްޓް 2018 އިން ފެށިގެން އޭޕްރީލް 2022 އާ ހަމައަށް ޕާކިސްތާނުގެ ބޮޑުވަޒީރަކަށް ހުންނެވި އިމްރާން ހާންގެ މައްޗަށް އެކި ތުހުމަތުތައްކޮށް ޖަލަށް ލުމަށް ހުކުމްތަކެއް ކުރަމުން އަންނަނީ ޕާކިސްތާނުގެ އާންމު އިންތިހާބުގައި ވާދަކުރެވޭނެ ދޮރުތައް ބަންދު ކުރުމަށް ކަމަށް އެމަނިކުފާނު ތުހުމަތު ކުރައްވާއިރު، ހުކުމްތައް ހައިކޯޓުގައި އިސްތިއުނާފް ކުރާނެ ކަމަށް އެމަނިކުފާނުގެ ގާނޫނީ ވަކީލުންގެ ޓީމުން ވަނީ ބުނެފަ އެވެ.

ކޮރަޕްޝަންގެ ދައުވާއެއް ސާބިތުވެ ތިން އަހަރަށް ޖަލަށްލުމާ ގުޅިގެން މިދިޔަ އަހަރުގެ އޮގަސްޓު މަހުން ފެށިގެން އިމްރާން ޚާން ހުންނެވީ ޖަލުގަ އެވެ. އަދި އިތުރު ޖަލު ހުކުމްތަކާއެކު އެމަނިކުފާނަށް ޖަލުގައި އޮންނަވަން ޖެހޭ މުއްދަތު 34 އަށް ވަނީ އިތުރުވެގެން ގޮސްފަ އެވެ.

ޕާކިސްތާނު އާންމު އިންތިހާބު އަންނަ ބުރާސްފަތި ދުވަހު ބޭއްވުމަށް ހަމަޖެހިފައިވާއިރު، އިންތިހާބުގައި ވާދަކުރައްވާނެކަން އިއުލާން ކޮށްފައިވާ އިމްރާން ޚާންގެ ތާއީދު އޮތް ދެ ކެންޑިޑޭޓަކު ވަނީ މަރާލާފައެވެ.

ކޮމެންޓް

ފަހުގެ ޚަބަރު

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

ކްރައިމިއާ ބްރިޖަށް ހަމަލާދީ ބޮޑު ބައެއް ވައްޓާލައިފި

ރަޝިއާއިން ހިފާފައިވާ ކްރައިމިއާއާ ގުޅުވައިދޭ މުހިންމު ބްރިޖަށް ޔޫކްރޭނުން ވަރުގަދަ ހަމަލާއެއްދީ، ބްރިޖުގެ ބޮޑު ބައެއް ކަނޑަށް ވައްޓާލައި ރަޝިއާގެ ސިފައިންނަށް ބޭނުންވާ މައިގަނޑު ސަޕްލައި މަގަށް ބޮޑު ހުރަހެއް ކުރިމަތިކުރުވައިފިއެވެ. މި ހަމަލާއާ ގުޅިގެން ރަޝިއާއިން ބަދަލުހިފުމުގެ ގޮތުން ޔޫކްރޭނުގެ ވެރިރަށް ކީވްގެ އިންފްރާސްޓްރަކްޗަރަށް އަމާޒުކޮށް ވަރުގަދަ ހަމަލާތަކެއް ދީފައިވާއިރު، މިއީ ދެ ގައުމުގެ ދެމެދުގައި އޮތް ހަނގުރާމަ އިތުރަށް ވަރުގަދަވެގެންދިޔަ ކަމެކެވެ.

Newsletter

Get the latest news delivered straight to your inbox