ރޯދަ މަހަށް ހާއްސަކޮށް އެސްޓިއޯއިން ކޮންމެ އަހަރަކު ވެސް ބާއްވާ "ރަމަޒާން ބާޒާރު" ޕްރޮމޯޝަން ރޭ ފަށައިފި އެވެ.
ރޯދަ މަސް ފެށެން ދެ މަސް ދުވަހަށް ވެފައި ވާއިރު، އެސްޓީއޯގެ މި ޕްރޮމޯޝަންގައި 25 ޕަސަންޓާ ހަމައަށް ޑިސްކައުންޓު ލިބޭއިރު، ރޯދަ މަހުގެ ކުރިން ތިން ނަސީބުވެރިން ވެސް ހޮވާނެ އެވެ.
އޭޕްރީލް މަހުގެ 11 ވަނަ ދުވަހުގެ ނިޔަލަށް ކުރިއަށް ގެންދާ ރަމަޒާން ބާޒާރުން ކުރާ ކޮންމެ 1000ރ. ގެ ވިޔަފާރިއަކަށް ޑިޖިޓަލް ކޫޕަނެއް ލިބޭނެ އެވެ.
މި ޕްރޮމޯޝާން ކުރިއަށް ގެންދަނީ އެސްޓީއޯ ޕީޕަލްސް ޗޮއިސް އަދި އެސްޓީއޯ ރީޖަނަލް ފިހާރަތަކުގަ އެވެ.
އެސްޓީއޯ; އަގުހުރި އިނާމް ތަކާއެކު އެސްޓީއޯގެ ރަމަޒާން ބާޒާރު ފަށައިފި -- ފޮޓޯ: މިރާޝް/ އަދަދު
ނަސީބުވެރިންނަށް ދޭ އިނާމުތައް
އެއް ވަނަ: 75،000 ރުފިޔާގެ އަގުހުރި ބަދިގެ ސެޓެއް
ދެ ވަނަ: ހޯމްއެޕިލިއެންސް ޕެކޭޖެއް
ތިންވަނަ: ތިންރޫމް އެޕާޓްމެންޓުގައި ނިޕޯ ޕެއިންޓުގެ ކުލަ އަދި ކުލަ ލާދިނުން.
އެސްޓީއޯ ރަމަޒާން ބާޒާރުގައި ރޯދަމަހު ކޮންމެ ހަފުތާއަކު ނަސީބުވެރި ފަރާތެއް ހޮވައި, އެ ފަރާތަކަށް 2500 ރުފިޔާގެ ގިފްޓް ވައުޗާއެއް ވެސް ދޭނެ އެވެ.
އޭގެ އިތުރަށް ޕްރޮމޯޝަން ނިމުމުން ވެސް ތިން ނަސީބުވެރިން ހޮވާނެ އެވެ.
- އެއްވަނަ: ތުރުކީ ދެކޮޅު ޓިކެޓް ދެ މީހަކަށް
- ދެވަނަ: ހޯމްއެޕިލިއެންސް ޕެކޭޖެއް
- ތިންވަނަ: 65" ފިލިޕްސް ޓީވީ އެއް
މި ޕްރޮމޯޝަންގައި ދޭ އިނާމުތަކުގެ އަގު 300،000ރ. އަށް އަރަ އެވެ.
އެސްޓީއޯއިން ބުނީ އެހެން އަހަރުތަކާ ހިލާފަށް މި އަހަރުގެ ޕްރޮމޯޝްންގައި ކޮންމެ ހަފުތާއެއްގެ ބުރާސްފަތި ދުވަހު, ކުންފުނީގެ ޕްރޮޑަކްޓް ބޭނުން ކުރާ ގޮތް ދައްކާލުން ކުރިޔަށް ދާނެ ކަމަށެވެ. އަދި ޕްރޮޑަކްޓް ދައްކާލުން ކުރިއަށްދާ ގަޑީގައި ކަސްޓަމަރުން އަމިއްލައަށް ޕްރޮޑަކްޓް ތަޖުރިބާ ކުރުމުގެ ފުރުސަތު ލިބިގެން ދާއިރު އެ ޕްރޮޑަކްޓުން ހާއްސް ޑިސްކައުންޓެއް ވެސް ލިބޭނެ އެވެ.
މީގެ އިތުރަށް ޕްރޮމޯޝަނުގެ ދަށުން ކޮންމެ ހަފުތާ ބަންދެއްގައި ބައެއް އައިޓަމްސްތަކުން ޑިސްކައުންޓު ލިބިގެން ދާނެއެވެ.
މި އޮފާތައް އެސްޓީއޯ އީ ސްޓޯރުން މެދުވެރިކޮށް ލިބޭނެ އެވެ.
