ވެލަޔާއި ކަހަނބާ އެކު ފަތައި ފީނާ އުޅޭ އިރު، ފީނާ ނުވަތަ ފަތާ މީހާ އާ އެ އެެެއްޗިއްސާ ދެމެދު ހަފޫޓުގެ ދުރުމިނެއް ބަހައްޓަން ޖެހޭ ގޮތަށް ގަވައިދު ބަދަލުކޮށްފި އެވެ.
"ގުދުރަތީ ގޮތުގައި ނުވަތަ ތަބައީ ގޮތުގައި ހިމާޔަތްކޮށް ރައްކާތެރިކުރާ ދިރޭތަކެއްޗާ ބެހޭ ގަވައިދަ"ށް ޖަދުވަލެއް އިތުރުކޮށް އެންވަޔަރްމެންޓް މިނިސްޓްރީން އިއްޔެ ގެޒެޓްކުރި އިސްލާހު ގައިވާ ގޮތުން ވެލަޔާއެކު ނުވަތަ ކަހަނބާއެކު ފަތާއިރު ނުވަތަ ފީނާއިރ،ު އަބަދުވެސް އެ އެއްޗެއްސާ ހަ ފޫޓުގެ ދުރުމިން ބަހައްޓަން ޖެހެ އެވެ. ފަތާމީހާގެ ނުވަތަ ފީނާމީހާގެ ގާތަށް އެސޮރުމެން އަތުވެއްޖެނަމަ އަމަލުކުރަން ޖެހޭ ގޮތް ވެސް އެ އިސްލާހުގައި ތަފްސީލުކޮށްދީފައި ވެ އެވެ.
"ވެލާ ނުވަތަ ކަހަނބާއެކު ފަތާއިރު ނުވަތަ ފީނާއިރ،ު އަބަދުވެސް އެ އެއްޗެއްސާ ހައެއް (6) ފޫޓުގެ ދުރުމިން ބަހައްޓަންވާނެ އެެވެ. އަދި ފަތާމީހާގެ ނުވަތަ ފީނާމީހާގެ ގާތަށް އެސޮރުމެން އަތުވެއްޖެނަމަ، މަޑުމަޑުން ހަމަޖެހިލައިގެން އޮވެ، ވެލާ ނުވަތަ ކަހަނބު ބޭނުން ދިމާއަކަށް ދަންދެން މަޑުކުރަންވާނެއެވެ،" ގަވައިދަށް ގެނައި ބަދުގައި ވެ އެވެ.
ވެލާ ކަހަނބާ އެކު ފީނުމައި ފެތުމުގައި އަމަލުކުރަން ޖެހޭ ގޮތުގެ ގިނަ ތަފްސީލުތަކެއް ވެސް އާ އިސްލާހުގައި ހިމަނާފައި ވެ އެވެ.
ވެލާ ކަހަނބާ އެކު ފީނައި ފަތާއިރު ނުކުރަންވީ ބައެއް ކަންތައްތައް
- ވެލާ ކަހަނޑު މޫދުގެ އަޑީގައި އޮންނަ އިރު އޭއްޗިހީގެ މަތިން ފީނުން ނުވަތަ ފެތުން.
- ފީނާ ފަތާ އިރު ވެލާ ކަހަނބު ފަހަތުން ފެއްސުން
- ވެލާ ކަހަނބުުގެ ތަބީއީ އުޅުމަށް ބުރޫ އަރާ ފަދަ އެއްވެސް ކަމެއް ކުރުން
- ވެލާ ކަހަނބު ގުުދުރަތީ މާހައުލުގައި އުޅެނިކޮށް އޭއްޗިއްޗަށް ކާންދިނުން
