އިންތިގާލީ މަރުހަލާ ގާތްގަނޑަކަށް ނިމުމަކާ ގާތްވެފައިވާއިރު، އަދިވެސް ރާއްޖޭގައި އިންޑިއާ ސިފައިން ތިބި ސީދާ އަދަދެއް އަދިވެސް އެނގިވަޑައިނުގަންނަވާ ކަމަށް އިންތިގާލީ ކޮމިޓީތަކުގެ ވެރިޔާ އަދި ޕީއެންސީގެ ޗެއާޕާސަން އަބްދުއްރަހީމް އަބްދުﷲ މިއަދު ވިދާޅުވެއްޖެ އެވެ.
ރިޔާސީ އިންތިހާބުގައި ރައްޔިތުން ކުރި ބުރަ މަސައްކަތަށް ޝުކުރު ދެންނެވުމަށާއި ޕީޕީއެމް/ޕީއެންސީއަށް މެންބަރުން އިތުރު ކުރުމަށް އައްޑޫއަށް ފުރާވަޑައިގަތުމުގެ ކުރިން ނޫސްވެރިންނަށް ދެއްވި ހާއްސަ ބަސްދީގަތުމެއްގައި އަބްދުއްރަހީމް ވިދާޅުވީ ރާއްޖޭގައި އިންޑިއާ ސިފައިން ތިބި އަދަދު އޮޅުން ނުފިލިޔަސް، އެމީހުން ތިބިކަން ޔަގީންވެފައިވާ ކަމަށެވެ.
"އަޅުގަނޑުމެންނަކަށް އަދި މިހާތަނަށް އައިއިރު، [އިންޑިއާ ސިފައިން ތިބި] ސާފު އަދަދެއް އޮޅުންފިލާފައެއް ނެތް، އެމީހުން ތިބިކަމުގެ ޔަގީންކަން އެބަ އޮތް، އެ މައުލޫމާތު އަޅުގަނޑުމެންނަށް ވަނީ ލިބިފައި،" އަބްދުއްރަހީމް ވިދާޅުވި އެވެ.
ސީދާ އަދަދު އެނގިވަޑައި ނުގަންނަވާ ކަމަށް ވިދާޅުވުމަށްފަހު އަބްދުއްރަހީމް ތަކުރާރުކުރެއްވީ އިންތިހާބުގެ ކުރިން ވެސް ދައްކަވަމުން ގެންދެވި ވާހަކަ އެވެ. އެއީ ރާއްޖޭގެ އެކި ކަންކޮޅުގައި އިންޑިއާ ސިފައިން އެބަ ތިބި ކަމަށް ވިދާޅުވެ ދައްކަވާ ވާހަކަ އެވެ.
ރާއްޖޭގައި ތިބި އިންޑިއާ ސިފައިން ބޭލުމަކީ އިންތިހާބީ ރައީސް ޑރ. މުހައްމަދު މުއިއްޒު ރިޔާސީ ވައުދެކެވެ. ވެރިކަން ލިބިވަޑައިގަންނަވާ ފުރަތަމަ ދުވަހުން ފެށިގެން އިންޑިއާ ސިފައިން ރާއްޖެއިން ބޭލުމުގެ މަސައްކަތް ފަށްޓަވާނެ ކަމަށް އެމަނިކުފާނު ތަކުރާރުކޮށް ވިދާޅުވެފައި ވެ އެވެ.
އެހެންނަމަވެސް މިހާރުގެ ސަރުކާރުން ވަނީ މީގެ ކުރިން ވެސް ޕީޕީއެމް/ޕީއެންސީން ދައްކަމުން ގެންދިޔަ އެ ވާހަކަތައް ދޮގުކޮށްފަ އެވެ. ސަރުކާރުން ބުނަމުން ގެންދިޔައީ ރާއްޖޭގައި ތިބީ ހިއުމެނިޓޭރިއަން މަސައްކަތުގައި ހަރަކާތްތެރިވާ ސިފައިންގެ އިތުރުން ރާއްޖޭގައި އޮންނަ ޑޯނިއާ ފުލައިޓާއި ދެ ހެލިކަޕުޓަރު އުދުއްސާ މީހުން ކަމަށެވެ. އަދި އެމީހުން ރާއްޖޭގައި ތިބެނީ ސިފައިންގެ ގޮތުގައި ނޫން ކަމަށް ވެސް ސަރުކާރުން އެތައް ފަހަރެއްގެ މަތިން ބުނެފައިވެ އެވެ.
ނިމުނު އިންތިހާބުގައި ރައީސް ސޯލިހުއަށް އެންމެ ބޮޑު ގޮންޖެހުމަކަސްވީ ވެސް އެ ތުހުމަތުތަކެވެ. އިންތިގާލީ މަރުހަލާ ނިމެން ދެ ހަފުތާއެއްހައި ދުވަހަށް ވެފައިވާއިރު އެ މަރުހަލާއަކީ އެއް ސަރުކާރުން އަނެއް ސަރުކާރަށް ވެރިކަން ހަވާލު ކުރުމުގެ ގެރޭގައި
