ސުލްހަވެރިކަމާއި އަމާންކަމާއި އެކު ތަރައްގީގެ އެތައް މަޝްރޫއުތަކެއް ފަށައިގެން ކުރިޔަށް ހިންގަމުން އަންނަ އިރު މިސަރުކާރު ބަދަލުކުރަންޖެހޭ ސަބަބެއް ނެތް ކަމަށް ޕްރޮފެސަރު ހަސަން އުގައިލް ވިދާޅުވެއްޖެ އެވެ.
މިއަދު ކުރެއްވި ޓުވީޓެއްގައި އުގައިލް ވިދާޅުވީ ދިވެހި ރައްޔިތުންނަށާއި ގައުމަށް އެންމެ ފައިދާހުރި ގޮތަކީ ރައީސް އިބްރާހިމް މުހައްމަދު ސޯލިހަށް ދެވަނަ ދައުރެއް ދިނުން ކަމަށެވެ.
އަދި ސުލްހަވެރިކަމާއި އަމާންކަމާއި އެކު ތަރައްގީގެ އެތައް މަޝްރޫއު ތަކެއް ފަށައި ކުރިޔަށް ހިނގަމުންދާ މިސަރުކާރު ބަދަލުކުރަންޖެހޭ ސަބަބެއް އޮތްކަމަށް ނުދެކޭ ކަމަށް ވިދާޅުވި އެވެ.
އުގެއިލް ވިދާޅުވީ ސަރުކާރު ބަދަލުވެއްޖެނަމަ މިހާރު ފަށައިގެން ކުރިޔަށްދާ މަޝްރޫއުތައް ހުއްޓި ފިޔަވަޅުތަކެއް ފަހަތަށް އެޅޭނެ ކަމަށެވެ.
"މިއީ ގަބޫލް ކުރަންޖެހޭ ހަގީގަތެއް. ގަސްތުގަ ނުކުރެއްވިޔަސް މިއީ ތަބީއީ އާދައެއް. ވުމާއެކު އަޅުގަނޑު ތާއިދު ކުރަނީ ނުހުއްޓި ރައީސް ސާލިހާއެކު ކުރިޔަށް ދިޔުމަށް" ޕްރޮފެސަރު އުގައިލް
އުގެއިލް އަކީ ހިސާބު ކޮމްޕިއުޓާ ސައިންޓިސްޓެކެވެ. އޭނާ އަކީ ބްރެޑްފޯޑް ޔުނިވާސިޓީގެ ފެކަލްޓީ އޮފް އިންޖިނިއަރިން އެންޑް އިންފޮމެޓިކްސްގެ ވިޝުއަލް ކޮމްޕިއުޓިންގެ ޕްރޮފެސަރެކެވެ.
ޕްރޮފެސަރު އުގައިލް ރައީސް ސޯލިހަށް ތާއީދު ކުރައްވާފައިރު ވާއިރު އެކި އެކި ދާއިރާތަކުގެ ތައުލީމީ، ފަންނީ އެތައް ބޭފުޅުންނެއް ވަނީ ރައީސް އަށް ތާއީދުކުރައްވާ ކަން ހާމަކޮށްފަ އެވެ.
