ޕީޕީއެމް/ޕީއެންސީގެ ރިޔާސީ ކެންޑިޑޭޓު އަބްދުﷲ ޔާމީންގެ އިސްތިއުނާފީ މައްސަލައާ ގުޅޭ ގޮތުން ހޯމަ ދުވަހު ހައިކޯޓަށް ހުށަހެޅި ސިޓީގެ ޖަވާބު ހޯދަން އެ ކޯލިޝަންގެ އިސްވެރިން އިއްޔެ ކޯޓަށް ވަޑައިގެން އިހުތިޖާޖު ކުރުމުގެ ގޮތުން ނުނިކުމެ ތިބުމުން އެސްއޯ ފުލުހުން ގޮސް ސުވާލުކުރި އެވެ.
އިދިކޮޅު ކޯލިޝަންގެ އިސް ބޭފުޅުން ހެނދުނު ދިހައެއް ޖެހިއިރު ހައިކޯޓަށް ވަޑައިގެން އެތަނުގައި "ތަންމަތި އަޅައިގެން" ތިބުމަށް ފަހު ވަޑައިގަތީ ތިނެއް ޖެހި ފަހުން ފުލުހުން ގޮސް ސުވާލުކުރުމުން ނެވެ.
"އަޅުގަނޑުމެން ބުނިން ވަޑައިގަންނަވާށޭ. ޖަވާބެއް ދޭނަމޭ. ނަމަވެސް އޮފީސް ބަންދުކުރުމުގެ ވަގުތު ޖެހުނުއިރު ވެސް އެ ބޭފުޅުން ކޯޓުގައި ތިއްބެވި. އަޅުގަނޑަކަށް ނޭނގެ އެ ބޭފުޅުން ދިޔައީ ފުލުހުން ބުނެގެން ކަމެއް، ނުވަތަ ނޫން ކަމެއް،" ހައިކޯޓުގެ އިންފޮމޭޝަން އޮފިސަރު އަމީން ފައިސަލް ވިދާޅުވި އެވެ.
އަދަދަށް އެނގިފައިވާ ގޮތުގައި އިދިކޮޅު ކޯލިޝަނުން ހޯމަ ދުވަހު ހައިކޯޓުގެ އިސް ފަނޑިޔާރަށް ފޮނުވި ސިޓީއާ ގުޅޭ ގޮތުން ވަކި ޖަވާބެއް އަދި ނުދެ އެވެ.
ފުލުހުން ގޮސް ޕީޕީއެމްގެ ލީޑަޝިޕްގެ ބޭފުޅުންނާ ސުވާލުކުރީ ކޯޓުގެ ރަސްމީ ވަގުތު ދިޔައިރު އެ ބޭފުޅުން އެތަނުން ނުނިކުންނަވައި ތިއްބެވުމުންނެވެ. އޮފީހުގެ ނުރަސްމީ ވަގުތެއްގައި އޮފީހުގައި ނުތިއްބެވޭނެކަން ފުލުހުން އެންގި އެވެ.
"އެހެންވެ މިއަދަށް ނިންމާލާފައި ނުކުތީ،" އަދަދު ނޫހާ ވާހަކަ ދެއްކެވި ޕީޕީއެމްގެ އިސް އޮފިޝަލަކު ވިދާޅުވި އެވެ.
ސެޕްޓެމްބަރު 9 ގައި ބާއްވާ ރިޔާސީ އިންތިހާބުގައި ވާދަކުރެއްވުމަށް ޕީޕީއެމްގެ ރިޔާސީ ޓިކެޓު ހަވާލުކޮށްފައިވާ ޔާމީންގެ މައްޗަށް 11 އަހަރުގެ ޖަލު ހުކުމެއް އިއްވީ މިދިޔަ ޑިސެމްބަރު މަހުގެ 25 ގަ އެވެ. އެމްއެމްޕީއާރުސީގެ ހިޔާނާތުގައި ހިމެނޭ ވ. އާރަށް ކުއްޔަށް ދިނުމުގައި ރިޝްވަތު ހިފާ އެ ފައިސާ ލޯންޑާ ކުރިކަން ޔާމީންގެ މައްޗަށް ސާބިތުވި ނަމަވެސް އެމަނިކުފާނުގެ ލޯޔަރުންގެ ޓީމުން ވަނީ އެ މައްސަލަ ހައި ކޯޓުގައި އިސްތިއުނާފުކޮށްފަ އެވެ.
އިސްތިއުނާފީ މައްސަލަ ލަސްވަމުންދާތީ އިދިކޮޅުން ވަނީ ކަންބޮޑުވުން ފާޅުކޮށްފަ އެވެ.
ރިޔާސީ އިންތިހާބުގައި ވާދަކުރުމަށް ފޯމު ހުށަހެޅުމު ފުރުސަތު އަންނަ އާދިއްތަ ދުވަހު ހުޅުވާލާއިރު، މިހާރު މިއޮތް ހާލަތުގައި ޔާމީނުގެ ކެންޑިޑެސީ ބަލައިގަތުމުގެ ފުރުސަތު ކުޑަ އެވެ. އެހެންކަމުން، އިދިކޮން ވަނީ ޔާމީނަށް "އިންސާފު ލިބެންދެން ރިޔާސީ އިންތިހާބު ފަސްކުރަން" ގޮވާލައިފަ އެވެ.
މުހިންމު ބައެއް ހަބަރު
ދުވަހުގެ ކޯޓޭޝަން
ސަރުކާރުން އަޅާ ސަބްމެރިން ކޭބަލުގެ ނަތީޖާއަކަށް ވެގެން ދާނީ "އިންޓަނެޓު ހިދުމަތް [މިހާރަށް ވުރެ] އަގުހެޔޮވެ، ހަލުއިވެގެން ދިޔުން،" ކަމަށް ރައީސް އިބްރާހިމް މުހައްމަދު ސޯލިހު ވިދާޅުވި އެވެ.
ސަރުކާރުން ކުރަން މިއުޅޭ ކަމަކީ ކޮންމެހެން އިންޓަނެޓުގެ ރީޓެއިލް ހިދުމަތުގެ ތެރެއަށް ވަންނާކަށް ނޫން. މޯބައިލް ފޯނުގެ ހިދުމަތް ދޭކަށް ނޫން. މިހާރު ވެސް އެ ހިދުމތް ދޭ ފަރާތްތަކާއި އަލުން އޭގެތެރެއަށް ވަންނަން ބޭނުންވާ ފަރާތްތަކަށް ފުރުސަތު ހުޅުވާލުން. ފަސޭހައިން އަގުހެޔޮކޮށް ދުނިޔެއާ ގުޅާލާނެ ނިޒާމެއް އަޅުގަނޑުމެން މި ފޯރުކޮށްދެނީ،"
ދުވަހުގެ ފޮޓޯ
މިހާރު ކުރިއަށްދާ ކްލަބް މޯލްޑިވްސް ކަޕްގައި ކްރޮސްރޯޑާއި މީޑިއާނެޓު ބައްދަލުކުރި މެޗްގެ ތެރެއިން. -- ފޮޓޯ: މުހައްމަދު ޝާބިން/އަދަދު
