ބޮޑީބޯޑިން ގައުމީ ލީގާ އެކު ވާދަވެރިކަން ބޮޑުވެއްޖެ: އާމިން

ގައުމީ ބަނޑުފިލާ ޗެލެންޖްގެ ތެރެއިން އާމިން: އާމިން ވަނީ މިދިޔަ އަހަރުގެ މޯލްޑިވްސް ޕްރޯގައި ތަފާތު ދައްކައި ދުނިޔޭގެ ޖޫނިއާ ރޭންކިންގައި ވެސް ބޮޑު ކުރިއެރުމެއް ހޯދާފައި.-- ފޮޓޯ: މުހައްމަދު ޝާބިން/ އަދަދު

ގައުމީ ބަނޑުފިލާ ޗެލެންޖްގެ ތެރެއިން އާމިން: އާމިން ވަނީ މިދިޔަ އަހަރުގެ މޯލްޑިވްސް ޕްރޯގައި ތަފާތު ދައްކައި ދުނިޔޭގެ ޖޫނިއާ ރޭންކިންގައި ވެސް ބޮޑު ކުރިއެރުމެއް ހޯދާފައި.-- ފޮޓޯ: މުހައްމަދު ޝާބިން/ އަދަދު

މޯލްޑިވްސް ބޮޑީބޯޑިން އެސޯސިއޭޝަން (އެމްބީބީއޭ) އިން މިދިޔަ އަހަރު ފެށި ގައުމީ ބޮޑީބޯޑިން ލީގުގެ ސަބަބުން ރާއްޖޭގައި ބޮޑީބޯޑަރުންގެ ވާދަވެރިކަން ކުރިއަށް ވުރެ ބޮޑުވެއްޖެ ކަމަށް ގައުމީ ޖޫނިއާ ޗެމްޕިއަން، އާމިން އުމަރު މޫސާ ބުނެފި އެވެ.

ގައުމީ ބޮޑީބޯޑިން ލީގުގެ ފުރަތަމަ މުބާރާތް، ބުރުނު ޝިކާރު ބޮޑީބޯޑިން ޗެލެންޖުގެ ޕޯސްޓަރު ލޯންޗް ކުރުމާއި ބޮޑީބޯޑިން ލީގުގެ މައުލޫމާތު ގެނެސްދިނުމަށް ބޭއްވި އިވެންޓްގައި ވާހަކަ ދައްކަމުން އާމިން ބުނީ މި އަހަރުގެ ގައުމީ ބޮޑީބޯޑިން ލީގު މިދިޔަ އަހަރަށް ވުރެ ފޯރިގަދަވާނެ ކަމަށެވެ.

"މާ ވާދަވެރިވާނެ ކަމަށް ހިތަށް އަރާ. އެއީ ވަރަށް ގިނަ އެތުލީޓުން އެބަ ފެނޭ ކުރިން އަހަރާ ބަލާއިރު ވަރަށް ބޮޑުތަން ތަފާތު މަސައްކަތް ކުރާ ރޭޓާ އެއްޗެހި، ދެން ވެސް ތިބީ ވަރަށް މޮޅުވާން ހިފާ ކުޑަ އެތުލީޓުން އިޔަން މެން ކަހަލަ، ޖޫނިއާ ޑިވިޝަން ވެސް ދެން މެންސް އޯޕަންސް ވެސް މި އޮތީ ވަރަށް ވާދަވެރިކޮށް،" މިދިޔަ އަހަރުގެ ގައުމީ މުބާރާތުގެ ޖޫނިއާ ބައިގެ ޗެމްޕިއަންކަން ހޯދި އާމިން ބުންޏެވެ.

"ލީގެއް ގޮތުގައި އޮންނާތީ، އެންމެން ވެސް ހުރިހާ އިވެންޓެއްގައި ބައިވެރިވެގެން. މޮޅުވެވޭނެކަން އެނގޭ ދެން އިވެންޓް ވެސް މަދުވީމަ، ކޮމްޕެޓިޓިވް، ލީގު ތައާރަފް ކުރީމަ ބޮޑީބޯޑިން ފެންނަ ގޮތް ވަރަށް ކޮމްޕެޓިޓިވް،"

މިދިޔަ އަހަރު ރާއްޖޭގައި ބޭއްވި ބައިނަލްއަގުވާމީ ބޮޑީބޯޑިން މުބާރާތް، ވިޒިޓް މޯލްޑިވްސް ޕްރޯގެ ޖޫނިއާ ފައިނަލުގައި ވާދަކުރި އާމިން ބުނީ ބޮޑީބޯޑިން ސީޒަން ލީގެއްގެ ފޯމެޓްގައި އިންނާތީ އެތުލީޓެއް ގޮތުގައި މި އިންނަނީ މުޅި އަހަރުގެ ޗެމްޕިއަންކަން ނެގުމުގެ ވިސްނުން ކަމަށެވެ.

ނޫސްވެރިންގެ ބައްދަލުވުމުގެ ތެރެއިން އާމިން ވާހަކަ ދައްކަނީ.--- ފޮޓޯ: މުހައްމަދު ޝާބިން/ އަދަދު

"ވާގޮތަކީ ހުރިހާ އިވެންޓަކަށް ވެސް އެއްވަރަކަށް އެބަޖެހޭ މަސައްކަތްކުރަން، ފޯކަސް ކުރަން. ހުރިހާ އެތުލީޓުން ވެސް އެ މެންޓާލިޓީ އިންނާތީ ވަރަށް ވާދަވެރިކޮށް ކޮންމެ މުބާރާތެއް ވެސް ދަނީ، އެހެންވީމަ އެއްބައި އެތުލީޓުން ވަކި މުބާރާތަކަށް ފޯކަސް ކުރުން މިހާރު ނެތް، ހުރިހާ މުބާރާތަކަށް ވެސް އެންމެން ވަރަށް ފޯމުގައި މި ތިބެނީ،" ދުނިޔޭގެ ޖޫނިއާ ރޭންކިންގެ ތިން ވަނަ އަށް ޖެހިލި އާމިން ބުންޏެވެ.

ގައުމީ ބޮޑީބޯޑިން ލީގުގެ ދެ މުބާރާތެއް ވަނީ ޏ. ފުވައްމުލަކާއި ކ. ތުލުސްދޫގައި ބާއްވަން ތާވަލުކޮށްފަ އެވެ. އާމިން ބުނީ ތަފާތު ސަރަަހައްދުތަކަށް މި ގޮތަށް މުބާރާތް ގެންދިއުމުން އޭގެ ފައިދާކުރާނެ ކަމަށެވެ.

"މި ފަހަރު ފުވައްމުލަކާއި ތުލުސްދޫ އިންނާތީ ވަރަށް ތަފާތުވާނެ ކަމަށް މި ބަލަނީ. ފުވައްމުލަށް އެއީ ރާއްޖޭގައި އިންނަ އެހެން ރާޅުތަކާ ބަލާފައި ތަފާތު ރާޅެއް، އަދި އެ ރާޅުގައި ނުއެއް އެޅޭ އެހެންވީމަ އޭގަ އަޅަން ވަރަށް ލުކް ފޯވާޑް ކުރެވޭ. ދެން ތުލުސްދޫގަ އިންނަނީ ރާއްޖޭގެ އެންމެ ރީތި ރާޅުކަމަށްވާތީ ވަރަށް ތަފާތު ޕާފޯމަންސް ފެންނާނެ ކަމަށް މި ބަލަނީ،" ރާޅާއެޅުމުގެ އިތުރުން ފުޓްބޯޅައިގައި ވެސް ކާމިޔާބީތަކެއް ހާސިލްކުރަމުން އަންނަ އާމިން ބުންޏެވެ.

ބޮޑީބޯޑިން ލީގުގެ ފުރަތަމަ މެޗު އޮންނާނީ މި މަހު 17-23 އަށް މާލޭ ރާޅުގަނޑު ސަރަހަައްދުގަ އެވެ. ބޮޑީބޯޑިން ލީގުގެ ދެ ވަނަ މުބާރާތް ކަމަށްވާ ފުވައްމުލަކު ޗެލެންޖު މިހާރު ބާއްވަން ނިންމާފައިވަނީ 21-29 ސެޕްޓެމްބަރުގަ އެވެ. ފުވައްމުލަކުގައި ބާއްވާ މި މުބާރާތް ކުރިން މިމުބާރާތް ބާއްވަން ހަމަޖެހިފައި އޮތީ ޖޫން 21-30 އަށެވެ. ގައުމީ ލީގުގެ ތިން ވަނަ މުބާރާތް ކ. ތުލުސްދޫގައި ބާއްވަން ނިންމާފައިވަނީ އޮކްޓޯބަރު 13-21 އަށެވެ. ލީގުގެ ފަހު މުބާރާތް ކަމަށްވާ ގައުމީ ބަނޑުފިލާ ޗެލެންޖު ބާއްވަން ނިންމާފައިވާ އާ ތާރީހަކީ ނޮވެމްބަރު 12 އިން ޑިސެމްބަރު އެކަކަށެވެ. ދުނިޔޭގެ އެންމެ މަތީ ފަންތީގެ ބޮޑީބޯޑަރުން ވާދަކުރާ މޯލްޑިވްސް ޕްރޯ މުބާރާތް އޮންނާނީ އޮގަސްޓް 3-12 އަށެވެ.

ކޮމެންޓް

ފަހުގެ ޚަބަރު

ހުޅުމާލެ ސިންތެޓިކް ޓްރެކްގެ މަސައްކަތް ފަށަނީ

ހުޅުމާލޭ ސިންތެޓިކް ޓްރެކް ބައިނަލްއަގުވާމީ މިންގަނޑުތަކަށް ފެއްތުމަށްޓަކައި، އެ ތަނުގެ މެޓީރިއަލް ބަދަލުކޮށް އަލުން އެޅުމުގެ އަމަލީ މަސައްކަތް އަންނަ ބުރާސްފަތި ދުވަހު ފެށުމަށް ވަނީ ނިންމާފައި. އެކަން ފާހަގަކުރައްވައި ސްޕޯޓްސް މިނިސްޓަރު ރާފިއު ވިދާޅުވި ގޮތުގައި، މި މަޝްރޫއުގެ އަމާޒަކީ އަންނަ ޖެނުއަރީ މަހަށް މަސައްކަތް ނިންމުން

މާޒިޔާގެ އެސިސްޓަންޓް ކޯޗު ސުޒެއިރު 10 މެޗަށް ސަސްޕެންޑުކޮށްފި

މާޒިޔާގެ އެސިސްޓެންޓް ކޯޗު އަހުމަދު ސުޒައިރު 10 މެޗަށް ސަސްޕެންޑުކޮށް، 15،000 ރުފިޔާއިން ޖޫރިމަނާ ކުރަން ފުޓްބޯލް އެސޯސިއޭޝަން އޮފް މޯލްޑިވްސް އިން މިރޭ ނިންމައިފި އެވެ.

20 އަހަރުގެ ބޫންސަން އަށް ދެ ގޭމްސް ރެކޯޑާ އެކު ދެ ރަން މެޑަލް!

ޖަޕާނުގައި ކުރިއަށްދާ އޭޝިއަން ގޭމްސްގެ 100 މީޓަރާއި 200 މީޓަރު ދުވުމުން، އާ ރެކޯޑުތަކަކާއެކު ތައިލެންޑުގެ ޕުރިޕޯލް ބޫންސަން ރަން މެޑަލް ހޯދައިފި. އުމުރުން 20 އަހަރުގެ ބޫންސަން ވަނީ 200 މީޓަރުގެ ރޭސް 19.88 ސިކުންތުން ނިންމައި، އޭޝިއާގެ ރެކޯޑާ ހަމަކޮށް ތައިލެންޑަށް ތާރީޚީ ކާމިޔާބީއެއް ހޯދައިދީފައި.

ރާއްޖޭން ޓީ20 ވޯލްޑް ކަޕް ކޮލިފައިންގެ ކުރިން ލަންކާ ކޭމްޕަކަށް

އަންނަ މަހު މެލޭޝިއާގައި ބާއްވާ ޓީ20 ވޯލްޑް ކަޕް ކޮލިފައިންގައި ވާދަކުރުމުގެ ކުރިން، ތަމްރީނުތަކާއި ދެ މެޗު ކުޅުމަށް ރާއްޖޭގެ ގައުމީ ކްރިކެޓް ޓީމު މިއަދު ސްރީ ލަންކާއަށް ފުރައިފި. އާ ކޯޗު އަސަދުﷲ ހާންގެ ބެލުމުގެ ދަށުން ކުރިއަށްދާ މި ކޭމްޕަށްފަހު، ރާއްޖޭގެ ފުރަތަމަ މެޗުގައި އަންނަ މަހުގެ 8 ވަނަ ދުވަހު ނުކުންނާނީ ޗައިނާއާ ދެކޮޅަށް.

އޮޑީގެ ކޯޗަކަށް ވިކްޓަރީ އަށް ކުރިން ކުޅުނު ތެއިލާ ހަމަޖައްސައިފި

އޮޑި ސްޕޯޓްސް ކްލަބުގެ އާ ކޯޗަކަށް، ކުރިން ވިކްޓަރީއަށް ކުޅުނު އާޖެންޓީނާގެ ލޫޝިއާނޯ ތެއިލާ ހަމަޖައްސައިފި. އޭނާ އަކީ މި ސީޒަނުގައި އެ ކްލަބާ ހަވާލުވި ދެވަނަ ކޯޗު ކަމަށްވާއިރު، މީގެ ކުރިން އޭނާ ވަނީ ދެކުނު އެމެރިކާގެ އެކި ގައުމުތަކުގެ ކްލަބުތަކަށް ކޯޗުކަން ކޮށްދީފައި

އިޒްރޭލާ ދެކޮޅަށް ކުޅޭ މެޗަށް އަޔަލެންޑު ޓީމުން ނެގީ ވޯޓެއް

ފަލަސްތީނަށް އިޒްރޭލުން ދެމުންދާ ހަމަލާތަކާ ގުޅިގެން، އެ ގައުމާ ދެކޮޅަށް ކުޅޭ މެޗު ބޮއިކޮޓް ކުރުމާ މެދު އަޔަލެންޑްގެ ކުޅުންތެރިންގެ މެދުގައި ވޯޓެއް ނަގައިފި. ޓީމުގެ ގިނަ ކުޅުންތެރިންގެ ނިންމުމާ އެއްގޮތަށް މެޗު ކުޅެން ނިންމި ނަމަވެސް، ބައެއް ކުޅުންތެރިން ވަނީ އިޒްރޭލާ ދެކޮޅަށް ކުޅެން ދެކޮޅު ހަދައިފައި.

ޓާފް ދަނޑެއްގައި ކުޅެން ޖެހޭތީ ސޫދާނާ ދެކޮޅަށް ސަލާހު ނުފެންނާނެ

އެފްރިކަން ކަޕް އޮފް ނޭޝަންސްގެ ކޮލިފައިންގައި ސައުތު ސޫދާނާ ދެކޮޅަށް ކުޅޭ މެޗުގައި، އާޓިފިޝަލް ޓާފް ދަނޑެއްގައި ކުޅެން ޖެހޭތީ އަނިޔާއިން ސަލާމަތްވުމަށްޓަކައި މިސްރުގެ ކެޕްޓަން މުހައްމަދު ސަލާހު ނުކުޅެން ވަނީ ނިންމާފައި. މި ނިންމުމަކީ ކޯޗު ހޮސާމް ހަސަންއާ މަޝްވަރާކުރުމަށްފަހު ސަލާހު އެދިގެން ނިންމި ނިންމުމެއް

Newsletter

Get the latest news delivered straight to your inbox