މާލެއިން ސިނަމާލެ ބުރިޖަށް އަރާ ސަރަހައްދުގައި ހުންނަ ޓްރެފިކް ލައިޓު ކައިރިން ވޭނަކާއި ސައިކަލެއް ޖެހި ރޭ ހިނގި ނުރައްކާތެރި އެކްސިޑެންޓެއްގައި އެކަކަށް އަނިޔާވެއްޖެ އެވެ.
ފުލުހުން މިރޭ ބުނި ގޮތުގައި މި އެކްސިޑެންޓުގެ ރިޕޯޓު އެ އިދާރާއަށް ލިބިފައިވަނީ ރޭ މެންދަމު 2:30 ހާއިރު އެވެ. އަދި މި ހާދިސާގައި އަނިޔާވެފައިވަނީ ސައިކަލު ދުށްވަން އިން މީހާ ކަމަށާއި އެއީ 26 އަހަރުގެ ދިވެހި ފިރިހެނެއް ކަމަށްވެސް ފުލުހުން ވަނީ ބުނެފަ އެވެ.
މި އެކްސިޑެންޓުގެ މައްސަލަ ފުލުހުން ތަހުގީގުކުރަމުންދާ ކަމަށް ބުނެފައިވާއިރު ހާދިސާގައި އަނިޔާވި ފަރާތަށް ލިބުނު ގެއްލުމުގެ ތަފުސީލެއް ދީފައެއް ނުވެ އެވެ. އޭނާއަށް ފަރުވާ ދެމުން ގެންދާ އޭޑީކޭ ހޮސްޕިޓަލުންވެސް އޭނާގެ ހާލަތާމެދު އިތުރު ތަފުސީލެއް މިހާތަނަށް ލިބިފައެއް ނުވެ އެވެ.
މައުލޫމާތު ލިބިފައިވާ ގޮތުގައި ރޭގެ އެކްސިޑެންޓު ހިންގަން މެދުވެރިވީ ވޭނުގެ ކޮންޓްރޯލް ނެއްޓިގެން ގޮސް ސައިކަލުގައި ޖެހުމުގެ ސަބަބުންނެވެ.
