މިދިޔަ ޖެނުއަރީ މަހުގެ 31 ވަނަ ދުވަހު ކ. އަތޮޅު ކުޑަގިރި ފަރަށް އެރި ބޯޓުގެ ވެރިފަރާތް 3.9 މިލިއަން ރުފިޔާއިން ޖޫރިމަނާކޮށްފި އެވެ.
އެންވަޔަރަމެންޓު ޕްރޮޓެކްޝަން އެޖެންސީ (އީޕީއޭ)އިން މިއަދު ނެރުނު ނޫސް ބަޔާނެއްގައި ބުނެފައި ވަނީ "އެސްޔޫވީ. މާރިއާ ސިންްތަޔާތިރިޔާ ރިޔާނާ" ނަމަކަށް ކިޔާ މި އުޅަނދު ފަރަށް އެރުމާ ގުޅިގެން އުޅަނދުގެ ވެރިފަރާތުންނާއި އީޕީއޭއިން ކުރި ސާވޭއަށް ރިއާޔަތްކޮށް ކުޑަގިރި ފަރުގެ 130 އަކަމީޓަރުގެ ސަރަހައްދަކަށް ގެއްލުން ލިބިފައިވާކަންް ފާހަގަކުރެވިފައިވާ ކަމަށެވެ.
އެ ފަރަށް ލިބިފައިވާ ގެއްލުމުގެ ބަދަލުގެ ގޮތުގާ 3،098،710 ރުފިޔާ 30 ދުވަހުގެ ތެރޭގައި އީޕީއޭއަށް ދެއްކާ ހަލާސްކުރުމަށް އީޕީއޭއިން ވަނީ އެ ބޯޓުގެ ވެރިފަރާތަށް އަންގާފަ އެވެ.
ކުޑަގިރިއަކީ މި ސަރުކާރުން މާލެ ސަރަހައްދުގައި ދިރިއުޅޭ މީހުނަށް ހާއްސަކޮށް ތަރައްގީކޮށްފައިވާ ޕިކްނިކު އައިލެންޑެކެވެ. މީގެ ކުރިންވެސް ފަރަށް އެރުމާ ގުޅިގެން ލިބޭ ގެއްލުންތައް ބަލާ ބޮޑެތި އަދަދުތަކުން އުޅަނދުތައް ޖޫރިމަނާކޮށްފައި އެބަހުއްޓެވެ.
