މިމަަހުގެ ހަތަރު ވަނަ ދުވަހުންް ފެށިގެން ގެއްލިގެން ހޯދަަމުން ދަނިކޮށް ބުރާާސްފަތި ދުވަހު ފެނުނު ސ. މަރަދޫފޭދޫ، ގަސްކަރަ، މުހައްމަދު އާސިރު އިސްމާއީލް ފެނުމާ ހަމައަށް ކަންކަން ހިނގި ގޮތް ބެލުމަށް ތަހުގީގެއް ކުރިއަށް ގެންދާކަމަށް ފުލުހުން ބުނެފި އެވެ.
ބުރާސްފަތި ދުވަހުގެރޭ އާސިރު ފެނިފައި ވަނީ އެއާޕޯޓު ޓާމިނަލް ތެރެއިންނެވެ. އޭނާ ގެއްލިގެން ހޯދަމުން ދިޔަ މުއްދަތުގައި ފުލުހުން ވަނީ އާސިރު ޓެކްސީއެއްގައި ގޮސްް އެއާޕޯޓު ޓާމިނަލަށް ފޭބިކަމަށް ބުނެފަ އެވެ. އަދި އޭގެ ފަހުން އޭނާ އެއްވެސް ތަނަކަށް ވައިގެމަގުންް ނުވަތަ ކަނޑުމަގުންްވެސް ފުރިކަން ހޯދިފައި ނުވާކަމަށް ފުލުހުން އޭރު ބުނެފައި ވެއެވެ.
ފުލުހުން މީޑިއާތަކަަށް މިރޭ ފޮނުވި މެސެޖެއްގައި ބުނެފައި ވަނީ އާސިރު ގެއްލިގެން ފެނުމާ ހަމައަށް ކަންް ހިނގި ގޮތް ތަހުގީގުކުރަމުން އަންްނަ ކަމަށެވެ.
އާސިރު ހޯދުމުގެ މަސައްކަތް ކުރަމުންް ދަނިކޮށް އޭނާ ގެއްލުނުތާ 13 ވަނައަށް ވީ ދުވަހު އެއާޕޯޓު ތެރެއިން ފެނުނު ކަމަށް އިއުލާނުކުރި ނަމަވެސް އެކަމުގެ ތަފްްސީލެއް ފުލުހުން ހާމަކޮށްފައި ނުވުމުން ގިނަ މީޑިއާތަަކަކުންްް ވަނީ ކަންބޮޑުވުން ފާޅުކޮށްފަ އެވެ.
އާސިރު ހޯދިފައިވާއިރު އއ. މަތިވެރި މީހަކުވެސް ގެއްލިގެން ހޯދަމުން އެބަ ދެއެވެ. އެހެންް ނަމަވެސް އަދި އޭނާ ފެނިފައި ނުވާކަމަށް ރަށު ކައުންސިލާއި ފުލުހުން ބުނެފައި ވެއެވެ.
