ރޭ ދަންވަރުގެ ވަގުތެއްގައި މާލޭގައި މާރާމާރީއެއް ހިންގާ އެކަކު ޒަހަމްކޮށްލައިފި އެވެ.
ފުލުހުން ބުނެފައިވަނީ މި މާރާމާރީގެ ރިޕޯޓު އެ އިދާރާއަށް ލިބިފައިވަނީ ރޭ ދަންވަރު 3:00 ހާއިރު ކަމަށާއި މާރާމާރީ ހިނގާފައިވަނީ ހެންވޭރު އަސްރަފީ މަގުގައި ކަމަށެވެ.
އަދި، މި މާރާމާރީގައި އެކަކަށް އަނިޔާވެފައިވާ ކަމަށާއި އެމީހާ އައިޖީއެމްއެޗަށް ގެންގޮސް ފަރުވާދީފައިވާ ކަމަށް ފުލުހުން ވަނީ ބުނެފަ އެވެ.
މި މައްސަލައާ ގުޅިހެން މިހާތަނަށް އެއްވެސް މީހަކު ހައްޔަރުކޮށްފައެއް ނުވެ އެވެ.
ފުލުހުން އިތުރަށް ބުނީ މި މައްސަލަ އެ އިދާރާއިން ތަހުގީގުކުރަމުންދާ ކަމަށެވެ. ނަމަވެސް، މާރާމާރީއާ ބެހޭ އިތުރު ތަފުސީލެއް ނުވަތަ އަނިޔާވި މީހާއަށް ލިބުނު އަނިޔާގެ ތަފުސީލެއް ވެސް ފުލުހުން ދީފައެއް ނުވެ އެވެ.
ފާހަގަކޮށްލެވޭ ގޮތުގައި މިދިޔަ އަހަރުގެ ފަހުކޮޅުވެސް އަސްރަފީ މަގުގައި ވަނީ މާރާމާރީއެއް ހިންގާފަ އެވެ.
