ބޭރަށް ހިންގުމުގެ ބަލި ފެތުރިދާނެތީ ރައްކާތެރިކަމުގެ ފިޔަވަޅު އެޅުމަށް ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން އިލްތިމާސްކޮށްފި އެވެ.
އެޗްޕީއޭ އިން ބުނީ، ބޭރަށް ހިނގުމުގެ އަލާމާތެއް ފެނިއްޖެ ނަމަ ރައްކާތެރިކަމުގެ ފިޔަވަޅު އެޅުން މުހިންމު ކަމަށެވެ. އެގޮތުން ބޭރަށް ހިންގާނަމަ ތިބާ އާއި އެހެން މީހުންގެ ރައްކާތެރިކަމަށްޓަކައި ގިނަ ގިނައިން ލޮނުޕެކެޓް، ފެން އަދި ސޫޕް ދަފަ ދިޔާ ތަކެތި ބޭނުން ކުރަން އެޗްޕީއޭއިން ވަނީ އެދިފަ އެވެ.
އަދި ފާހާނާ ކުރުމަށްފަހު އަދި ކާބޯތަކެތި ތައްޔާރުކުރުމުގެ ކުރިން ރަނގަޅަށް އަތްދޮވުން ފަދަ ކަންކަން ކުރުމަށް ވަނީ އިރުޝާދު ދީފަ އެވެ.
އަދި ބޭރަށް ހިންގުމުގެ އަލާމާތްތައް ނުފެންނަތާ އެއް ދުވަސް ވަންދެން ދަރިވަރުން ސްކޫލަށް ނުދިއުމަށާއި، ވަޒީފާއަށް ނުގޮސް ގޭގައި މަޑުކުރުމަށްވެސް ވަނީ އެދިފަ އެވެ.
މި ބަލީގެ އަލާމާތްތަކުގެ ތެރޭގައި:
- އާދަޔާ ހިލާފަށް ކަރުހިއްކުން
- ބޮލަށް އެނބުރުން އެރުން
- މާބޮޑަށް ވަރުދެރަވެ ދިޔާތަކެތި ބޭނުންކުރެވޭ ގޮތް ނުވުން
- ކުޑަކަމުދެވޭ މިންވަރު މަދުވުން
- ގިނައިން ހޮޑުލެވުން
- ލެވޭ ހޮޑުަގއި ނުވަތަ ބޮޑުކަމުދެވޭ ތަކެތީގައި ލޭގެ އަސަރު ހުރުން
- އާދަޔާ ހިލާފަށް ބަނޑުގައި ރިއްސުން
