މަދަރުސާތަކުގައި ކިޔަވާ ދަރިވަރުންގެ ވަށައިގެންވާ މާހައުލަކީ އުފާވެރިތަނަކަށް ހެދުމަށް ދަރިވަރުން އިސް ނަގައިގެން މާލެ ސަރަހައްދު ސްކޫލްތަކުގައި ވަރަށް ހާއްސަ ކެމްޕެއިނެއް ފަށައިފި އެވެ.
އެޑިއުކޭޝަން މިނިސްޓްރީން ބުނީ "ސްމައިލް އޮން" ގެ ނަމުގައި ހިންގާ ކެމްޕެއިނުގައި ދަރިވަރުން، އެކަކު އަނެކަކުގެ ރަނގަޅު ސިފަތައް ދަނެގަނެ އެކަން ފާހަގަ ކުރާނެ ކަމަށެވެ. އެއިރުން ވަށައިގެންވާ މާހައުލަކީ އުފާވެރި ތަނަކަށް ހެދުމަށް މަގުފަހިވާނެ ކަމަށެވެ.
ދުނިޔޭގެ އެންމެ ބައިބޯ އެއް ވެރިކަން ކުރާ ރަށް މާލޭގައި މިއަދު ފެށި ކެމްޕެއިނުގެ ސަބަބުން "ސްކޫލްތަގައި އުފާވެރި މާހައުލެއް ގާއިމްކުރެވި އެކަކު އަނެކަކަށް އިހްތިރާމް ކުރާ، އަދި ކަންކަމާމެދު ރަނގަޅު ވިސްނުން ގެންގުޅޭ ސްކޫލް މުޖުތަމައެއް ގާއިމުވެގެންދާނެ" ކަމަށް ސަރުކާރުން ބުނެ އެވެ. .
އެ ކެމްޕެއިން ކުރިއަށްދާ މުއްދަތުގައި ސްކޫލްތަކުގައި އެކި ހަރަކާތްތައް ކުރިއަށްދާނެ ކަމަށް އެޑިއުކޭޝަން މިނިސްޓްރީން ބުނެ އެވެ.
އޭޭގެ އިތުރުން، ފަހުގެ ތާރީހެއްގައި މާލެ ނޫން އެހެން ރަށްރަށުގައި ވެސް އެ ކެމްޕެއިން ފަށާނެ ކަމަށް ސަރުކާރުން ބުންޏެވެ.
