ފުލުހުން މާލެ ސަރަހައްދުގައި އިއްޔެ ހިންގި އޮޕަރޭޝަނެއްގައި 11 ކިލޯ މަސްތުވަތަކެތި އަތުލައިގެންފި އެވެ.
ޕޮލިސް ކޮމިޝަނަރު މުހައްމަދު ހަމީދު ކުރެއްވި ޓްވީޓެއްގައި ވިދާޅުވީ އިއްޔެ މާލެ އަދި ހުޅުމާލޭގައި ކުރިއަށް ގެންދިޔަ ހާއްސަ އޮޕަރޭޝަނެއްގައި ހަތަރު ސަރަހައްދަކުން 11.26 ކިލޯގެ މަސްތުވާތަކެތި އަތުލައިގެންފައިވާ ކަމަށެވެ.
އަަތުލައިގެންފައި ވަނީ މަސްތުވާތަކެތީގެ ބާވަތެއް ކަމަށްވާާ ކެނެބިސް ކަމަށް ވެސް ހަމީދު ވަނީ ވިދާޅުވެފަ އެވެ.
މި މައްސަލައާ ގުޅިގެން މިހާތަނަށް ހަަތަރު މީހަކު ހައްޔަަރުކޮށްފައިވާކަމަށް ވެސް ހަމީދު ވަނީ ވިދާޅުވެފަ އެވެ.
ފުލުހުން މިހާރު އަންނަނީ މި މައްސަލަ އިތުރަށް ތަހުގީގުކުރަމުންނެވެ.
ދާދި ފަހުން މާލޭގައި ހިންގި މިފަދަ އޮޕަރޭޝަނެއްގައި 6.8 ކިލޯގެ މަސްތުވާތަކެއްޗާއި މިލިއަނަކާ ގާތްކުރާ އަދަދަށް ފައިސާ އަތުލައިގަތެވެ.
އެ މައްސަލާގައި މަސްތުވާތަކެތި އެތެރެކޮށް ފުޅާކޮށް ވިޔަފާރިކުރާ ގޭންގެއްގައި ހިމެނޭ 17 މީހަކު ހައްޔަރު ވެސް ކުރި އެވެ.
މާލެ ސަރަހައްދުގައި މަސްތުވާތަކެތި ވިއްކުމާއި ބޭނުންކުރުމުގެ މައްސަލަތައް އަންނަނީ ދުވަހެއް ދުވަހަކަށް އިތުރުވަމުންނެވެ.
