މި މަހުގެ 28 ވަނަ ދުވަހު އިސްލާމީ މަރުކަޒުގައި އިމާމުވެ ހުކުރުކޮށްދެއްވާނީ ދުނިޔޭގެ މަޝްހޫރު ދީނީ އިލްމުވެރިއެއް ކަމަށްވާ މުފުތީ މެންކް ކަން އިސްލާމިކް މިނިސްޓްރީން މިއަދު ބުނެފި އެވެ.
އިސްލާމިކް މިނިސްޓަރު ޑރ. އަހުމަދު ޒާހިރު މިއަދު ކުރެއްވި ޓްވީޓެއްގައި ވިދާޅުވީ އެ ދުވަހު މުފުތީ ދެއްވާ ޚުތުބާގެ މައުޟޫއަކީ ﷲ ތަޢާލާއާ އޮންނަ ގުޅުން ބަދަހިކުރުން ކަމަށެވެ.
"އިރާދަކުރެއްވިއްޔާ 28 އޮކްޓޯބަރުވާ ހުކުރު ދުވަހު، އިސްލާމީ މަރުކަޒުގައި އިމާމުވެ ހުކުރު ކުރައްވާނީ މުފުތީ މެންކް،" މިނިސްޓަރުގެ ޓްވީޓްގައި ލިޔުއްވާފައިވެ އެވެ.
މިހާރު ދުނިޔޭގައި ތިއްބެވި އެންމެ ނުފޫޒުގަދަ އިލްމުވެރިންގެ ލިސްޓުގައި ހިމެނިވަޑައިގަންނަވާ މުފުތީ ރާއްޖެ ވަޑައިގަންނަވާއިރު، ދަރުސްތަކެއް ދެއްވުމަށް ހަމަޖެހިފައިވެ އެވެ.
މީގެ ކުރިން ވެސް ރާއްޖެއަށް ވަޑައިގެން ޒިމްބާބްވޭއަށް އުފަން އެ އިލްމުވެރިޔާ ދަރުސްތަކެއް ދެއްވާފައިވެ އެވެ. އަދި 2020 ވަނަ އަހަރު ރާއްޖެ ވަޑައިގެން ހުކުރު ކޮށްދެއްވާފައިވެސް ވެ އެވެ.
