ރަށު ނޯޓު: މަސައްކަތްތެރި، މަސްވެރި މާކުރަތު

މާކުރަތުގެ މަތިން ނަގާފައިވާ ފޮޓޯއެއް. މި ރަށް އުފެދިފައިވަނީ ރަށުގެ ތިން ބިތް ވެސް އެއް ވަރަކަށް. -- ފޮޓޯ: މާކުރަތުނިއުސް

މާކުރަތުގެ މަތިން ނަގާފައިވާ ފޮޓޯއެއް. މި ރަށް އުފެދިފައިވަނީ ރަށުގެ ތިން ބިތް ވެސް އެއް ވަރަކަށް. -- ފޮޓޯ: މާކުރަތުނިއުސް

މާކުރަތޭ ބުނުމުން އެއީ ކޮން ރަށެއްހޭ، ކޮން އަތޮޅެއްގެ ރަށެއްހޭ މީހުން ސުވާލުކުރެ އެވެ. ރަށުގެ ވާހަކަ ފަށަންވީ، މާކުރަތު ފަޤީހު މުހައްމަދު ރަސްގެފާނާ ހަމައިންނެވެ. މާކުރަތަށް ނިސްބަތްވާ ކަމަށް ބުނާ ފަޤީހު މުހައްމަދު ރަސްކަން ހޯއްދެވީ އާދަޔާ ހިލާފު ގޮތަކަށެވެ. އެ ރަސްކަލުން ކައިވެނި ބައްލަވައިގެން އުޅުއްވީ ރެހެންދި ހަދީޖާގެ ކޮއްކޯފުޅު އައްސުލްޠާނާ (ފާތިމަތު) ރާދަފަތި ކަނބައިދިކިލެގެ ސިރީ ސޯމަ އަބާރަނަ ރެހެންދި އާ އެވެ. ރެހެންދި ހަދީޖާ އަވަހާރަވުން މީލާދީން 1359 ގައި ރާދަފަތި ކަނބައިދިކިލެގެ ރަނި ކަމަށް ވަޑައިގަތެވެ. ނަމަވެސް ދެ މަސްވީތަނާ އެ ކަމަނާގެ ފިރިކަލުން، މާކުރަތު ފަޤީހު މުހައްމަދު، ރަސްކަން އަތުލެއްވި ކަމަށް ތާރީހީ ލިޔުންތަކުގައި ބުނެފައިވެ އެވެ. ފަޤީހު މުހައްމަދު ގާތްގަނޑަކަށް ދެ އަހަރު ރަސްކަން ކުރެއްވި އެވެ.

މާޅޮސްމަޑުލު އުތުރުބުރި ނުވަތަ ރ އަތޮޅު މާކުރަތަކީ އުފެދުމުގައި ވެސް ތަފާތު، ޒަމާންވީ ސަގާފަތެއް އޮތް ރަށެކެވެ. ނަދުރު ބުނުމަށް ހާއްސަ ރުކެއް ރަށުގެ އިރުމަތީ ފަރާތުގައި ހުއްޓެވެ. ދާދި ފަހަކާ ޖެހެންދެން ރަށު މީހުން މި ރުކަށް ނަދުރު ބުނެ، ރުކުގެ ބުޑަށް ދޮންވެލި ލައި އުޅުނު ކަމަށް ބުނެ އެވެ. ރަށުގެ ކުރީގެ ހުކުރު މިސްކިތާއި ވަގުތު ގަލަކީ ވެސް ރަށުގައި ދިގު ތާރީހެއް އޮތް ކަމުގެ ދަލީލެކެވެ.

ރާއްޖޭގެ ގިނަ ރަށްތައް އުފެދިފައިވާ ބައްޓަމާ ހިލާފަށް ތިން ބިތަށް، ތިން ބިތް ވެސް އެއްވަރަށް އުފެދިފައިވާ، 48 ހެކްޓަރުގެ މި ރަށަށް ދެވިފައިވާ އިނގިރޭސި އަކުރާއި ނަންބަރަކީ އީ-9 އެވެ. ރަށުގެ ޖުމުލަ އާބާދީ 1372 އަށް އަރާފައިވާއިރު، ރަށުގައި ދިރިއުޅެނީ 800 މީހުންނެވެ.

Advertisement

ޒަމާނުއްސުރެ ވެސް މަސައްކަތްތެރި އަދި މަސްވެރި މާކުރަތުގެ އިގުތިސޯދުގެ މައިގަނޑު ހަރަކާތަކީ މިހާރު ވެސް މަސްވެރިކަމާއި ހުއިފިލަނޑާ ނެގުމާއި އިހި ނެގުމެވެ. މި މަސައްކަތަށް ދޭ ސަމާލުކަން އުޅަނދު ފަހަރުގެ އަދަދުން އެކަނި ވެސް އެނގެ އެވެ. މާކުރަތު ކައުންސިލުން ބުނާ ގޮތުގައި އެ ރަށުގައި 47 މަސްދޯނި އޮތްއިރު، ކުދި ދޯނީގެ އަދަދަކީ ހަތެކެވެ. ބައްތިރީސް ޑިންގީ އާއި ތިން ލޯންޗު އޮވެ އެވެ.

ރެއާއި ދުވާލު ކަނޑާއި ފަޅު ފީނުމުގައި އުޅޭއިރު ޒުވާނުންނަށް ނުރައްކާތެރި ހާދިސާތައް ވެސް ކުރިމަތިވެފައިވެ އެވެ. ވަޑާމުގެ މަސައްކަތްކުރުމުގައި ވެސް މި ރަށުގައި ޒުވާން ޖީލުގެ ބައިވެރިވަމުން ބޮޑުވެ.

މާކުރަތު ބަނދަރު ބޮޑުކުރުމުގެ މަސައްކަތް މިހާރު ވަނީ ފަށައިފަ. -- ފޮޓޯ: މާކުރަތުނިއުސް
މާކުރަތު ބަނދަރު ބޮޑުކުރުމުގެ މަސައްކަތް މިހާރު ވަނީ ފަށައިފަ. -- ފޮޓޯ: މާކުރަތުނިއުސް

މާކުރަތު ބަނދަރު ބޮޑުކުރުމުގެ މަސައްކަތް މިހާރު ވަނީ ފަށައިފަ. -- ފޮޓޯ: މާކުރަތުނިއުސް

ވޭތުވެދިޔަ ދުވަސްތަކުގައި މާކުރަތަކީ ބާކީ ކޮށްލާފައި އޮތް ރަށެކެވެ. ރަށުގައި ކަރަންޓްގެ މައްސަލަ ބޮޑުވެ، ރައްޔިތުން 2018 ގައި މަގުމަތީގަ އާއި ޖޯލިފަތިތަކުގައި ނިދަން ޖެހުނެވެ. ނަމަވެސް، ރައީސް އިބްރާހިމް މުހައްމަދު ސޯލިހު ވެރިކަމަށް ވަޑައިގަތުމަށް ފަހު އެންމެ ފުރަތަމަ އިސްކަން ދެއްވި ލިސްޓުގައި މާކުރަތުގެ ކަރަންޓްގެ މައްސަލަ ހައްލުކުރުން ހިމެނުއްވި އެވެ. މަސްވެރި މި ރަށަށް ދިމާވެފައިވާ އެހެން މައްސަލަތައް ވެސް ދަނީ ހައްލު ކުރަމުންނެވެ. ރަށުގައި ގިނަ އަދަދެއްގެ ދޯނިފަހަރު ގެންގުޅޭއިރު ބަނދަރެއް އޮތަސް ބަނދަރު އޮތީ ކުޑަވެފަ އެވެ. އެހެންވެ، ބަނދަރު ބޮޑުކުރުމުގެ މަސައްކަތް މިހާރު ވަނީ ފަށައިފަ އެވެ. ރަށުގެ ނަރުދަމާ ގާއިމުކޮށް ނިންމާފައިވާއިރު، ފެނުގެ ނިޒާމު ގާއިމު ކުރުމުގެ މަސައްކަތް އަންނަނީ ކުރަމުންނެވެ.

މި ރަށަކީ ތިޔާގި ރަށެކެވެ. ރަށުގައި 14 ފިހާރަ ހުރިއިރު، ތިން ކެފޭ، ތެޔޮ ވިއްކާ ތިން ތަން، ގޭސް ވިއްކާ ދެ ފިހާރަ އަދި ފާމަސީއެއް އެބަ ހުއްޓެވެ. ހަތަރު ވަޑާންގެ އެބަ ހުއްޓެވެ. ރ. އަތޮޅުގައި އަގު ބޮޑެތި ރިސޯޓްތައް ތަރައްގީވަމުން އަންނައިރު، އެ އަތޮޅުގައި މީހުން ދިރިއުޅޭ ރަށްރަށަށް ލޯކަލް ޓޫރިޒަމް ވަނީ ތައާރަފުކޮށްފަ އެވެ. މިވަގުތު މާކުރަތުގައި ހުރީ އެންމެ ގެސްޓް ހައުސްއެކެވެ.

ރަށަށް މިހާރު ކުރިމަތިވެފައިވާ އެންމެ ބޮޑު މައްސަލައަކީ ހުޅަނގު ފަރާތް ގިރުމުގެ މައްސަލަ އެވެ. މި މައްސަލަ ވެސް ހައްލުކުރުމަށް ވަނީ ބަޖެޓްކޮށްފަ އެވެ. ރަށުގެ ރީތިކަމާއި ޓޫރިޒަމް ތަރައްގީވަމުން ދިއުމާއެކު މިހާރަށް ވުރެ ބޮޑަށް މާކުރަތު އެނގިގެންދާނެ އެވެ. ކުރިއަށް އޮތީ ބޮޑު އީދެވެ. މާކުރަތަށް ޒިޔާރަތްކޮށްލަން ރަނގަޅު ފުރުސަތެކެވެ.

titledesc

ކޮމެންޓް

ފަހުގެ ޚަބަރު

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

ގްލެޑިއޭޓާ 2" ގެ ސެޓުގައި ހިނގި ހާދިސާއަކާ ގުޅިގެން ކޯޓަށް

"ގްލެޑިއޭޓާ 2" ގެ މަންޒަރެއް ކުޅެމުން ދަނިކޮށް ހިނގި އަލިފާނުގެ ހާދިސާއެއްގައި ހަށިގަނޑުގެ 15 އިންސައްތަ ފިހުނު އެކްޓަރަކު، ފިލްމު އުފެއްދި ކުންފުންޏާ ދެކޮޅަށް ކޯޓުގައި ދައުވާކޮށްފިއެވެ. މި ހާދިސާގެ ޒިންމާ ފިލްމީ ކުންފުނިން އުފުލި ނަމަވެސް، ލިބުނު އަނިޔާތަކަށް ބަދަލުގެ ގޮތުގައި އެދިފައިވާ 200،000 ޕައުންޑް ދިނުމަށް އެ ކުންފުނިން ވަނީ އިންކާރުކޮށްފައެވެ.

ދިގުވާހަކަ: ބުނާށޭ ލޯބި ނުވަނީހޭ

މި ވާހަކައިގައި ކިޔައިދެނީ އިވާން އާއި މައިރާގެ މެދުގައި ހިނގި ލޯބިވެތި ވަގުތުކޮޅެއްގެ ވާހަކައެވެ. ނަމަވެސް، ކޮޓަރީގެ ބޭރުން ނަދާލް ގޮވައިލި އަޑަށް އެ ދެމީހުންގެ ހަރަކާތްތަކަށް ހުއްޓުމެއް އައިސް، މައިރާ ނަދާލަށް ޖަވާބުދީ އެތަނުން ދާން މަސައްކަތް ކުރެއެވެ.

ދުނިޔެ ވަށާ ހިނގުމުގައި 28 އަހަރު ހޭދަކުރި މީހެއް އެނބުރި ގެއަށް

ދުނިޔެ ވަށައި ހިނގުމަށް 28 އަހަރު ދުވަހު 31،000 މޭލުގެ ދަތުރެއް ކުރި އިނގިރޭސިވިލާތުގެ ކާލް ބުޝްބީ، އޭނާގެ ދަތުރު ނިންމާލުމަށްފަހު އެނބުރި ގައުމަށް ގޮސްފިއެވެ. އަމިއްލަ ބާރުގައި އެކި ބައްރުތަކާއި ކަނޑުއޮޅިތައް ހުރަސްކޮށް އޭނާ ކުރި މި ދަތުރު ނިންމާލުމުން، އާއިލާ އާއި ގިނަ އަދަދެއްގެ ބަޔަކު ވަނީ އޭނާއަށް ހޫނު މަރުހަބާއެއް ކިޔާފައެވެ.

ޖަޕާނުގެ ބޮޑީބިލްޑަރެއް އުމުރުން 90 އަހަރުގައި ވެސް ސްޓޭޖަށް

ޖަޕާނުގެ އުމުރުން 90 އަހަރުގެ ޓޮޝިސުކޭ ކަނަޒާވާ، ސްޕެއިންގައި ބޭއްވި ބޮޑީބިލްޑިން މުބާރާތެއްގައި ވާދަކޮށް، އުމުރަކީ ދުޅަހެޔޮކަމަށް އޮތް ހުރަހެއް ނޫންކަން ސާބިތުކޮށްދީފިއެވެ. އޭނާގެ ދުޅަހެޔޮކަމުގެ ސިއްރަކީ ޖަޕާނުގެ ސަގާފީ ކެއުންތައް ކަމަށްވާ ބްރައުން ރައިސް އާއި މިސޯ ސޫޕް ފަދަ ތަކެތި ބޭނުންކުރުން ކަމަށްވާއިރު، އޭނާގެ އަމާޒަކީ އުމުރުން 93 އަހަރުގައިވެސް މުބާރާތެއްގައި ވާދަކުރުމެވެ.

Newsletter

Get the latest news delivered straight to your inbox