ހުރިހާ އެންމެން ނެޓްފްލިކްސް އިން ބަލަނީ "މެނިފެސްޓް"

މެނިފެސްޓްގެ ޕޯސްޓަރެއް

މެނިފެސްޓްގެ ޕޯސްޓަރެއް

ބޯ ހަމަޖައްސާލުމަށް ދިޔަ ކުރު ޗުއްޓީ ނިންމާލުމަށްފަހު ފުރަން އެރި ފްލައިޓުން މި އާދެވުނީ ފަސް އަހަރު ކުރިއަށޭ ބުނެފިނަމަ ދެން ވާނީ ކިހިނެއްބާ އެވެ؟ ވިސްނާލަން ކުޑަ ވަގުތުކޮޅެއް ބޭނުންވެދާނެ އެވެ. އެހެން ނަމަވެސް އެންމެން އެއްވާނެއްގައި، އެއްފޯރިއެއްގައި މިހާރު ދައްކަނީ މޮންޓެގޯ އެއާވޭސް ފްލައިޓް 828 އަށް ވީ ގޮތުގެ ވާހަކަ އެވެ. މިއީ، މީގެ ހަތަރު އަހަރު ކުރިން ރިލީޒްކުރެވުނު ސުޕާނެޗުރަލް ޑްރާމާ ސީރީޒް "މެނިފެސްޓް" ގެ ކުޑަ ހުލާސާ އެކެވެ.

ފާއިތުވި ދޮޅު ހަފްތާއެއްހާ ދުވަހު ނެޓްފްލިކްސްގެ ރާއްޖޭގެ ޗާޓުގެ އެއްވަނައިގައި ހިފަހައްޓާލި "މެނިފެސްޓް" ސީރީޒްގައި ފެނިގެންދަނީ ފްލައިޓް 828 ޖެމެއިކާ އިން އެމެރިކާގެ ނިއު ޔޯކްއަށް ކުރާ ދަތުރުގައި ފްލައިޓަށް ވީގޮތެއް ނޭނގި ގެއްލޭތާ ފަސް އަހަރާ ބައިވީ ފަހުން އެނބުރި އަންނަ ތަނެވެ. ފްލައިޓް އިން ދަތުރުކުރި މީހެއްގެ ސިފައަކަށް, އުޅުމަކަށް އަދި މިޒާޖަކަށް ވެސް އެއްވެސް ބަދަލެއް ނައިސް, ފަސް އަހަރު ފަހުގެ ދުނިޔެއަކަށް މަރުހަބާ ކިޔާއިރު އާއިލާއާ ރަހުމަތްތެރިންވެސް ތިބެނީ އެ ފަސިންޖަރުން އަބަދުގެ އަބަދަށް އަލްވަދާއު ކިޔައިފިކަމަށް ނިންމާ އާ ދިރިއުޅުމެއް އާރާސްތުކުރަން ފަށާފަ އެވެ.

ކާމިޔާބު ސީރީޒްތަކެއް މިހާތަނަށް ލިޔެ އަދި ނެރެފައިވާ ޖެފް ރޭކް އުފެއްދި މެނިފެސްޓްގެ ޕްލޮޓަކީ ގެއްލުނު މެލޭޝިއަން އެއާލައިން ފްލައިޓް 370ގެ ހާދިސާއިން އިންސްޕަޔާވެގެން ލިޔުނު ޕްލޮޓެއް ކަމަށް އޭނާ ބުނެ އެވެ. ސީރީޒްގެ ލީޑު ރޯލުތަކުން ފެނިގެންދާ ތަރިންގެ ތެރޭގައި ޑައިރީ އޮފް އަ ވިމްޕީ ކިޑް އިން މަގުބޫލުކަން ހޯދި މެލިސާ ރޮކްސްބާގް, ވަންސް އަޕޮން އަ ޓައިމް އިން ފެނިގެންދިޔަ ޖޯޝް ޑަލާސް އަދި ކެނޭޑިއަން އެކްޓްރެސް ޕަރްވީން ކޯރް ހިމެނެ އެވެ.

Advertisement

ސީރީޒްގައި މައިގަނޑު ގޮތެއްގައި ދައްކުވައިދެނީ އެ ފްލައިޓުން ދަތުރުކުރި 191 މީހުންނަށް އޭގެ ފަހުން އައި ބަދަލާއި, އެމީހުންނަށް ކުރިމަތިވާ އާދަޔާ ހިލާފު ކަންތައްތަކުގެ އިތުރަށް ފްލައިޓްއަށް ވީ ގޮތް ބަލައި ހޯދަން ކުރާ މަސައްކަތެވެ. މިގޮތުން އެނބުރި އައުމަށްފަހު ފްލައިޓްގެ ފަސިންޖަރުންނަށް އެކި ކަންކަމަށް ގޮވާލާ އެހީވުމަށް އަޑުތަކާއި, މަންޒަރުތައް ފެންނައިރު އެ ގޮވާލުންތަކުގެ އެހީގައި އެތައް ބައެއްގެ ފުރާނަ ސަލާމަތްކޮށް ބޮޑެތި ހާދިސާތަކުން ރައްކާތެރިވެވެ އެވެ.

ފުރަތަމަ ސީޒަންގައި ބޮޑަށް ފެނިގެންދަނީ ފަސިންޖަރުން އެމީހުންގެ "ނިއު ނޯމަލް" އަށް ހޭނެން ކުރާ މަސައްކަތާއި, އެ ދުވަސްތަކުގެ އުނދަގޫތަކާއި އެކި ޖަޒުބާތުތަކެވެ. އަދި ފްލައިޓަށް ވީގޮތުގެ ތެދު ހޯދުމަށް ކުރާ މަސައްކަތާއި ގާތަށް ޖެހިލާ "ޑެތު ޑޭޓް" ގެ ހަގީގަތް ދެވަނަ ސީޒަންގައި ފެނިގެންދެ އެވެ. އެއާއެކު ތިންވަނަ ސީޒަންގެ ފެށުމުގައި ފެނިގެންދަނީ ފްލައިޓްގެ ޓެއިލްފިން ކަނޑުން ފެނި ފްލައިޓްގެ ތަހުގީގުގެ މިސްރާބު މުޅިން ބަދަލުވެެގެންދާ ތަނެވެ.

"މެނިފެސްޓް" އެންމެ ފުރަތަމަ ރިލީޒްކުރީ އެންބީސީ ނެޓްވޯކްގަ އެވެ. ދެވަނަ ސީޒަން 2020ގައި ހަމަ އެ ނެޓްވޯކްގައި ރިލީޒްކުރި އިރު ތިންވަނަ ސީޒަން މިދިޔަ އަހަރު ނެރުމަށްފަހު އެންބީސީ އިން މި ޝޯ ކެންސަލް ކުރިއެވެ. އެއާއެކު ޖޫން 2021 ނެޓްފްލިކްސްގައި މެނިފެސްޓް އެޅުވުމާއެކު ޗާޓުތަކުގެ އެންމެ ކުރިން ޖާގަ ހޯދަން ފެށުމުން ސީރީޒްއަށް އޮތް ބޮޑު ޑިމާންޑް ފެނި ނެޓްފްލިކްސް އިން ވަނީ ސީރީޒްގެ ހަތަރުވަނަ ސީޒަން އިއުލާނު ކޮށްފަ އެވެ. ވިހި އެޕިސޯޑު ހިމެނޭ މި ސީޒަން ވެގެންދާނީ މެނިފެސްޓްގެ ފައިނަލް ސީޒަނަށެވެ. އަދި މިހާތަނަށް މި ސީޒަން ނެރޭނެ ތާރީހެއް ހާމަކޮށްފަ އެއް ނުވެ އެވެ.

ސީރީޒްގެ ކޮންމެ އެޕިސޯޑެއްވެސް ނިންމާލަންޖެހެނީ ދެން ވާނެ ގޮތެއް ބަލާލަން ކެތްމަދުކޮށްލާފަ އެވެ. މި ހަފްތާބަންދުގައި ބަލާނެ ސީރީޒްއެއް ނެތްނަމަ އަވަހަށް ނެޓްފްލިކްސް އިން މެނިފެސްޓް ބަލާލާށެވެ.

ފަހުގެ ޚަބަރު

އުމުރުން 70 އަށް ދުޅަހެޔޮކޮށް ދިއުމަށް ސައިންސްވެރިން އިރުޝާދު

އުމުރުން 30 ގެ އަހަރުތަކަކީ ހަށިގަނޑަށް ބަދަލުތައް އަންނަ ދުވަސްވަރަކަށް ވުމުން، މި އުމުރުގައި ކަސްރަތުކުރުމާއި ނިދުމުގެ އާދަތައް ރަނގަޅުކުރުމަކީ އުމުރުން ދުވަސްވާއިރު ދުޅަހެޔޮކަންމަތީ ހުރުމަށް އެޅޭ މުހިންމު ފިޔަވަޅެކެވެ. މީގެ އިތުރުން، އަނގަޔާއި ދަތްތަކުގެ ސިއްހަތަށް ސަމާލުކަން ދިނުމާއި ނުރަނގަޅު އާދަތަކާ ދުރުހެލިވުމަކީ މުސްކުޅިވުމުން ކުރިމަތިވާ ބަލިތަކުން ރައްކާތެރިކޮށްދީ އުމުރު ދިގުކޮށްދޭނެ ކަންކަމެވެ.

ޖީޓީއޭ 6 ރެކޯޑް މާކްސްއަކާއެކު ނެރެފި

ތޭރަ އަހަރުގެ ދިގު އިންތިޒާރަކަށްފަހު ނެރުނު ޖީޓީއޭ 6 އަށް ރެކޯޑް މާކްސްއެއް ލިބި، ގޭމިން ދާއިރާއަށް އިންގިލާބީ ބަދަލެއް ގެނުވައިފިއެވެ. މި ގޭމުގެ ގްރެފިކްސް އާއި ވާހަކަ ކިޔައިދޭ ގޮތް ފުރިހަމަވުމުގެ އިތުރުން، މިއީ މި ސިލްސިލާގައި އަންހެން ކެރެކްޓަރަކަށް މައިގަނޑު ދައުރެއް ދިން ފުރަތަމަ ފަހަރެވެ.

މަސް ނުކައިވެސް ހަށިގަނޑަށް ބޭނުންވާ ދަގަނޑު ހޯދިދާނެ!

މަހުގެ ބާވަތްތަކުގެ އިތުރުން ފަތްޕިލާވެއްޔާއި ގޮވާމުގެ ބާވަތްތަކުން ވެސް ހަށިގަނޑަށް ބޭނުންވާ ދަގަނޑުގެ މާއްދާ ހޯދިދާނެކަން ސިއްހީ މާހިރުން ފާހަގަކުރެއެވެ. މިގޮތުން ކާނާ ތައްޔާރުކުރާ ގޮތަށް ބަދަލު ގެނައުމާއި، ވިޓަމިން ސީ އެކުލެވޭ ތަކެއްޗާއެކު ކެއުމަކީ ގަސްގަހާގެހިން ލިބޭ ދަގަނޑު ހަށިގަނޑަށް ދަމައިގަންނަ މިންވަރު އިތުރުކޮށްދޭނެ ކަންކަމެވެ.

އާ ޖޭމްސް ބޮންޑަކަށް ރޮބަޓް ޕެޓިންސަން

ޖޭމްސް ބޮންޑުގެ ރޯލު ކުޅޭނެ އާ އެކްޓަރަކަށް އިނގިރޭސި އެކްޓަރު ރޮބަޓް ޕެޓިންސަން ހަމަޖައްސައި، 2028 ވަނަ އަހަރު ރިލީޒްކުރާ ބޮންޑު ސިލްސިލާގެ 26 ވަނަ ފިލްމު ޑެނިސް ވިލެނޫވް ޑައިރެކްޓްކުރާ ގޮތަށް އެމެޒޯން އެމްޖީއެމް އިން ވަނީ އިއުލާންކޮށްފައެވެ. މި ރޯލު ލިބުމަކީ ބޮޑު ޝަރަފެއް ކަމަށް ޕެޓިންސަން ބުނެފައިވާއިރު، މިއީ ޑެނިއަލް ކްރެއިގަށް ފަހު މި މަޝްހޫރު ޖާސޫސީ ރޯލުން ފެންނާނެ ހަތްވަނަ އެކްޓަރެވެ.

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

Newsletter

Get the latest news delivered straight to your inbox