އާތުރައިޓިސް: ކަށީގައި ރިހުން ކުޑަ ކުރަން ދިރިއުޅުމަށް ގެނެވޭނެ ބަދަލުތައް

ދިރިއުޅުމުގައި ވައްޓަފާޅި ބިނާ ކުރާ ގޮތުގެ ސަބަބުން ޖިސްމާނީ ދުޅަހެޔޮކަމަށް އަސަރު ކުރެ އެވެ. ރާއްޖެ ބަލި ނުވަތަ އާތުރައިޓިސް ހުންނަ މީހުންނަށް މިއީ ވިސްނަން ވަރަށް މުހިއްމު ކަމެކެވެ.

އާތުރައިޓިސްއަކީ ހަށިގަނޑުގެ ހުޅުތައް ދުޅަވުމާއެކު، މަޑުވުމަށް ދިމާވާ ހާލަތެކެވެ. މި ހާލަތުގެ މައިގަނޑު އަލާމާތްތަކަކީ ހުޅުތަކާއި ކަށީގައި ރިހުމެވެ. އުމުރުން ދުވަސް ވާ ވަރަށް ރިހުން ގޯސް ވެ އެވެ.

ނަމަވެސް އާތުރައިޓިސްއާ ގުޅިގެން ދިމާވާ ތަދުތަކާއި ރިހުންތަކަކީ ދިރިއުޅުމުގެ ވައްޓަފާޅިއަށް ބަދަލު ގެނެސްގެން މެނޭޖު ކުރެވިދާނެ ކަމެކެވެ. ތިރީގައި އެ ވަނީ އެގޮތުން ކުރެވިދާނެ ބައެއް ކަންކަމެވެ.

އާތުރައިޓިސްގެ ރިހުން ކޮންޓްރޯލް ކުރަން ބަރުދަން މުހިއްމު

މުޅި ހަށިގަނޑު ދުޅަހެޔޮ ސިއްހަތެއްގައި ބެހެއްޓުމަށް ރަނގަޅު ބަރުދަނެއްގައި ދެމި ހުންނަން ޖެހެ އެވެ. ހަށިގަނޑުގެ ދުޅަހެޔޮކަމުގެ ތެރޭގައި ކަށިތަކާއި ހުޅުތަކުގެ ދުޅަހެޔޮކަން ހިމެނެ އެވެ. ބަރުދަން އިތުރުވުމުގެ ސަބަބުން ހުޅުތަކަށް އިތުރު ބުރަ އުފުލަން ޖެހުމަކީ އާތުރައިޓިސްގެ ރިހުން ގޯސް ކުރާނެ ކަމެކެވެ.

ކަސްރަތު ކުރުން: ގަވާއިދުން ކަސްރަތުކޮށް، ރަނގަޅު ބަރުދަނެއްގައި ދެމިހުރުމުން ރިހުންތައް ކޮންޓްރޯލް ކުރެވޭނެ އެވެ.

ދުޅަހެޔޮ ޑަޔަޓެއް ގެންގުޅުން: ލޯ ފެޓް، ލޯ ކެލޮރީ ކާ އެއްޗެހި ހިޔާރު ކުރާށެވެ. ގިނަ ތަރުކާރީ އާއި މޭވާ ހިމެނޭ ގޮތަށް ކެއުންތައް ރާވާށެވެ.

ވިޓަމިން ސީ ގިނަކުރުން: ދިރާސާތަކުން ދައްކާ ގޮތުގައި ހަށިގަނޑަށް ދިމާވާ ދުޅަވުމުގެ މައްސަލައަށް ވިޓަމިން ސީއަކީ ރަނގަޅު އެއްޗެކެވެ.

ސްޓްރެސްގެ ސަބަބުން އާތްރައިޓިސްގެ ރިހުމަށް ކުރާ އަސަރު

ކަށިތަކާއި ހުޅުހުޅުގައި ރިހުމުގެ ސަބަބުން ސްޓްރެސްވެ، ޑިޕްރެސްވުމަކީ ބައެއް މީހުންނަށް ދިމާވާ ކަމެކެވެ. ނަމަވެސް މިފަދަ ޝުއޫރުތަކުގެ ސަބަބުން އެ ރިހުންތައް އިތުރަށް ގޯސްވުމަކީ ވެދާނެ ކަމެކެވެ.

ޗުއްޓީއެއް ނެގުން: ސްޓްރެސް ލެވެލް މެނޭޖު ކުރުމަށް ޗުއްޓީއެއް ނެގުން ފަދަ ކަމެއް ކުރެވިދާނެ އެވެ. ނަމަވެސް ޗުއްޓީގައި ވެސް ގަވާއިދުން ބޭސް ކައި، ކަސްރަތު ކުރުމަށް ސަމާލުކަން ދޭން ޖެހެ އެވެ.

ޝުއޫރުތައް ލިޔުން: ސްޓްރެސްވުން ފަދަ ކަމެއް ދިމާވާ ނަމަ އެ ވާހަކަތައް ހާމަ ކުރާށެވެ. ޑަޔަރީ ނުވަތަ ބްލޮގެއްގެ ސިފައިގައި މިކަން ކުރެވިދާނެ އެވެ.

އަރާމު ކުރުން: ކޮންމެ ރެއަކު މަދުވެގެން އަށް ގަޑިއިރު ނިދި އަދި ގަވާއިދުން ދުވާލު ގަޑީގައި އަރާމު ކުރުމަކީ ސްޓްރެސް ފިލުވަން އެހީވެދޭނެ ކަމެކެވެ.

titledesc